Almanak Hins íslenska þjóðvinafélags - 01.01.1962, Page 107

Hafin var bygging barnaskólahúss á Hvammstanga.
Veitingasaiur tók til starfa á Stað í HrútafirSi.
Á BorSeyri var lokiS byggingu verzlunarhúss. Haf-
in var bygging frystihús í NorðurfirSi á Ströndum.
Kirkjan á Hesteyri var flutt til Súðavíkur og sett
þar upp. Lokið var flugvallargerð hjá ísafirði, og
var hinn nýi flugvöllur formlega tekinn til afnota
2. október. Hafinn var undirbúningur að byggingu
nýs barnaskólahúss á ísafirði. I Bolungarvík var unn-
ið að stækkun barnaskólahússins. Á Suðureyri var
unnið að byggingu læknisbústaðar, sjúkraskýlis og
félagsheimilis. Á Flateyri var unnið að smíð barna-
og unglingaskólahúss. Þar var og unnið að bygg-
ingu fiskvinnsluhúss. Á Þingeyri var unnið að kart-
öflugeymslu og húsi fyrir slökkvilið, áhaldageymslu,
skrifstofur og bókasafn. Á Patreksfirði var unnið
að byggingu barnaskólahúss. Unnið var að kirkju-
byggingu í Breiðuvík í Rauðasandshreppi. Hafin var
bygging veitingaliúss á Hellu á Barðaströnd. Unnið
var að smíð félagsheimilis á Barðaströnd. Lokið
var kirkjubyggingu i Skálmarnesmúla, og var kirkjan
vígð 7. ág. Unnið var að kirkjubyggingu á Reyk-
liólum.
Unnið var að byggingu félagsheimilis i Saurbæ
i Dalasýslu. Á Laugum í Sælingsdal var unnið að
byggingu heimavistarskóla. Enn var unnið að bygg-
ingu bókasafnshúss i Stykkishólmi. Unnið var að
kirkjusmíð í Grundarfirði, og vann flokkur frá Al-
kirkjuráðinu að henni. Þar var og unnið að smið
barnaskólahúss og vélaverkstæðis. Unnið var að vatns-
veitu í Grundarfirði. í Ólafsvík var unnið að bygg-
ingu verbúða og flökunarsals. Unnið var á vegum
varnarliðsins að byggingu flugþjónustustöðvar i nánd
við Hellissand. Á Arnarstapa á Mýrum var unnið að
byggingu félagsheimilis. Lokið var að fullu bygg-
ingu mikils verzlunarhúss í Borgarnesi. Þverárrétt
i Þverárhlíð var endurbyggð. Unnið var að kirkju-
(101)