Ljósmæðrablaðið - 15.11.2001, Síða 18

Finnst þér vera mikill munur á
heimafæðingum og sjúkrahúsfæðingum?
Ef einungis er grœnt legrntn
metwn við stöðuna með'flutning
það er heldur ekki gott að flytja
konu efhún er komin með 8-9 an
útvíkkun. Við tökum helst mið af
hjartslœtti bamsins íþessu tilliti.
Við getum vel sogað upp úr
bömunum heima efleg\’atnið er
grœnt.
Já, það finnst mér, það er alveg öruggt. Þær
íjölskyldur sem velja að fæða barn sitt heima
hafa trú á eiginleika sína til að ala barn. Það
vill ekki láta stjórna sér í þessu ferli, það vill
ekki þurfa að fara af heimilinu í bíl á
fæðingarstofnun þar sem meiri líkur eru á
inngripum. það vill geta valið hvemig umhverfi
fæðingarinnar er, hveijir em viðstaddir, þekkja
ljósmóðurina, hafa börnin nálægt o.þ.h. það
er mun meiri ró í heimafæðingum, því fólkið
sjálft hefur valið það og myndað sína eigin
stemningu. Hins vegar má segja að allir, ja
næstum allir, eru vel innstilltir inn á það að
flytjast á sjúkrahús ef við teljum ástæðu til,
þau vilja ekki vera heima ef okkur finnst
eitthvað vera grunsamlegt. Þau hlusta vel á
það sem við segjum.
Geta allar konur fætt heima, eða eru einhver
skilyrði sem þarf að uppfylla til að fá að
njóta ykkar aðstoðar?
Allir hafa rétt á að fæða barn sitt heima. í
raun geta allar konur fætt heima og hafa rétt
til að fá aðstoð við það, okkur ber skilda til að
sinna því. Hins vegar þá mælum við gegn því
ef kona er í áhættumeðgöngu, t.d. er með
sykursýki, háan blóðþrýsting, fýrri keisari eða
lengd meðganga. Ef kona hringir og vill fá
Vatnfæðing afstaðin
ljósmóður heim og eitthvað er að þá þurfum
við að sjálfsögðu að sinna því en við skrifum
það í pappírana að við ráðum konunni frá því.
Við þvingum engan inn á sjúkrahús með því
að neita um aðstoð heima, það væri tilefni til
að missa starfið. Læknir getur gert þá kröfu
að konan verði að vera á sjúkrahúsi til að hann
sinni henni en ljósmóðirin verður að fara á
staðinn.
Annars er viðmiðið hjá okkur að
meðgöngulengd sé innan 37-42 viku, þ.e. 14
dagar eftir áætlaðan fæðingardag. Svo þarf
konan að vera almennt heilsuhraust,
meðgangan eðlileg og eitt barn í höfuðstöðu.
Við höfum helst ekki viljað hafa fýrri keisara,
en það eru nokkrar sem hafa endilega viljað
fæða heima. Þá höfum við samið við þær að
taka þær inn í kerfið gegn því að það verði
flutningur á sjúkrahús við minnsta tilefni. þær
hafa tekið því vel og það hafa ekki komið upp
nein vandamál með þær konur.
Eru það margar konur sem þurfa að flytjast
á sjúkrahús í miðri fæðingu?
Við höfum haldið vel utan um allar slíkar
tíðnitölur, það hefur verið eitthvað mismunandi
milli ára, 9-10%, allt upp í 14% mest. Stór
hluti af þeim eru konur sem hafa misst
legvatnið fyrir fæðingu og hríðarnar byrjuðu
aldrei og það er nú ekki dramatísk ástæða að
flytjast inn á sjúkrahús vegna þess. Svo eru
það margar sem hafa byrjað í fæðingu heima
en hríðarnar ekki verið nógu kraftmiklar,
fæðingin orðin langdregin og þær þurft að
koma inn á sjúkrahús til að fá hríðarörvandi
lyf. Það gefum við ekki heima. Þessar tvær
ástæður eru algengastar til flutnings. Þær
aðferðir sem við höfum notað heima til
hríðarörvunar eru geirvörtunudd og
þrýstipunktameðferð. Síðan hefur það komið
fyrir að bamið hafi reynst vera í sitjandi stöðu
þegar kemur að fæðingu. Það á sérstaklega
við um konur sem hafa átt nokkur börn áður.
Síðan eru það konur sem hafa fluttst á
sjúkrahús vegna þess að þær hafa viljað fá
frekari verkjameðferðir en það sem við bjóðum
uppá. í einstaka tilfellum höfúm við flutt konu
á sjúkrahús þar sem við viljum hafa nánara
eftirlit, t.d. ef hjartsláttur barnsins er ekki í
lagi og ef legvatn er einnig litað. Ef einungis
er grænt legvatn metum við stöðuna með
flutning, það er heldur ekki gott að flytja konu
ef hún er komin með 8-9 cm útvíkkun. Við
tökum helst mið af hjartslætti bamsins í þessu
tilliti. Við getum vel sogað upp úr börnunum
heima ef legvatnið er grænt. Ef blæðir í
fæðingunni flytjum við konuna strax, en það
em örfá tilfelli. Við höfum tvisvar fengið mikla
blæðingu eftir fæðingu þannig að flytja varð
konurnar á sjúkrahús.