Ljósmæðrablaðið - 01.12.1982, Blaðsíða 23

LJÓSMÆÐRABLAÐIÐ
103
leiðslu og hvernig við temprum of mikið mjólkurflæði. Stálmi og
meðferð hans. Bendum á hve mjólkurframleiðsla er misfljót að
verða nægileg og að hún er sveiflukennd. Hversu mikilvæg hvíld-
in er og þá um leið stellingar móður og áslökun við brjóstagjöf.
Geðsveiflur eru algengar, feður þyrftu að vita um hugsanlegar
geðsveiflur, en mikilvægast er þó að konan sjálf hafi ekki
áhyggjur af þessum sveiflum.
Einnig er mjög mikilvægt að eldri systkin, ef fyrir eru, séu vel
upplýst um gildi brjóstamjólkurinnar fyrir vöxt og þroska litla
barnsins. Það getur forðað frá afbrýðisemi og allskonar
uppátækjum öðrum.
Fyrir 20 árum var það talið fáheyrt, ef faðir var viðstaddur
fæðingu barns síns, en í dag telst það til undantekninga, ef
faðirinn eða annar nákominn ættingi er ekki viðstaddur, og er
það vel. En hann verður að halda áfram að vera þátttakandi, og á
ég þá ekki síst við brjóstagjöfina. Allar þær ráðleggingar sem við
gefum móður, þyrftu að ná til föðurins líka. Það eykur skilning
hans, kemur í veg fyrir afbrýðisemi og gerir hjónin samhentari í
umönnun barns síns. En hvar komum við þessari fræðslu okkar á
framfæri. Jú í mæðraverndinni, sængurlegunni, foreldrafræðsl-
unni, þar sem hún er fyrir hendi, og til gamans má geta þess að
ljósmóðurinni í strjálbýlinu gefst oft góður tími á fæðingarstof-
unni sjálfri til að ræða þessi mál (og á ég þá að sjálfsögðu við áður
en konan er komin í fæðingu).
Einn þáttinn enn mætti nefna, er gæti verið mjög jákvæður, en
það eru samtök sem sængurkonur mynda með sér sjálfar áður en
þær fara heim af fæðingarstofnunum. Þær eldri og reyndari gefa
hinum yngri góð ráð o.s.frv. Fer sú þjónusta að mestu fram
símleiðis. Slík „brjóstafélög” hafa tíðkast lengi t.d. á Norður-
löndunum og í Bandaríkjunum og gefist vel. Að lokum, mér er
það fullljóst, að með orðum mínum hef ég ekki komið inná neina
punkta, sem þið ekki öll vissuð. En góð vísa er aldrei of oft
kveðin, ekki satt.