Freyr - 01.05.1945, Blaðsíða 17

FREYR
67
Heimagerðar ungamæður.
Víða eru kjúklingar aldir upp þannig, að
notaðar eru mjög ófullkomnar ungamæður,
aðgæsla vill þá verða tímafrek og vanhöld
um of. Þar sem kostur er á rafmagni
er tiltölulega ódýrt að bæta úr þessu.
Heimagerð rafmagnsungamóðir er einfalt
áhald og auðsmíðað. Hér á eftir fer lýsing
á slíkum ungamæðrum, sem eru allmikið
notaðar í Canada og hafa verið reyndar
þar á hænsnaræktar-tilraunastöð ríkisins.
Grindin er smíðuð úr 1” þykkum borðum,
en utan á hana eru nelgdar plötur úr
einhverju góðu einangrunarefni. Innan í
kassann eru lagðar rafmagnsleiðslur til
fjögurra lampa og 60 wolta pera látin 1
1. mynd: Ungamódir séð neðanfrá. Myndin sýnir
ferhyrnt eftirlitsgat í miðju loki, enn fremur fjögur
rafmagnsljós, hitamœli og skástykki í hornunum.
hvern þeirra. Móðirin má vera hringlaga
eða ferhyrnd, eftir vild. Ef um hringlaga
móðir er að ræða, er hæfilegt þvermál 120
cm. en sé hún ferhyrnd 120 cm. á lengd
og 100 á breidd.
Sé ungamóðirin ferhyrnd er ráðlegt að
festa skástykki innan í hornin eins og sýnt
er á 1. mynd. Ef smíða á hringlaga unga-
móðir, er talið hæfilegt að skipta hliðum
grindarinnar í 8 hluta, og nota 1”X4” efni,
verður lengdin á hverju stykki þá um 47
cm. (utanmál). Hentugt er að festa grind-
ina saman með „kassajárnum", sjá mynd
5. Sömu aðferð má nota við að skeyta sam-
an hornin á ferhyrndum ungamæðrum.
Hæfileg hæð á ungámóðurinni er um 30 cm.
Á ferhyrndum ungamæðrum er heppilegt
að hafa stillanlega löpp á hverju horni
til þess að geta hækkað og lækkað móð-
urina eftir vild. Einnig má hafa lappir
á hringmynduðu mæðrunum ef vill.
Bezt er að negla lokið á ungamæðurnar
til þess að þær verði sem sterkastar. Þó
þarf að hafa gat á miðju lokinu, svo sem
30 cm. á hvorn veg, með hlemm yfir, svo
að hægt sé að komast að því að gefa ung-
unum mat og vatn, og til eftirlits.
Rafmagnslamparnir eru festir á lista
neðan á lokinu. Þarf að hafa tengil nálægt
ungamóðurinni, svo að hægt sé að tengja
lampann við raflögn hússins. Sé spennan
hærri en 24 volt, þarf raflögn vélarinnar
að fullnægja kröfum Rafmagnseftirlits
ríkisins.