Dagblaðið Vísir - DV - 21.10.2005, Blaðsíða 6
6 FÖSTUDAGUR 21. OKTÓBER 2005
Fréttir DV
Karlafrí á
kvennafrídegi
Verslunarmannafélag
Reykjavíkur lætur ekki sitt
eftir liggja í að gera kvenna-
frídaginn 24.
október sem
veglegastan.
VRhefur
ákveðið að
starfsmenn
þess fái frí frá klukkan 14.08
þann dag og feta þannig í
fótspor fjölda opinberra
stofhana. En VR gengur
skrefinu lengra en flestir þar
sem karlkyns starfsmenn fé-
lagsins fá líka frí. Á heima-
síðu félagsins segir að
starfsmenn þess, allir sem
einn, muni fylkja liði niður í
miðbæ og taka þátt í barátt-
unni fyrir jafnrétti.
Lækka skatta
lágtekjufólks
Á ársfundi Alþýðusam-
bands íslands, sem haldinn
er þessa dagana, leggur
sambandið til að ályktað
verði um skattamál. Það
segir lækkun virðisauka-
skatts úr fjórtán í sjö
prósent fela í sér aukna
tekjujöfnun. Breytingar
á hátekjuskatti og lækk-
un skattþreps á lægri
tekjur sé aðgerð sem felur í
sér umtalsverða lækkun á
skattbyrði lág- og milli-
tekjufólks. Hækkun fjár-
magnstekjuskatts um tvö
prósent sé eðlilegt til móts
við lækkun annarra skatta.
Áað lœkka
virðisaukaskatt
á matvœli?
Jafet Ólafsson,
framkvæmdastjóri Verðbréfa-
stofunnar hf.
Já, tvímælalaust. Mér finnst
virðisaukaskatturinn vera of
hármiðað við hvað hann er er-
lendis. Hann mætti lækka um
helming, niður í 7%, á allar
matvörur. Það kæmi sér vel fyr-
ir alla og þá sérstaklega þá
tekjulægstu. Menn ættu að
gera þetta sem fyrst í þeirri við-
leitni að hemja verðbólguna."
Hann segir / Hún segir
„Já, það nýtist öllum. Það á að
nota öll tækifæri til að lækka
matarkostnað heimilanna.
Það er skynsamlegra aðnota
þessa aðferð frekar en að
lækka tekjuskatt, sem nýtist
bestþeim tekjuhæstu. Það
þarfþó að hafa markvisst eft-
irlit með því hvernig þetta skili
sér til neytenda. Neytenda-
samtökin og stjórnvöld ættu
að koma sérsaman um hvern-
ig á að standa að því og veita
aðhald í því sambandi."
Anna Kristín Gunnarsdóttir
alþingiskona.
Sáttafundur, sem sálfræðingurinn Gunnar Hrafn Birgisson hafði boðað á deilendur
í forræðismáli, endaði með allsherjarslagsmálum á biðstofu Gunnars. Lögregla var
kölluð á staðinn til að skakka leikinn og var málið til meðferðar í Héraðsdómi
Reykjavíkur í gær.
Slagsmál sem brutust út á biðstofu sálfræðingsins Gunnars
Hrafns Birgissonar í nóvember á síðasta ári voru til umfjöllunar
í Héraðsdómi Reykjavíkur í gær. Elvar Örn Baldursson var í kjöl-
far átakanna kærður af fyrrverandi sambýliskonu sinni og
barnsmóður en þau voru á leið á sáttafund hjá Gunnari þegar
slagsmálin brutust út.
Elvar örn neitar sakargiftum. í
ákæru er honum gefið að sök að
hafa veist að fyrrverandi sambýlis-
konu sinni, skellt henni upp að vegg,
sparkað í hana og slegið. Elvar við-
urkenndi að átök hefðu átt sér stað í
umrætt sinn en kvaðst einungis hafa
skellt konunni upp að vegg og rifið í
hár hennar.
Laganemar ullu óróa
Hópur laganema í Háskóla ís-
lands mætti í Héraðsdóm Reykjavík-
ur í gær til að fylgjast með aðalmeð-
ferð málsins. Þetta olli nokkrum óróa
hjá Helgu Leifsdóttur, réttargæslu-
manni konunnar sem varð fyrir árás
Elvars, og óskaði hún eftir því við
dómara að þinghaldið færi fram fyrir
luktum dyrum. Hún sagði að málið
væri í eðli sínu viðkvæmt og erfitt fyr-
ir skjólstæðing hennar að bera vitni
með svo marga áhorfendur í salnum.
Ekki eru mörg fordæmi fyrir því
að líkamsárásarmál fari fram fýrir
luktum dyrum og var Símon Sig-
valdason, dómari í málinu, þvf kom-
inn í nokkra klemmu. Úr varð að for-
eldrar sakborningsins féllust á, að
bón Símonar, að yfirgefa réttarsal-
inn á meðan fyrrverandi tengda-
„Þetta er augljóst.
Það er mjög auðvelt
að æsa mig upp. Hún
er líka mjög gjörn á
að fá marbletti."
dóttir þeirra bar vitni. Laga
nemarnir sátu sem fastast.
Sérfræðingur í
forræðisdeilum
Elvar og sambýlis-
konan hans fyrrverandi
voru boðuð á fund Gunn
ars Hrafns Birgissonar fyrir
um ári síðan í von um að
þau næðu sáttum í
harðvítugri for-
ræðisdeilu
sem þau
höfðu
staðið í
um
nokkurt skeið. Gunnar er með
samning við yfirvöld um lögbundna
sérfræðiráðgjöf í forræðisdeilum.
