Íslenskt mál og almenn málfræði - 01.01.2005, Side 68

66
Haraldur Bernharðsson
(4)a. Kjósandi ritar nafh þess sem hann vil [3.p.et.] kjósa á kjörseðil.
Eigi skal hann undirrita kjörseðil eða auðkenna hann með öðr-
um hætti.
b. Fræðsla og upplifun af kirkju og trú þar sem dropinn holar
steininn. Hún vil [3.p.et.] að bömin finni að kirkjan er góður
staður til að vera á og koma á.
c. Hann vil [3.p.et.] fá konuna sem hann elskar hvað sem það kost-
ar. Hún vil [3.p.et.] einungis ffelsið sem Thelma og Louise dá-
sama svo mjög.
d. Oprah hefúr hlutina nákvæmlega eins og hún vil [3.p.et.] og
sýndi það í þessum þætti að hún hafði í raun engan áhuga á lífi
og starfí kvenna í öðmm heimshlutum...
e. Er sú stutta ekkert búinn að gera kröfúr um hvað hún vil [3.p.et.]
fá að borða á fyrsta afmælisdaginn sinn eða hvað hún vil
[3.p.et.] í afmælisgjöf?
Ef marka má málfar í íslenskum vefskrifum virðast breytingar þær
sem lýst er í (1) og (3) vera tvær andstæðar tilhneigingar því að
nauðafáir textar (eða vefsíður) fundust þar sem fyrir komu merki
beggja breytinganna, þ.e. dæmi um bæði 1. persónu (ég) vill og 3.
persónu (hann/hún) vil í sama texta, og mun færri en þeir textar þar
sem 1. og 3. persóna hafði sömu myndina, annaðhvort vill eða vil.4
Þessar breytingar em því í samkeppni, ef svo má segja, og ef marka
má þann fjölda dæma sem leitarvélamar fínna í íslenskum vefskrif-
um hefúr breytingin í 1. persónu, (ég) vil -* vill, sbr. (1), margfalt
4 Tölum um dæma- og síðufjölda í leit af þessu tagi verður að taka með fyrirvara,
enda eru leitarvélamar misjafnar og skila oft býsna ólíkum tölum og dæmum. Tölum-
ar gefa þó einhverja vísbendingu um dreifmgu umræddra máleinkenna. Leitað var í
íslenskum vefskrifum að orðunum „ég vill“ ásamt annaðhvort „hann vil“ eða „hún
vil“ og fundu leitarvélamar þrjár samanlagt tæplega tíu síður þar sem annaðhvort
þessara para kom fyrir. Aftur á móti fann Google-vélin ein, sem jafhan skilaði mestu
af leitarvélunum þremur, ríflega hundrað síður þar sem finna mátti „ég vil“ ásamt ann-
aðhvort „hann vil“ eða „hún vil“ og nærri níu hundmð síður með „ég vill“ ásamt ann-
aðhvort „hann vill“ eða „hún vill“. Til samanburðar má nefna að Google fann ríflega
hálft sjötta þúsund síðna með „ég vil“ og annaðhvort „hann vill“ eða „hún vill“ sem
er hin viðurkennda málnotkun.