Almanak Hins íslenska þjóðvinafélags - 01.01.1998, Blaðsíða 155
RAFORKUMÁL
Fjárfestingar Landsvirkjunar fóru mjög vaxandi á árinu
vegna áforma um aukna orkusölu. Unnið var við Blöndu-
stíflu og yfirfall Blöndulóns og voru þau hækkuð um fjóra
metra. Þá var unnið af krafti við 5. áfanga Kvíslaveitu og
gerð bráðabirgðastífla í austustu kvísl Þjórsár.
Heildarrafmagnsöflun Landsvirkjunar á árinu var
4.760,6 gígavattstundir (4.650,0 árið áður) eða 724 mega-
vött (696).
Vatnsárið var undir meðallagi og leit illa út framan af, en
miklar rigningar í september bættu töluvert úr skák. Þóris-
vatn fylltist á árinu, og varð vatnsborðið hæst nokkra daga
í september, 577,47 m yfir sjó. Lægst varð það 8. apríl,
568,37 m yfir sjó.
Helztu kaupendur raforku á árinu voru ísal með 200
megavött (196 árið áður), Rafmagnsveitur ríkisins 140
(138), Rafmagnsveita Reykjavíkur 132 (128) og íslenzka
járnblendifélagið 80 (81).
Rekstrartekjur Landsvirkjunar voru 7.738 milljónir
króna (7.663) en rekstrargjöld 5.997 milljónir (8.292).
Agóði varð því á rekstrinum eftir tap í fjögur ár. Nam
ágóðinn 1.740 milljónum króna, en árið áður var tapið 628
milljónir. Bætt rekstrarafkoma skýrist helzt vegna lækkun-
ar raunvaxta af skuldum fyrirtækisins, en sú lækkun hefur
orðið sökum hagstæðrar gengisþróunar. Langtímaskuldir
Landsvirkjunar voru í árslok 47.902 milljónir.
SAMGÖNGUR OG FERÐAMÁL
Komum erlendra ferðamanna fjölgaði enn á árinu og
voru þeir nú í fyrsta sinn yfir 200.000. Alls komu til lands-
ins 200.839 útlendingar (árið áður 189.796). Er það 5,8%
fjölgun frá árinu á undan. Af þeim voru 34.430 Þjóðverjar
(36.840), 30.697 Bandaríkjamenn (28.633), 22.618 Bretar
(17.520), 21.547 Danir (22.512), 18.786 Svíar (19.027), 14.451
(153)