Eining - 01.08.1964, Síða 10

10
EINING
Frá borði stórvaratemplars, og fundarmenn í þeim enda salsins. Munu kunnugir þekkja þar
allmörg andlit. Þar á vegg bak við, er mynd af fgrrv. stórtemplar, Benedikt S. Bjarklind, milli
fánanna tveggja.
St-fregnritari: Njáll Þórarinsson,
stórkaupmaður, R.
Fyrrverandi stórtemplar: Séra
Kristinn Stefánsson, R.
Jóhann Ögm. Oddsson er sérstakur
heiðursfulltrúi í framkvæmdanefnd
Stórstúku íslands. Umboðsmaður há-
templars er: Stefán Ág. Kristjánsson,
forstjóri, Akureyri.
Laust fyrir þingslit stóð fjölmennur
fundur á hástúkustiginu og stjórnaði
honum Stefán Ág. Kristjánsson, um-
boðsmaður hátemplars.
í sambandi við þingslitin færði stór-
templar samherjum á Akureyri beztu
þakkir fyrir hinar ágætustu móttökur
og allt samstarf.
Samþykktir þingsvns
Efnislega voru helztu samþykktar
tillögur og ályktanir þingsins þessar:
Stórstúkuþingið skorar á fram-
kvæmdanefndina að vinna að því við
alþingi og ríkisstjórn, með hliðsjón af
því alvarlega ástandi, sem gripið hefur
um sig meðal æskulýðs í landinu varð-
andi áfengisneyzlu, að tekin verði upp
í fjárlög föst fjárveiting til að launa
erindreka, sem vinni að eflingu bind-
indis í landinu. Ráðherra skipi menn-
ina samkvæmt tillögu Stórstúku ís-
lands, Landssambandsins gegn áfengis-
bölinu og Áfengisvarnaráðs.
Að unnið verði að því, að ráðstafanir
verði gerðar til þess að ferðaskrifstof-
ur, félög og einstaklingar, sem annast
hópferðir ungmenna, verði látnir bera
ábyrgð á því, að ungmenni innan 21
árs hafi ekki með sér né neyti áfengis
í slíkum hópferðum.
Framkvæmdanefnd stórstúkunnar
vinni að því við Ríkisútvarpið, að tekn-
ir verði þar upp fastir fræðsluþættir
um skaðsemi áfengis og tóbaks, hlið-
stætt ýmsum öðrum þáttum útvarpsins.
Þingið átelur harðlega hinar óvið-
kunnanlegu fjáröflunaraðferðir ýmissa
félagasamtaka, sem standa fyrir sam-
komum þar sem fram fara áfengisveit-
ingar meira eða minna, og skirrast
jafnvel ekki við að hefja slíkar sam-
komur með dansi og drykkjuskap kl.
12 að kvöldi á stórhátíðum, svo sem
páskum og hvítasunnu, eins og dæmin
sanna.
Stórstúkuþingið þakkar framkvæmda-
nefnd sinni skelegg viðbrögð í sam-
bandi við frumvarp til laga um breyt-
ingu á áfengislögum nr. 58, 24. 1964,
sem borið var fram á seinasta Alþingi,
en það var varðandi aldurstakmark
ungmenna viðvíkjandi áfengisneyzlu.
Stórstúkuþingið skorar á Alþingi og
lögreglustjórn alla að herða mjög á
refsingu fyrir ölvun við akstur og
verði dómi fyrir slík brot hraðað miklu
meira en nú er gert.
Þingið fagnar framkominni tillögu á
Alþingi um að kjósa nefnd 7 alþingis-
manna til þess að rannsaka svo sem
verða má ástandið í áfengismálum
þjóðarinnar, eðli og orsakir þess mikla
vandamáls og endurskoða gildandi á-
fengislög.
Stórstúkuþingið taldi fulla ástæðu til
að ætla, að þeim fjölgaði stöðugt, sem
mæltu gegn áfengisneyzlu, og minnti á
sumt af hinu síðasta, svo sem útvarps-
erindi sr. Óskars J. Þorlákssonar, ræðu
Ragnars Jónssonar, forstjóra, í þættin-
um „um daginn og veginn,“ en þó sér-
staklega hina ágætu grein Helga Ing-
varssonar, yfirlæknis, en hún birtist í
Morgunblaðinu fyrir nokkru, og ekki
sízt kaflann í greininni um „cocktail-
tízkuna," sem orðið hefði til að auka
drykkjuskap kvenna og þá einnig ung-
menna, en það er nú eitt okkar mesta
þjóðarböl og vandamál.
För út um Eyjafjörð’
Á þessum þingum okkar þykir
venjulega viðeigandi að breyta ofurlít-
ið til frá hinum alvarlegu störfum. —
Eitt kvöldið ókum við allstór hópur út
um sveitir og allt leið út í Ólafsfjarð-
armúla, bæði til þess að forvitnast um
nýju vegagerðina þar og svo til að
njóta blíðu kvöldsins, fegurðar fjarð-
arins og svo dýrðlegs sólarlags. Ekki
vildir allir fara á leiðarenda, fannst við
vera komnir út af breiða og greiðfarna
veginum, lögðu sumir þá af stað fót-
gangandi, og engu síður menn á átt-
ræðis- og níræðisaldri en hinir, en
brátt kom á eftir okkur fremur lítill
bíll, kjarkmenn þar, og ók með okkur
næstum eins langt og komizt varð. —
Kátt fólk var í bílnum og bar þar tölu-
vert á gamanvísum og ljóðum.
Sólarlagið undir miðnætti varð okk-
ur minnisstæð sjón. — Á heimleið var
numið staðar í Dalvík, þótt áliðið
kvölds væri, gengið þar í kirkju, en
hún er mjög sviphrein og vistleg. Söng-
stjórinn okkar, Ottó Guðjónsson, lék á
orgel kirkjunnar og við sungum „Dýrð
sé guði í hæstum hæðum,“ en okkar
ágæti öldungur, Jón Þ. Björnsson,
fyrrv. skólastjóri á Sauðárkróki, bráð-
um 82 ára, tók sér biblíuna í hönd og
las 23. og 117. sálm Davíðs. Var góður
dagur þar með að mestu kvaddur.
Veizla
Síðasta þingdaginn, mánud. 15. júní,
gekkst Þingstúka Akureyrar fyrir mjög
fjölmennu samkvæmi að kvöldi dags í
Sjálfstæðishúsinu, en þar eru mikil
salarkynni. — Meðal boðsgesta voru
prestar bæjarins, bæjarstjórinn, Magn-
ús Guðjónsson, og bæjarstjórn, en hóf-
inu stjórnaði Stefán Ág. Kristjánsson.
Ólafur Þ. Kristjánsson, stórtemplar,
flutti minni reglunnar, en minni Akur-
eyrar flutti Eiríkur Sigurðsson, skóla-
stjóri, og er það birt hér í blaðinu. —
Bæjarstjóri flutti ávarp, færði regl-
unni beztu þakkir fyrir mikilvæg störf
í bæjarfélaginu um 80 ára skeið og ósk-
aði henni allra heilla.
Svo fór fram sérstök athöfn, þar sem