Dagblaðið Vísir - DV - 05.02.2004, Blaðsíða 21

DV Sport
FIMMTUDAGUR 5. FEBRÚAR 2004 21
Graham í bóli bjarnar George Graham, fyrrum knattspymustjóri Millwali, Arsenal,
Tottenham og Leeds, var fundinn sekur um að hafa þegið mútur hjá norska umboðs-
manninum Rune Hauge / kjölfar féiagsskipta þegar hann var knattspyrnustjóri hjá
Arsenal. Reuters
Leikmannamarkaðurinn á Englandi er
í vandræðum þessa dagana enda ríða
óheiðarlegir umboðsmenn og
knattspyrnustjórar þar húsum.
Spilltir stjórar
maka krókinn
Velþekktur umboðsmaöur í
ensku knattspyrnunni segir að
mikil spillingu sé í félagsskiptum
leikmanna og að dheiðarlegir
umboðsmenn og spilltir knatt-
spyrnustjórar maki krókimi í
kringum kauþ og sölu á leik-
mönnum. Þessi umboðsmaður
sagði félög, knattspymustjóra og
umboðsmenn fara reglulega í
kringum reglur Alþjóða knatt-
spyrnusambandsins og enska
knattspyrnusambandsins og
komast nær undantekningariaust
upp með það.
Umboðsmaðurinn, sem vildi
eðli málsins samkvæmt ékki láta
nafns síns getið, sagði í samtali
við vefsvæði BBC að félög og
knattspyrnustjórar töluðu reglu-
lega við leikmenn sem þeir hefðu
ekki leyfr til að tala við; að
umboðsmenn, sem hefðu ekki
tilskilin réttindi, störfuðu við að
semja fyrir leikmenn, og að
ákveðnir umboðsmenn reyndu að
stela leikmönnum frá öðrum
umboðsmönnum.
Þessi umboðsmaður fær
stuðning frá Graham Bean,
fyrrunt yfirmanni eftirlitsnefndar
enska knattspyrnusambandsins,
sem sagði að þaö va?ri nánast
ómögulegt íyrir sambandið að
fylgjast með þessurn málum. „í
hvert skipti sem maður heldur að
það hafi tekist að loka öllum
leiðum kemur alltaf annað gat í
ljós. Ef farið er að reglum Alþjóða
knattspyrnusambandsins má
félag ekki hafa samband við
leikmann fyrr en það hefur náð
samkomulagi við félag leik-
mannsins um kaupverð. Ég veit
að þetta er oft brotið og það gerir
málið erfitt fyrir þau lið sem vilja
ekki selja sína leikmenn," sagði
Bean.
Það er ekki með öllu óþekkt að
knattspyrnustjórar hagnist á
félagsskiptum leikmanna. Fræg-
asta dæmið er George Graham
þegar hann var knattspyrnustjóri
hjá Arsenal. Hann þáði mútur frá
norska umboðsmanninum Rune
Hauge fyrir að kaupa Norð-
manninn Pál Lydersen árið Í995.
Upp komst um kauða og var hann
rekinn í kjölfarið frá Arsenal og
dæmdur í árs bann.
Nýverið hefur Alex Ferguson,
knattspyrnustjóri Manchester
United, verið í sviðsljósinu vegna
vafasamra kaupa félagsins á
Kleberson, Tim Howard og David
Bellion. Umboðsfyrirtæki sem
sonur Fergusons, Jason að nafni,
rekur hefur fengið vænan skerf
fyrir að sjá um félagsskiptin og
spurt hefur verið hvort Skotinn
lífssigldi hafi jafnvel haft eitthvað
sjálfur upp úr krafsinu.
Margir umboðsmenn þéna
ótrúlegar upphæðir á því að
Ieikmenn á þeirra snærum éru
seldir. Sem dæmi má nefna að
ísraelinn Pinhas Zahavi, sem er
umboðsmaður |Rios Ferdinand,
hefur fengið þrjár milijónir punda
í sinn hlut fyrír kaup Leeds og
Manchester United á kappanum.
í Argentínu er kominn fram enn einn „nýr Maradona“. Að
þessu sinni gæti viðkomandi átt eftir að standa undir nafni.
Carlos Tevez er
Carlos Tevez heldur í dag upp á
tvítugsafmælið sitt í Buenos Aires f
Argentínu. Ef einhver skyldi nú ekki
vita hver Carlos Tevez er - eða hvers
vegna afmælis svo ungs manns er
minnst í blaði á íslandi - þá ætti sá
hinn sami að leggja nafnið á minn-
ið; þeir eru nefnilega til sem halda
því fram að Carlos þessi Tevez eigi
ekki aðeins eftir að verða heims-
frægur fótboltamaður, heldur gæti
hann átt eftir að komast í hóp
þeirra allra bestu og verða nefndur
í sömu andránni og snillingurinn
og landi Tevezar, Diego Maradona.
