Dagblaðið Vísir - DV - 03.12.2004, Blaðsíða 19

-
DV Sport
Vaknaður til lífsins Dagur Sigurðsson lék slna bestu leiki með landsliðinu Ilangan tlma á heimsbikarmótinu sem fram fór íSvlþjóð um
daginn. Hann sést hér eiga skot að marki I leiknum gegn heims- og Ólympíumeisturum Króata. DV-mynd Tommy Holl
Landsliðsfyrirliðinn í handbolta, Dagur Sigurðsson, er ekki á
förum frá Austurríki því hann er búinn að framlengja
samning sinn við Bregenz til ársins 2007. Hann fékk
freistandi tilboð frá Sviss sem hann hafnaði.
sM og sú íslHiska
Ferill Dags Sigurössonar hefur
verið æði skrautlegur. Hann fór frá
Val yfir til Þýskalands en kom síðan
verulega á óvart er hann fór til
Japan að spila handbolta. Þaðan
kom hann til Austurríkis þar sem
honum og fjölskyldu h'ður ákafiega
vel.
„Samningur minn rennur út eftir
þetta ár og það er ánægjulegt að vera
búinn að framlengja hann," sagði
Dagur við DV Sport í gær.
Hann er spilandi þjálfari hjá
Bregenz og undir hans stjórn varð
Bregenz austurrískur meistari í
fyrra. Þeir hafa sex stiga forystu í
deildinni eins og staðan er í dag og
eiga þar að auki einn leik inni. Það
virðist því fátt geta komið í veg fyrir
að þeir verði meistarar annað árið í
röð.
Mikill stöðugleiki
Það hefur verið greinilegur upp-
gangur hjá félaginu undir stjórn
Dags því Bregenz er einnig farið að
láta að sér kveða í Evrópukeppnum
en þeir eru komnir í 16-liða úrslit
EHF-keppninnar þar sem þeir mæta
ítölsku félagi.
„Ég er með sama lið í höndunum
og í fyrra en liðið er búið að slípa sig
betur saman. Það er kominn mikill
stöðugleiki r' leik liðsins og við
höfum til að mynda ekki tapað á
heimavelli í rúmt ár,“ sagði Dagur
en honum líður ákaflega vel í
Austurríki.
„Það er mjög ljúft að vera hérna.
Það er vel staðið að öllum málum
hjá félaginu og skemmtilegt vinnu-
umhverfi sem boðið er upp á.
Félagið ætlar að festa sig enn frekar r'
sessi sem besta félag landsins og við
erum að reyna að koma inn ungum
heimamönnum í liðið. Við notuðum
fjóra stráka úr unglingaliðinu í
síðasta leik sem er jákvætt."
Freistandi tilboð
Dagur fékk ffeistandi tilboð frá
Sviss um daginn en það dugði ekki
til að lokka hann frá Austurríki.
„Það kom gott tilboð frá stóru
félagi r' Sviss. Ekki um að þjálfa
heldur var eingöngu leikmanna-
samningur þar á ferðinni. Það
munaði litlu að ég stykki á þetta
tilboö en okkur fjölskyldunni líður
mjög vel hérna og vildum ekki rífa
okkur upp að þessu sinni," sagði
Dagur.
Þjálfaraferill Dags hefur farið
mjög vel af stað og þeir eru margir
sem spá því að hann muni þjálfa
landslið íslands eftir að hann leggur
skóna á hilluna. En hefur hann
sjálfur fullan hug á því að hella sér út
í þjálfun eftir að hann hefur lagt
skónum?
„Ég hef haft mjög gaman af þessu
en ég er ekkert búinn að festa mig í
því að fara út í þjálfun. Ég hef mjög
gaman af því sem ég er að gera
hérna en það er ekki þar með sagt að
ég endi sem þjálfari einhvers staðar.
Ég hugsa mig bara um næstu tvö ár
og svo mun ég sjá til með fram-
haldið."
„Ég hefhaft mjög
gaman afþessu en ég
er ekkert búinn að
festa mig í því að fara
út í þjálfun. Ég hef
mjög gaman afþví
sem ég er að gera
hérna en það er ekki
þar með sagt að ég
endi sem þjálfari
einhvers staðar."
Svipað og heima
Austurrískur handbolti hefur
ekki verið hátt skrifaður hingað til
en hversu sterk er þessi austurríska
deild?
„Ég er ekki frá því að þetta sé
svipað og á íslandi. Það eru fjögur lið
sem eru áberandi sterk í deildinni
hérna og hin liðin eru slakari. Það er
ekki sama breidd og var heima þegar
ég lék þar. Flestir íslensku lands-
liðsmennirnir leika erlendis í dag en
austurrísku landsliðsmennirnir
leika flestir í deildinni hérna og það
styrkir þessa deild. Þannig að ég
legg deildina hér og heima að
nokkuð jöfnu þótt það sé alltaf erfitt
að bera svona saman," sagði Dagur
Sigurðsson. henry@dv.is
Eivör Pálsdóttir alitaf á
ferðinni Hefur ekbi tíma
til að eignast kærasta
Lalli Johns
á hrauninu
kjyyVÍ í: i ; w • ^A J. \

Helgarblaö DV -
springur út á morgun!

ý