Vera - 01.08.1997, Page 13

^ynjaskiptur
vinnumarkaður
hjá öðrum og sem sjálfstæður atvinnurekandi.
Árið 1991 veiktist hann hastarlega og var tvísýnt
um líf hans. Eftir langa og stranga endurhæfingu
sá Jón Már fram á að hann gæti ekki snúið aftur í
prentiðnina og fór því að huga að öðru. Hann
svaraði auglýsingu um að gæta gamallar konu, en
af því varð ekki. Hann komst hinsvegar að í
heimaþjónustu hjá þjónustumiðstöðinni í Hvassa-
leiti. Ástvinamissir og veikindi hafa sett mark sitt á
Jón Má en þrátt fyrir erfiðleika lætur hann ekki
bugast og er duglegur að fara í ferðalög með Sókn
þar sem hann er oftast eini karlmaðurinn í hópn-
um.
Hefurðu verið lengi í þessu starfi og hvað gerir
þúf
„Eg hef unnið við þetta í 5 ár. Eg geri ýmislegt
fyrir fólkið eftir því hvað hentar í hverju tilviki.
Það eru ýmis konar heimilisstörf svo sem að þrífa,
útbúa mat, gera innkaup og vökva blómin. Og svo
er oftast vel þegið að spjalla um hitt og þetta og
jafnvel að spila á spil. Það mættu gjarnan vera
fleiri karlmenn í þessum störfum. Hátt í helmingur
af eldri borgurum eru karlar og þeir hafa oft á tíð-
um aðrar þarfir en konur. Nú sem stendur annast
ég þrjá karla og tvær konur. Ég kemst oftast í gott
samband við skjólstæðinga mína.
Hvernig hregst fólk við þegar þú segist vinna við
heimaþjónustu aldraðra?
„Mér finnst flestir vera afar jákvæðir gagnvart
því. Fólki finnst þetta mjög gagnlegt starf og sýnir
því litla fordóma. Launin eru kannski fremur lág
en stéttarfélag okkar, Sókn, hefur staðið sig mun
betur en flest önnur félög við að semja fyrir sitt
fólk. Það er alveg hægt að komast sæmilega af ef
fólk er í fullu starfi. Ég er í hlutastarfi, þar sem ég
er öryrki, en mér líkar vel að geta orðið að ein-
hverju liði. Mér fyndist vel athugandi fyrir fleiri
karlmenn að gefa sig að þessu starfi.
Hvað telur þú mikilvœgast í starfinu?
„Að geta tjáð sig við gamla fólkið og fundið um-
ræðuefni sem hentar hverjum og einum. Að drekka
kaffisopa með fólkinu og ræða um það sem er að
gerast hverju sinni getur verið því mikils virði. Mér
finnst að maður eigi ekki að koma inn til fólksins
með asa og látum og hespa af því sem þarf að gera.
Það þarf að sýna því alúð og nærgætni og fara að
öllu með gát.
Er líkamlegt afl mikilvœgt í starfi sem þessu?
„Ekki endilega, þó það geti komið sér vel í sum-
um tilvikum. Ef skjólstæðingur þarf mikla líkam-
lega aðstoð velja verkstjórar í þjónustumiðstöðinni
starfskrafta til þeirrar þjónustu.
Myndir þú hvetja karla til að fara í heimaþjón-
ustu?
„Já, ég mæli eindregið með því fyrir þá sem eru
tilbúnir að sýna nærgætni og þjónustulund.
Hvað er mest gefandi í starfinu?
„Þetta er erfið spurning og ekki vel gott að gefa
einhlítt svar. En ef vinur minn, sem ég hef verið að
aðstoða er glaðari og ánægðari þegar ég fer frá
honum en þegar ég kom til hans, þá fer ég glaðari
heim til mín. Ef ég fæ þétt og hlýlegt handtak að
skilnaði, þá finn ég að vel hefur tekist til. Það er
góð umbun.
Einn skjólstæðingur Jóns Más er Ólafur Jónsson
sem býr í leiguíbúð á vegum Reykjavíkurborgar.
Ólafur er tæplega áttræður ekkill sem hefur notið
aðstoðar heimaþjónustunnar í tvö og hálft ár. Þar af
hefur Jón Már komið til Ólafs í tvö ár, einu sinni í
viku. Áður sinnti kona þessu starfi, en þegar hún
missti heilsuna tók Jón Már við. Ólafur segist ekki
hafa óskað sérstaklega eftir karlmanni í starfið.
Hann finnur ekki mun á hvort karlmaður eða kona
er í starfinu. Bæði hafi þau reynst sér vel. Aðalatrið-
ið sé að fólkið sinni starfi sínu.
SÁ
En ef vinur minn,
sem ég hef verið
að aðstoða er
glaðari og ánægö-
ari þegar ég fer
frá honum en þeg-
ar ég kom til hans,
þá fer ég glaðari
heim til mín.
BORGARBOKASAFN
REYKJAVÍKUR
er almenningsbókasafn Reykvíkinga og öllum opið. Það er menningar-
og upplýsingastofnun þar sem hægt er að fó að lóni bækur, tímarit,
nýsigögn og annað efni til fræðslu og dægradvalar. Safnið rekur
lestrarsal, sjö útlónsdeildir og tvo bókabíla auk annarrar sérþjónustu.
Aðalsafn - stjórnunar og þjónustudeild,
Þingholtsstræti 27, sími 552-7155
Útlónsdeild - Þingholtsstræti 29A, er opin mónud. - fimmtud. kl. 9 - 21,
föstud. kl. 1 1 - 19 og laugard. kl. 13-16. (laugard. lokað maí-sept.)
og sunnud. kl. 13-16 sept. - maí.
Lestrarsalur, Þingholtssfræti 27,
er opinn mónud. - föstud. kl. 1 3 - 19 og laugard. 13-16.
Lokaður laugard. í maí og alveg lokaður júní - sept.
Borgarbókasafnið í Gerðubergi, sími 557-9122,
er opið mónud. - fimmtud. kl. 9-21, föstud. kl. 9 - 1 9, laugard. kl. 1 3 -
16 (laugard. lokað maí - sept. ) og sunndud. kl. 13-16 sept. - maí.
Bústaðasafn, Bústaðakirkju, sími 552-6270.
Foldasafn, Grafarvogskirkju, sími 567-5320.
Sólheimasafn, Sólheimum 27, sími 553-6814,
eru opin mónud. - fimmtud. kl. 9 - 21, föstud. kl. 9 - 19
og laugard. kl. 13-16 (laugard. lokað maí - sept.)
Grandasafn, Grandavegi 47, sími 552-7640,
er opið mánud. kl. 1 1 - 19 og þriðjud. - föstud. kl. 15-19.
Seljasafn, Hólmaseli 4-6, sími 587-3320,
er opið mánud. kl. 1 1 - 19, þriðjud., miðvikud. og föstud. kl. 1 1 - 17
og fimmtud. kl. 15 - 21. Einkum ætlað börnum og unglingum.
Bókabílarnir eru reknir frá Bústaðakirkju.
Viðkomustaðir 40 talsins.
Bókin heim, þjónusta fyrir fatlaða og aldraða sem komast ekki á safnið,
skipasöfn og önnur sérþjónusta. Upplýsingar í síma 552-7155.
VERIÐ VELKOMIN Á BQRGARBÓKASAFN
REYKJAVIKUR
13