Almanak Hins íslenska þjóðvinafélags - 01.01.1997, Blaðsíða 163
Nýir þingmenn voru 19. Systkini voru nú í fyrsta sinn aðal-
menn á Alþingi, Ingibjörg Pálmadóttir, þingmaður Vestur-
lands, og ísólfur Gylfi Páimason, þingmaður Suðurlands.
Ný ríkisstjórn
Urslit kosninganna voru með þeim hætti, að stjómin hélt
meirihluta, hafði 32 þingmenn af 63. Meirihlutinn var þó það
tæpur, að margir sögðu strax, að ekki væri á honum að byggja.
Engu að síður hófust viðræður milli foringja Sjálfstæðisflokks
og Alþýðuflokks um framhald stjómarsamstarfs þessara
tveggja flokka. Stóðu þær í fáeina daga, en alþýðuflokksmenn
sögðu seinna, að ekki hefði verið alvara í þeim. Forysta Sjálf-
stæðisflokksins hefði strax verið tekin að horfa í aðrar áttir.
Að kvöldi páskadags, 16. apríl, hófust óformlegar viðræð-
ur milli Sjálfstæðisflokks og Framsóknarflokks, og 18. apríl
fór Davíð Oddsson fram á það, að ráðuneyti hans yrði veitt
lausn. Hann sagði í tillögu sinni til forseta, að „þýðingarmik-
ið“ væri við núverandi aðstæður, „að ríkisstjórnin búi við
öflugra þingfylgi“ en það sem stjórnarflokkarnir hefðu. Því
væri rétt að reyna stjórnarmyndun með öflugra þingfylgi.
Forseti féllst á lausnarbeiðni ríkisstjórnarinnar, en óskaði
eftir því, að hún sæti þar til ný ríkisstjórn hefði verið mynd-
uð. Forsetinn átti síðan viðræður við foringja allra flokka.
Alþýðubandalag og Kvennalisti vildu mynda stjórn fjögurra
flokka, en Davíð Oddssyni var falin stjórnarmyndun, og
hann tók strax upp formlegar viðræður við Framsóknar-
flokkinn. Þeim lauk 22. apríl, og ný ríkisstjórn tók við völd-
um á ríkisráðsfundi, sem hófst kl. 14 sunnudaginn 23. apríl.
Nýja ríkisstjórnin er skipuð eftirtöldum mönnum: Davíð
Oddsson forsætisráðherra, Friðrik Sophusson fjármálaráð-
herra, Þorsteinn Pálsson dóms- og kirkjumálaráðherra og
sjávarútvegsráðherra, Björn Bjarnason menntamálaráð-
herra og Halldór Blöndal samgönguráðherra frá Sjálfstæð-
isflokknum, Halldór Ásgrímsson utanríkisráðherra, Finnur
Ingólfsson viðskipta- og iðnaðarráðherra, Ingibjörg Pálma-
dóttir heilbrigðis- og tryggingamálaráðherra, Páll Péturs-
son félagsmálaráðherra og Guðmundur Bjarnason land-
(161)