Ljósmæðrablaðið - 01.01.1963, Page 26

20
LJÓSMÆÐRABLAÐIÐ
norsku og finnsku að draga um þau. Þetta olli almennri
gleði.
Svo var seinasta atriðið, veizlan í Klubben. Matseðill-
inn var teiknaður storkur, og voru nöfn réttanna prentuð
á bleyju, sem hann liafði í nefinu. Það minnti á aðstöðu
okkar, og setti gleðisvip á ljósmæður og aðra boðsgesti,
því yfirleitt er sérstakur ljómi yfir ljósmæðrastarfinu.
Það voru margar ræður og mikið sungið undir borðum.
Skemmtiatriði voru seinna um kvöldið: þjóðkvæði, upp-
lestur, söngur, þjóðdansar og fleira.
Þar með lauk Norðurlandamótinu í Kristiansand.
Miðvikudaginn þ. 27. júní var stjórnarfundur Ljós-
mæðrafélags Norðurlanda. Stjórnin bað mig að sitja þann
fund. Það var almenn ósk stjórnarfundarins, að næsta
mót, sem á að halda 1966, yrði á íslandi, og var ég beðin
um að koma þeirri ósk á framfæri.
Magnea Guðnadóttir.
FUNDARGJÖRÐ
Aðalfundur Ljósmæðrafélags Islands var haldinn í
Hábæ í Reykjavík, laugardaginn 22. sept. 1962. Fundar-
konur voru 28.
1. Fundinn setti formaður félagsins Valgerður Guð-
mundsdóttir. Minntist hún frk. Jóhönnu Friðriksdóttur,
og bað fundarkonur að rísa úr sætum og votta hinni látnu
virðingu og þökk félagsins. Formaður tilnefndi Jóhönnu
Þorsteinsdóttur, sem fundarstjóra.
2. Ritari félagsins gat ekki mætt fyrr en síðar á fund-