Þar er gert ráð fyrir þremur ókeypis
viðtölum til handa þeim sem þurfa.
Gunnar hefur áður komist í frétt-
irnar vegna þessarar þjónustu. Félag
ábyrgra feðra gagnrýnir hann fyrir
að draga taum mæðra í forræðis-
deilum og hefur meðal annars meira
en 150 klögumál tengd þjónustu
hans á borði sínu.
Rosaleg átök
Á biðstofu Gunnars Hrafns
hófust strax orðaskipti á milli sak-
borningsins Elvars og konunnar,
sem kom þangað ásamt
móður sinni, föður og
dóttur. Orðaskiptin
voru illskeytt og leiddu
til þess að Elvar missti
stjóm á skapi sínu og
réðst að barnsmóður
sinni. Tvennum sög-
um fer af þ ví hvernig
þeirri árás var hátt-
að en átökin í kjöl-
farið vom að
I Gunnar Hrafn Birgisson
I Boðaði foreldra á sáttafund
t endaði í dómssal.
Símon Sigvaldason Hafnaðikröfu
I réttargæslumanns þess efnis að þing
haldið færi fram fyrir luktum dyrum.
sögn vitna rosaleg. Borð sem stóð í
biðstofunni mölbrotnaði og skóför
eftir Elvar vom upp um all veggi.
Gunnar Hrafn, faðir konunnar og
maður staddur í sálfræðiviðtali hjá
kollega Gunnars reyndu allir að
koma í veg fyrir að Elvar lúskraði á
barnsmóður sinni. Konunni sem
hann var sérstaklega kominn til að
sættast við. Átökunum linnti ekki
fyrr en lögregla kom á svæðið.
Ofsóknarkenndar
samsærishugmyndir
Útskýringar Elvars í gær á æðis-
kastinu á sálfræðistofunni vom
undarlegar og í þeim vottaði fyrir of-
sóknaræði. Hann hélt því fram að
barnsmóðir hans og móðir hennar
hefðu sammælst um að espa hann
upp í að ráðast á sig. Það hefði verið
liður í samsæri þeirra um að ná af
honum barni þeirra.
„Þetta er augljóst. Það er
mjög auðvelt að æsa mig
■\ upp. Hún er líka mjög gjörn
á að fá marbletti," sagði El-
, var í gær í veikri von um að
jf geta réttlætt æðiskastið.
Aðalmeðferð verður
ffamhaldið í dag en þá mun
Gunnar Hrafn sjálfur bera
vitni. Dómsupp-
kvaðningar er að
vænta innan
skamms.
andri@dv.is
Skólameistari styður kennarann sem sveik fé af öldruðum alzheimer-sjúklingi
Hélt dómnum leyndum fyrir skólameistaranum
„Við styðjum við bakið á Hlyni
þar til máli hans er lokið," segir
Oddný G. Harðardóttir, skólameist-
ari Fjölbrautaskólans á Suðumesj-
um. Kennari í viðskiptafræði við
skólann, Hlynur Ómar Svavarsson,
hefur verið dæmdur í íjögurra mán-
aða óskilorðsbundið fangelsi fyrir að
svíkja fé af öldruðum alzheimer-
sjúklingi. Hlynur hafði ekki greint
skólameistaranum frá dómnum
rúmri viku eftir að hann féll.
„Nei, ég hafði ekki hugmynd um
þetta," sagði Oddný á miðvikudags-
kvöld þegar DV náði fýrst tali af
henni. Þá var rúm vika liðin frá því
Héraðsdómur Reykjavíkur dæmdi
Hlyn Ómar, sem er menntaður við-
skiptafræðingur, í fjögurra mánaða
fangelsi vegna misbeitingar á
alzheimersjúkum leigusaia sínum
sem hann hafði milljónir af. Hlynur
ætlar að áfrýja dómnum og miðað
við orð skólameistarans mun hann
halda áfram að kenna nemendum
fjölbrautaskólans heilbrigða við-
skiptahætti þangað til Hæstiréttur
hefur komist að niðurstöðu.
En kom dómurinn Oddnýju á
óvart?
„Ég er ekki dómari í þessu máli
en mín kynni af Hlyni eru mjög
góð,“ segir Oddný. „Þetta mál er í
ákveðnum farvegi og heldur áfram.
Við styðjum við bakið á Hlyni þar til
máli hans er lokið."
Hér á landi er starfandi félag að-
standenda þeirra sem þjást af
Alzheimer-sjúkdómnum. Ekki náð-
ist í Maríu Jónsdóttur, formann fé-
lagsins, en af samtölum við aðra
stjómarmenn mátti heyra að þeir
sem starfa með alzheimer-sjúkl-
ingum sé brugðið vegna máls-
ins. Samkvæmt dómnum
nýtti Hlynur Ómar sér and-
OddnýG. Harðar-
dóttir skólameistari
Stendur með kennara
sínum sem sveik fé af
öldruðum alzheimer-
sjúklingi.
legt ástand 85 ára leigusala síns til að
fá hann með sér í áhættusöm
viðskipti sem vinur hans
stóð að.
Á endanum hafði
gamli maðurinn veðsett
húsið sitt og var oröinn
stórskuldugur. Sjálfur
__ notaði Hlynur fé gamla
mannsins til að greiða
sér laun fyrir „hjálpina".
Héraðsdómur sagði
brot Hlyns alvarlegt þar sem
það hefði beinst gegn „sjúk-
um, öldruð-
um manni,
sem lagði
traust sitt á
ákærða".
Hlynur Ómar Svavars-
son viðskiptafraeðingur
Sveik út fé og kennir nem-
endum Fjölbrautaskóla
Suðurnesja viðskiptafræði.