Almanak Hins íslenska þjóðvinafélags - 01.01.1962, Side 106

voru gerðar á síldarverksmiðjunni á Vopnafirði og
soðvinnslutæki sett i hana.
Miklar umbætur voru gerðar á síldarverksmiðjunni
á Raufarhöfn. Sláturhúsið á Kópaskeri var endur-
byggt. Lokið var byggingu félagsheimilis á Tjör-
nesi. Tekin var í notkun ný sundlaug á Húsavik.
Lokið var byggingu barna- og gagnfræðaskólahúss
þar. Kirkja var reist i Flatey á Skjálfanda. Sælu-
hús var byggt við Herðubreiðarlindir. Margvísleg-
ar framkvæmdir voru á Akureyri. Þar var hafin
bygging elliheimilis, og félagsheimili fatlaðra og lam-
aðra tók til starfa þar. Unnið var að stækkun slökkvi-
stöðvarinnar á Akureyri. Unnið var að flugstöðvar-
byggingunni á Akureyrarflugvelli. Nokkrar mynd-
skreyttar rúður voru settar i Akureyrarkirkju. Ým-
is verzlunar- og verksmiðjuhús voru byggð á Akur-
eyri, t. d. hús súkkulaðiverksmiðjunnar Lindu og
hús húsgagnaverksmiðjunnar Valbjarkar. Hin nýja
kirkja á Dalvik var vígð 11. sept. Ýmsar aðrar bygg-
ingaframkvæmdir voru á Dalvík. Á Ólafsfirði var
unnið að byggingu póst- og símahúss, og var henni
að mestu lokið. Á Ólafsfirði var einnig unnið að
byggingu fjögurra fiskiðjuvera, og voru tvö þeirra
fullgerð á árinu. Á Siglufirði var unnið að bygg-
ingu sjúkrahúss og sundhallar. Hin nýja kirkja á
Hofsósi var vigð 28. ág. Unnið var að byggingu
félagsheimilis á Hofsósi. Minnismerki um Jósef
Björnsson skólastjóra og alþingismann var reist á
Hólum. Unnið var að byggingu félagsheimilis á Stóru-
Ökrum. Unnið var að sjúkrahússbyggingu á Sauð-
árkróki. Borað var eftir heitu vatni í nánd við Sauð-
árkrók. Miklar umbætur voru gerðar á Bergsstaða-
kirkju í Svartárdal, og var hún endurvigð 16. júlí.
Miklar umbætur voru gerðar á gistihúsinu á Blöndu-
ósi. í Víðidal var unnið að byggingu félagsheim-
ilis. Lokið var byggingu verzlunarhúss á Hvamms-
tanga, og hið nýja sjúkrahús þar var tekið til afnota.
(100)