Freyr - 01.03.1947, Blaðsíða 11

SSoo
FREYR
93
varðar afrek hirðanna, þá er það engum
efa bundið, að tæknin kemur til notkunar
við hirðingu búfjár og meðferð afurðanna,
en fyrst verður þó að undirbúa þannig, að
henni verði komið við í fjósi og hlöðu.
Hið ný'ja fyrirkomulag flutningabrautar og fóður-
meysa í fjósi. Sjá textann.
Þetta þýðir þá það, að byggingarfyrir-
komulag þessara húsakynna hlýtur að sníð-
azt með tilliti til þeirrar tækni, er nota skal
°g hvergi má þó gleyma þeim kröfum, er
gera verður vegna skepnanna, líðunar
Þeirra og framleiðslu afurðanna.
Sænska fjósið, sem áætlað er til notk-
unar ásamt nefndri tækni, er ein hæð með
lágu risi, en fóðurgeymsla er ekki yfir eins
°g venja er til þar í landi. Fóðurgeymslan
er öll í hárri og rúmgóðri hlöðu. Þar er vot-
heyshlaðan undir sama þaki og þurrheyið
°g hleragöt á hlið votheyshlöðu svo að létt
Se að moka votheyinu í meysana þegar þeir
aka framhjá með 0,1—0,4 m. hraða á sek-
úndu eða eru kyrrir ef vill — á meðan
i Þá er látið.
Skilyrðið til þess, að nefnd tæki séu hag-
kvæm í notkun, er fyrst og fremst að fóð-
urgeymsla sé áföst við peningahúsin. Lög-
Uu húsanna skiptir minna máli og hæð
frá gólfi til lofts einnig, því að haga má
útbúnaði flutningatækjanna eftir því og
er talið að þeim megi koma fyrir í ýmsum
gömlum byggingum.
Á hinn bóginn hlýtur það að vera tak-
mörkum háð hve þungan bagga útgjalda
af nefndu tagi er fært að binda litlu búi.
Það gildir hér, eins og með aðrar vélar
og hjálparmeðul, að búið sjálft hlýtur að
bera bein og óbein útgjöld, sem fylgja notk-
un þeirra og taka verður meðal annars til-
lit til þeirra þegar bændur hyggja að afla
sér tækni. Um lágmarksstærð þeirra búa,
sem hugsanlegt er að geti hagnast við
notkun framangreindra nýjunga, skal
ekkert fullyrt á þessu stigi málsins. Það
atriði verður mjög háð staðbundnum skil-
yrðum.
Hvað þessari tækni líður þá er það
víst, að auk þess, að fyrir höndum eru
stórfelld verkefni viðvíkjandi endur-
bótum og nýsköpun bygginga í sveitum
landsins, þarf jafnframt að vera á verði
og bændur þurfa að öðlast þau hjálpar-
meðul, sem geta létt búfjárhirðinguna og
aukið gæði — og um leið verðmæti — bú-
fjárafurðanna.
G.
Salt í Danmörku.
Síðastl. ár. voru framkvæmd'ar víðtækar
boranir eftir salti á vestan verðu Jótlandi,
skammt sunnan við Limafjörðinn á milli
Strúer og Holstebro.
Við ítrekaðar athuganir kom það í ljós,
að saltlög eru þar á stóru svæði, en saltið
er í miklu dýpi. Þurfti að bora á þriðja
hundrað metra áður en komið var á salt.
í einni borhol-unni reyndist matarsaltlag-
ið 219 m. þykkt og í 464 m. dýpi fannst
kalí.