Almanak Hins íslenska þjóðvinafélags - 01.01.1998, Blaðsíða 166

Nýr meirihluti var myndaður í Vesturbyggð í desember
og voru í honum fulltrúar Sjálfstæðisflokks og F-listans.
TÍMAMÓT
Nokkur afmœli félaga, stofnana og fyrirtœkja.
26. janúar: Verkamannafélagið Dagsbrún 90 ára.
27. janúar: Liðin voru 50 ár frá því að sósíalistar náðu
meirihluta á Neskaupstað. Þeir og arftaki þeirra, Alþýðu-
bandalagið, hafa síðan stjórnað bænum.
12. marz: Liðin voru 80 ár frá því að Alþýðuflokkurinn
og Alþýðusamband íslands voru stofnuð. ASÍ gaf þjóðinni
trjáplöntur.
1. apríl: Tryggingastofnun ríkisins 60 ára.
13. maí: Liðin voru 220 ár frá því að Kristján 6. Dana-
konungur setti reglugerð um póstferðir á íslandi. Síðar á
árinu kom út bókin Póstsaga íslands 1776-1873 eftir Heimi
Þorleifsson.
28. maí: Við skólaslit Menntaskólans í Reykjavík var
þess minnzt, að liðin voru 150 skólaár frá stofnun Reykja-
víkurskóla. 2. júní var opnuð sýning í skólanum við hátíð-
lega athöfn. Þá fóru gamlir nemendur í skrúðgöngu að
skólahúsinu. 1. október var svo haldið upp á það, að liðin
voru 150 ár frá því að skólinn var settur í fyrsta sinn. Þá
flutti dr. Finnbogi Guðmundsson erindi um Sveinbjörn Eg-
ilsson, fyrsta rektor skólans, og nemendur lögðu blómsveig
að leiði hans í gamla kirkjugarðinum.
16. júní: Bessastaðakirkja varð 200 ára.
19. júní: Kaupfélag Eyfirðinga á Akureyri (KEA) varð
110 ára. Félagið var stofnað á Grund í Eyjafirði þennan dag
árið 1886 og hét fyrst Pöntunarfélag Eyfirðinga.
22. júm': Þess var minnzt við hátíðlega athöfn, að liðin voru
500 ár frá því að gerð var svokölluð Áshildarmýrarsamþykkt.
27 júní: Rafmagnsveita Reykjavíkur 75 ára.
1. júlí: Landhelgisgæzlan varð 70 ára. Haldin var sýning
af því tilefni og gefin út bók.
(164)