Almanak Hins íslenska þjóðvinafélags - 01.01.1942, Qupperneq 76

óldin liafði í för með sér, var í ársbyrjun 1917
mynduð samsteypustjórn með þrem ráðherrum.
Var það fyrsta ráðuneytið á íslandi. Jón Magnússon
varð forsætisráðherra, Björn Kristjánsson fjármála-
ráðherra og Sigurður Jónsson frá Yztafelli atvinnu-
málaráðherra.
Björn Kristjánsson bankastjóri varð þannig fyrsti
fjármálaráðherra á íslandi. Jón Gunnarsson sam-
ábyrgðarstjóri var settur bankastjóri í hans stað. En
1916 hafði Björn Sigurðsson orðið fulltrúi lands-
stjórnarinnar í Englandi og Oddur Gíslason mála-
flutningsmaður þá um hríð verið settur bankastjóri,
en 1917 var Magnús Sigurðsson settur bankastjóri
í hans stað.
í ágústlok 1917 sagði Björn Kristjánsson fjármála-
ráðherraembættinu lausu og tók aftur við banka-
stjórastöðunni. Frá ársbyrjun 1918 urðu bankastjór-
ar Landsbankans þrír, og var Magnúsi Sigurðssyni
veitt þriðja bankastjórastaðan, en Benedikt Sveins-
son settur í stað Björns Sigurðssonar.
Magnús Sigurðsson er enn bankastjóri Landsbanlí-
ans og hefur þannig gegnt því starfi í meira en tvo
áratugi. Hann er lögfræðingur frá Hafnarháskóla og
var eftir heimkomu sina frá Kaupmannahöfn mála-
flutningsmaður við landsyfirdóminn og sýslumaður
i Gullbringu- og Kjósarsýslu og bæjarfógeti í Hafn-
arfirði og fyrsti bæjarstjórinn þar. Auk starfa sinna
í bankanum hefur hann verið stjórnarformaður i
Sölusambandi íslenzkra fiskframleiðenda frá stofn-
un þess 1932 og er nú formaður íslenzka hluta
brezk-íslenzku viðskiptanefndarinnar. Oft hefur
hann og farið utan í hinum mikilvægustu erindum
fyrir ríkisstjórnina.
Um sumarið 1918 sagði Björn Kristjánsson af sér,
en deilur nokkrar höfðu þá staðið um Landsbank-
ann. í stað hans varð L. Kaaber bankastjóri. Var
hann fæddur í Danmörku, en hafði komið ungur
(74)