Almanak Hins íslenska þjóðvinafélags - 01.01.1997, Blaðsíða 201

Vatnajökul í miklum hrakningum. Ofsaveður skall á og
urðu menn að skríða eftir jöklinum. Átta ferðamenn, þar
af nokkrir ísraelsmenn, voru fluttir með þyrlu á sjúkrahús
vegna ofkælingar.
Hæðarmet. Björn Ólafsson, Einar Stefánsson og Hallgrím-
ur Magnússon klifu í október tindinn Cho Oyu í Tíbet. Hann
er 8.201 m á hæð, og hafa íslendingar aldrei klifið hærra fjall.
Hœsta tré á íslandi. í byrjun september var hæsta tré á
íslandi merkt. Það er í Hallormsstaðaskógi og var 2. ágúst
talið hafa náð 20 metra hæð. Tréð er rússalerki og gróður-
sett árið 1937. Davíð Oddsson sagði í ræðu við þetta tæki-
færi, að með alla þessa grósku fyrir augunum teldi hann, að
á íslandi væri „trjávöxturinn öruggari en hagvöxturinn".
íslandssaga A-Ö. Hinn 11. desember kom út hjá Vöku-
Helgafelli stórvirkið íslandssaga A-Ö eftir Einar Laxness
sagnfræðing. Ritið er í þremur bindum, alls 700 bls. I því
eru 600 uppflettikaflar.
Kvikmyndir. Sjö íslenzkar kvikmyndir í fullri lengd voru
frumsýndar á árinu. Þær voru Cold Fever (10. febrúar) frá
Islenzku kvikmyndasamsteypunni, leikstjóri Friðrik Þór
Friðriksson, Ein stór fjölskylda (31. marz), leikstjóri og
framleiðandi Jóhann Sigmarsson, Einkalíf (9. ágúst) frá
Nýju lífi, leikstjóri Þráinn Bertelsson, Tár úr steini (15.
september) frá Tónabíói hf., leikstjóri Hilmar Oddsson,
Nei er ekkert svar (4. október), leikstjóri og framleiðandi
Jón Tryggvason, Benjamín dúfa frá Baldri, leikstjóri Gísli
Snær Erlingsson og Agnes (22. desember) frá Pegasusi,
leikstjóri Egill Eðvarðsson. - 52.194 gestir sáu íslenzkar
kvikmyndir í kvikmyndahúsum í Reykjavík á árinu (32.466
árið áður). Bíógestir voru alls 1.208.812 á árinu (1.242.009
árið áður). Mest sótta myndin var Konungur Ijónanna, en
hana sóttu 57.111 bíógestir (þar af að hluta á árinu 1994).
Um 20.000 myndbönd með þessari mynd seldust á árinu.
Næstbezt sótta kvikmyndin var Heimskur heimskari með
51.500 gesti, og Á tœpasta vaði 3 var í þriðja sæti með
44.147. Mest sóttu íslenzku myndirnar voru Tár úr steini
með 15.500 gesti og Einkalíf 15.000. í Reykjavík voru í árs-
(199)