Almanak Hins íslenska þjóðvinafélags - 01.01.1998, Blaðsíða 189
VINNUMARKAÐUR
Atvinnuleysi á árinu taldist vera 4,4% af áætluðum
mannafla (4,9% árið 1995). Þetta svarar til þess, að 5.792
manns hafi verið á atvinnuleysisskrá að meðaltali allt árið
(6.539 árið áður). Atvinnuleysið var þannig nokkru minna
en árið áður. Flestir voru atvinnulausir í janúar, 7.698 að
meðaltali. Af þeim voru 3.967 konur og 3.731 karl.
Kjarasamningar reyndust vera bundnir til ársloka, því að
hinn 3. janúar dæmdi Félagsdómur ógildar uppsagnir
Dagsbrúnar, Verkalýðs- og sjómannafélags Keflavíkur,
Einingar og Hlífar, sem settar höfðu verið fram í desember
1995.
í janúar hækkaði kjaranefnd laun presta og 70 embættis-
manna um 8,0-9,5%.
í marz var mikið um fundahöld hjá verkalýðshreyfing-
unni vegna lagafrumvarpa ríkisstjórnarinnar um breytingar
á vinnulöggjöf frá 1938 og lögum um lífeyrissjóð, réttindi
og skyldur opinberra starfsmanna. Hinn 14. marz lýsti for-
sætisráðherra yfir því, að lífeyrisfrumvarpið yrði ekki af-
greitt.
Þorri heilsugæzlulækna, 120 manns, sagði upp störfum
frá 1. ágúst, og voru þau auglýst um miðjan ágúst, en eng-
inn sótti um þau. Hinn 11. september voru undirritaðir
kjarasamningar við læknana og komu þá flestir aftur til
starfa. Föst laun þeirra hækkuðu, en önnur laun voru talin
lækka. Frá og með 1. janúar 1997 skyldu laun heilsugæzlu-
lækna úrskurðuð af kjaranefnd.
38. þing ASÍ var haldið dagana 20.-24. maí. Benedikt
Davíðsson gaf ekki kost á sér til endurkjörs í forsetastól.
Grétar Þorsteinsson frá Trésmiðafélagi Reykjavíkur var
kosinn forseti sambandsins með 76,6% greiddra atkvæða.
Eiríkur Stefánsson frá Fáskrúðsfirði fékk 23,4%. Hervar
Gunnarsson var kosinn 1. varaforseti og Ingibjörg R. Guð-
mundsdóttir 2. varaforseti.
I janúar var rætt um sameiningu Framsóknar og Dags-
brúnar og um sameiningu nokkurra félaga í Eyjafirði.
(187)