Það er reyndar plagsiður í
Argentínu að finna „hinn nýja Mara-
dona“, rétt eins og Brasilíumenn
ástunda að finna „nýjan Pelé“,
Frakkar eru sífellt á höttunum eftir
„nýjum Platini" og svo framvegis.
Allt frá því að sól hins eina sanna
Maradona tók að síga hafa fjölmarg-
ir ungir piltar í Argentínu hlotið
þetta viðurnefni en engum hefur
tekist að standa undir nafni.
Hver „Maradona" af öðrum...
Miklar vonir voru til dæmis
bundnar við Marcel Gallardo fyrir
nokkrum árum, en hann veslaðist
upp í Frakklandi og er nú snúinn
aftur heim til Argentínu við lítinn
orðstír. Næsti „Maradona" var
Pablo Aimar, en þótt hann sé vissu-
lega að gera það mjög gott með Val-
encia er ekki lengur talað um hann
í sömu andrá og hinn mikla Diego.
Þá kom Riquelme og fór með mikl-
um bravúr til Barcelona á Spáni, en
stóð þar engan veginn undir vænt-
ingum og er kominn til Villareal,
þar sem hann stendur sig að vísu
vel en þó ekki þannig að jörðin
beinlínis skjálfi.
Enn einn ungur ,,Maradona“ er
svo Andres d’Alessandro, fæddur í
apríl 1981. Hann á enn möguleika á
að komast áleiðis að því að standa
undir nafnbótinni. Hann stóð sig
frábærlega með River Plate í heima-
landi sínu og næstum öll stærstu fé-
lög í Evrópu voru á höttunum eftir
honum síðastliðið vor, en hann kom
þá mjög á óvart með því að fara til
Wolfsburg í Þýskalandi.
Þar hefur hann slegið rækilega í
gegn og sennilega var hárrétt hjá
honum að fara frekar til „smáliðs"
eins og Wolfsburg þar sem hann fær
örugglega að spila, og reyndar er
Wolfsburgar-liðið nú þegar farið að
snúast fyrst og fremst um hann.
Það er reyndar plag-
siður í Argentínu að
fínna„hinn nýja
MaradonaAllt frá
því að sól hins eina
sanna Maradona tók
að siga hafa fjölmarg-
ir ungir piltar í
Argentínu hlotið
þetta viðurnefni en
engum hefur tekist að
standa undir nafni.
Á slóðum Maradona Ungstirnið Carlos Tevez, sem er tvitugur Idag, þykir hafa alla burði til
að feta í fótspor Diegos Maradona, besta knattspyrnumanns Argentinu fyrr og síða - meiri
burði en flestir aðrir leikmenn sem hefur verið líkt við kappann á undanförnum árum. Reuters
Hann fær því að blómstra og springa
út í rólegheitum áður en hann fer til
stórliðanna - sem áreiðanlega verð-
ur niðurstaðan að fáum misserum
liðnum.
Riðvaxnar „tíur"
D’Alessandro svipar allmjög til
Maradona. Hann er fremur lágur í
loftinu, riðvaxinn og allt að því djöf-
ullega leikinn með knöttinn. Hann
getur bæði spunnið sig fram hjá heil-
um varnargarði jafnvel hinna traust-
legustu þýsku liða, og svo sent og
skotið af nákvæmni sem gera myndi
David Beckham grænan af öfimd.
Hann er þegar kominn í argentínska
landsliðið þar sem þó hefur ekki ver-
ið neinn skortur á snjöllum „tíum”.
Carlosi Tevez svipar mest til d’Al-
essandro af fyrmefndum ungstirnum
þeirra Argentínumanna. Hann er lík-
ur honum (og Maradona) í útliti, líka
lágskreiður á vellinum, en jaihvel
enn sókndjarfari og baráttu-glaðari
en d’Alessandro. Hann er allt í öllu
hjá Boca Juniors en það verður varla
lengi. Bayem Múnchen hafði hug á
að kaupa hann síðastliðið vor á 7,5
milljónir sterlingspunda en ekki varð
af kaupunum þá.
Hins vegar hefur orðstír Tevezar
aukist enn nú í vetur og Bæjarar
mega ugglaust prísa sig sæla næsta
vor ef Tevez stendur enn til boða fyr-
ir slíkan „spottprís”.
Leggið alla vega nafnið vel á
minnið og hlustið vel næst þegar það
heyrist.
illugí@dvJs