Almanak Hins íslenska þjóðvinafélags - 01.01.1997, Blaðsíða 207
milljónir króna í peningum og ávísunum. Ránið upplýstist
ekki. -18. október reyndi maður að stela peningum í Háa-
leitisútibúi Landsbankans. Hann stökk yfir afgreiðsluborð
og hrifsaði til sín nokkra tugi þúsunda í seðlum. Honum
tókst þó ekki að komast út með fenginn, því að fílefldur
viðskiptamaður bankans stöðvaði þjófinn og hélt honum,
unz lögregla kom á staðinn.
Reykholtsdeila. I maí kom fram, að Olafur Þ. Þórðarson
vildi komast að aftur sem skólastjóri í Reykholti. Hann
hafði verið í leyfi í 15 ár vegna þingmennsku. Oddur Al-
bertsson, settur skólastjóri og frömuður breyttra kennslu-
hátta í Reykholti, vildi helzt ekki fara. Menntamálaráð-
herra setti Olaf aftur sem skólastjóra 1. júní, en lét jafn-
framt fara fram athugun á skólastarfi í Reykholti.
Niðurstaða þeirrar athugunar varð sú, að skólinn var settur
undir Fjölbrautaskóla Vesturlands á Akranesi.
Reykjanesbœr skal hann heita. í júlí var samþykkt í bæj-
arstjórn Keflavíkur, Njarðvíkur og Hafnahrepps með níu
atkvæðum gegn tveimur, að hið nýja sveitarfélag skyldi
heita Reykjanesbær.
Rúllutertuhús. í Setbergslandi í Hafnarfirði var í smíðum
einbýlishús, sem þótti minna á rúllutertu eða kökukefli.
Samaranch á íslandi. Dagana 8.-9. maí var Juan Antonio
Samaranch, forseti alþjóða-ólympíunefndarinnar, staddur
á Islandi vegna heimsmeistarakeppninnar í handbolta.
Hann fór á leiki, hitti forseta íslands, borgarstjórann í
Reykjavrk og gróðursetti tré.
Stasi á íslandi. Sjónvarpsþáttur um austur-þýzku leynilög-
regluna Stasi var sýndur 5. febrúar og vakti töluverða at-
hygli. Einkum beindist athyglin að Guðmundi Ágústssyni,
útibússtjóra íslandsbanka. Hann var sagður hafa starfað fyr-
ir Stasi í Berlín 1963-64. Hann gerði lítið úr þessu og sagðist
hafa fengið „frið og heimferð“ fyrir sig og konu sína.
Stœrsta flautan. Vegna heimsmeistarakeppninnar í hand-
bolta var smíðuð stærsta flauta, sem sögur fara af. Hún var
5,40 m á lengd og þvermál belgsins var 2,40 m.
Stœrsta skemmtiferðaskipið. Hinn 20. júní kom skemmti-
(205)