Tímarit Verkfræðingafélags Íslands - 01.04.1949, Blaðsíða 18
24
TÍMARIT V.F.I. 1949
2. Aðstaða við land.
Á innra bryggjustæðinu er lögun uppfyllingarinn-
ar að sjálfsögðu miðuð við, að sem mest flatarmál
fáist við sem minnsta fyllingu. Af þeim ástæðum
er uppfyllingin ekki í eins haganlegri afstöðu við
bryggjuna og æskilegt hefði verið. Hins vegar má
skipuleggja uppfyllinguna að öllu leyti eftir því sem
bezt hentar.
Á ytra bryggjustæðinu er sjávarbakkinn 3—4 m
hærri en fyrirhuguð bryggja, en landrými er þar
nægilegt, og mér virðist ágæt aðstaða til þess að
gera síldarþró fyrir framan bakkann og lýsisgeyma,
mjölhús og önnur mannvirki uppi á bakkanum.
Á Vopnafirði eru engir geymar fyrir lýsi eða olíu
og engin geymsluhús, er fullnægt gætu þörfum
skipsins.
Efni í steinsteypu er auðfengið. Tunnan af steypu-
sandi og möl kostar um 3,50 kr.
3. Vatnsveita.
I Vopnafjarðarkauptúni er engin vatnsveita. Vatn
er þar tekið úr brunnum og er ekkert annað vatns-
ból nærri. Úr Hofsá mætti taka ósalt vatn um 5
km fyrir innan kauptúnið, en í f jarðarbotninum ligg-
ur árfarvegurinn svo lágt, að nauðsynlegt yrði að
hafa dælustöð til þess að fá þaðan vatn fyrir skipið.
Ég athugaði marga möguleika á vatnsveitulögn
í Vopnafirði, bæði úr lækjum, sem falla í Nýpslón,
og frá uppsprettum og tjörnum á Kolbeinstanga.
Virðist mér haganlegast að taka vatn úr Skjalteins-
staðaá, um 8,0 km frá kauptúninu. Þaðan má veita
vatni til kauptúnsins með þyngdarrennsli, og þótt
vatnsveita þaðan sé lengri en frá Hofsá, yrði hún
ódýrari í rekstri og mun tryggari, -en stofnkostn-
aðurinn varla miklu meiri.
Mér virtist bezt henta að hafa inntak veitunnar
í 40 m hæð í árfarveginum. Er þar auðvelt að gera
stíflu og aðstaða að öðru leyti góð til þess að gera
vatnsþró, ef þess þyrfti með. Frá þessum upptök-
um myndi 6” víð pípa flytja um 11 sekúndulítra af
vatni til kauptúnsins, og fullnægir það bæði vatns-
þörf skipsins og þorpsins.
Kostnað við þessa vatnsveitu hef ég áætlað um
860 eða 900 þús. krónur miðað við innra eða ytra
bryggjustæði, og er þá ekki talinn með kostnaður
vegna aukagreina frá stofnæðinni til annarra not-
enda en skipsins og athafnasvæðis í sambandi við
starfrækslu þess.
4. Áætlaður kostn. við bryggjugerð og vatnsveitu.
Innra bryggjustæði:
Bryggja og uppfylling ........... kr. 1.500.000
Vatnsveita ...................... — 860.000
Samtals kr. 2.360.000
Ytra bryggjustæði:
Bryggja og uppfylling ........... kr. 1.100.000
Vatnsveita ...................... — 900.000
Samtals kr. 2.000.000
Af þessum samanburði á kostnaði er augljóst, að
hagkvæmara væri að hafa afgreiðslustöð skipsins
við ytra bryggjustæðið, ef þess væri kostur, en mér
er ljóst, að meðan ekki er úr því skorið, hvort Hær-
ingur kæmist með góðu móti um sundin milli skerj-
anna, er mjög hæpið að gera ráð fyrir bryggju á
þessum stað.
SEYÐISF JÖRÐUR.
1. Höfn og hafnarmannvirki.
Á Seyðisfjarðarhöfn er mjög gott skjól fyrir haf-
öldu. Þar kemur aðeins lítil fjarðarbára. Innsigling
á hafnarsvæðið er hrein og djúp og aðdýpi mikið við
strendurnar, beggja vegna fjarðarins.
I kaupstaðnum eru margar bryggjur, en engin
þeirra nær svo langt fram, þrátt fyrir aðdýpið, að
Hæringur fljóti fullhlaðinn upp að bryggju um fjöru.
Byggð kaupstaðarins nær tiltölulega langt út með
firðinum, en uppdrættir af dýptarmælingu hafa að-
eins verið gerðir um 600 m út fyrir Búðará.
Til er gamall uppdráttur af strandlengjunni út
með firðinum. Hef ég látið gera eftir honum þann
uppdrátt, er hér fylgir. Því miður er dýpi ekki sýnt
á uppdrættinum en líklegt er, að ekki sé minna dýpi
þar, en innar í firðinum. Er þá 6—7 m dýpi um 20—
30 m frá flóðlínu, en hún er mörkuð á uppdráttinn.
Fyrir innan það svæði, sem uppdrátturinn nær til,
mun varla fást afgreiðslustaður fyrir Hæring, vegna
annarra athafna, en utar virðist mér tveir staðir
sérstaklega geta komið til greina, þótt báðir séu í
einkaeign. Ég hef markað þessa staði á uppdrátt-
inn. Innri staðurinn er fyrir framan Wathnesbúð, en
ytri staðurinn er eign Síldarbræðslunnar h.f.
Á innri staðnum hafa verið gerðar dýptarmæling-
ar, og er þar 6,0—7,0 m dýpi um 35 m frá flóðlínu.
Eins og sýnt er á uppdrættinum, hef ég gert áætlun
um, að gerðar verði tvær bryggjur út á 6—7 m
dýpi. Gert er ráð fyrir, að bryggjurnar séu 12 m
breiðar, bílfærar staurabryggjur. Kostnað við
bryggjugerð og minniháttar uppfyllingu við land hef
ég áætlað um 580.000 krónur.
Skipið myndi fljóta fullhlaðið við bryggjurnar.
Á ytri staðnum er 52 m breið bryggja, en nær
aðeins fram á 4,5 m dýpi um fjöru. Ef gerðar eru
tvær 5—8 m langar bryggjur fram af henni fæst
6,5—7 m dýpi við bryggjuendana.