Freyr - 01.03.1947, Blaðsíða 40

120
FREYR
Gunnlaugur Kristmundsson
Jandgræðslustjóri hefir verið kjörinn heiðursfé-
iagi Búnaðarfélags íslands. Gunnlaugur er braut-
ryðjandinn á sviði skipulagðrar sandgræðslu hér á
landi. Hefir hann unnið að þeim störfum í 40 ár,
en hverfur nú frá þeim að eigin ósk frá 1. apríl
að telja.
★
Afburffa ær.
Siguröur Lúter, á Forshól í Bárðardal, hefir
sent Frey frásögn um á, — Völu — er hann keypti
í Valadal í Skagafirði. Fyrsta veturinn, sem Sig-
urður átti Völu týndist hún, en fannst tveim mán-
uöum síðar í geil í gömlu heyi og hafði lifað þar
góðu lífi án vatns þennan tíma. Um vorið var hún
tvílembd. Var annað lambið gimbur, sem af til-
viljun var sett á vetur, en annars var fyrirhugað
að farga. Sú eignaðizt lamb ársgömul og var síðan
ætíð tvílembd upp frá því nema einu sinni, en
þá var hún þrílembd.
Samtals eignaðizt Gríður — en svo var dóttirin
nefnd — 32 lömb urn æfina, enda var hún 16 ára
þegar henni var fargað, en það var haustið 1941
þegar skorið var niður í Þingeyjarsýslu vegna
mæðiveiki.
Sigurður getur þess, að Gríður hafi verið sú
mesta afburðaskepna, er hann hafi þekkt, ætíð í
góðum holdum enda dugleg að bjarga sér og lömb
hennar voru ætíð væn.
★
Skurffgröfur Vélasjóffs.
Á árinu 1946 komu til landsins, á vegum Véla-
sjóðs, 14 nýjar skurðgröfur. Af þessum hóp komu
7 svo snemma, að með þeim var unnið meira eða
minna á sumrinu, en hinar komu ekki fyrr en
eftir að skurðgreftri lauk.
Af nefndum 14 gröfum munu 12 verða starf-
ræktar í sumar á vegum Vélasjóðs, leigðar til bún-
aðarfélaga eða ræktunarsambanda. Af gröfum þess-
um eru 11 enskar og 3 frá Ameríku. Engin von er
um að fá fleiri gröfur frá Englandi fyrst um sinn,
F RE YR
— búnaðarb’að — gefið út af Búnaðarfélagi
íslands og Stéttarsambandi bænda.
Ritstjórn, afgréiðsla og innheimta:
Lækjargötu 14, Reykjavík. Pósthólf 1023
Sími 3110.
Ritstjóri og ábyrgðarmaður: Gísli Kristjánsson.
Ritnefnd: Einar Ólafsson, Pálmi Einarsson,
Steingrímur Steinþórsson.
F R E Y R er blað landbúnaðarins.
Verð kr. 25.00 á ári. Gjalddagi fyrir 1. júlí.
Prentsmiðjan Edda h.f.
en nokkrar eru væntanlegar vestan um haf á þessu
ári. Afgreiðslutími þeirra er þó með öllu óviss.
★
Skurffasprengiefni
er væntanlegt til landsins í vor. Er það heild-
verzlunin Hekla, sem flytur það inn.
★
Lífeðlisgildi mjólkurinnar
hefir löngum verið viðurkennt, enda er mjólkin
eitt hinna fáu fæðuefna, sem hægt er að lifa af
einu saman um lengri tíma.
í félagi amerískra mjólkurvisindamanna hefir
nýlega verið tilkynnt uppgötvun, er snertir lífeðlis-
gildi mjólkurinnar.
Er þar um að ræða nokkuð, sem kallað hefir
verið, X, en það efni hefir þann eiginleika, að
það verkar svipað og vitamín en hefir þar að auki
áhrif á bragð mjólkurinnar.
Þýðing þessa efnis virðist háð því hve mikillar
næringar líkaminn krefst og til hvers hún er notuð.
Einkenni þess eru meðal annars, að það þolir
upphitun og eyðileggst ekki þó nýmjólkinni sé
breytt í þurrmjólk eða aðrar iðnaðarvörur.
Þessi X-þáttur er sagður hafa rnikið lífrænt
gildi, eða svipað og vitamín. Hann berst með
grasi eða votheyi yfir í mjólkina, en ekki með
kraftfóðri.
★
Vísitala
framfærzlukostnaðar var 310 stig í marzmánuði.