Símablaðið - 01.01.1955, Blaðsíða 53

SIMABLAÐIÐ
27
starfi sínu hlut stofnunarinnar sem
beztan, og efast ég ekki um,að það sjón-
armið eigi fullu fylgi að fagna hjá öll-
um þorra starfsmanna.
Af þessu leiðir, að hagsmunir þess-
ara aðilja eru tengdir svo sterkum
böndum, að til stórra átaka um hags-
munamálin ætti ekki að þurfa að koma,
ef rétt væri á málum haldið, og sem
betur fer hefur sú orðið raunin á, að
góð samvinna hefur verið um mörg
þeirra mála, sem félagið hefur haft
til meðferðar og borið fram til sigurs
til hagsbóta fyrir starfsfólkið, eins og
t. d. starfsmannareglurnar, þótt hitt
verði líka að viðurkenna, til þess að
halla ekki réttu máh, að ekki hafa öll
mál verið ágreiningslaus né hlotið þá
meðferð, sem æskilegust hefði verið,
þótt ekki verði það rakið nánar við
þetta tækifæri.
Eins og að líkum lætur, eru sjónar-
mið starfsmanna ærið misjöfn hjá
svona fjölmennu félagi og kröfurnar
margvíslegar. Þetta á rót sína í mann-
legu eðli, sem er harla mismunandi eins
og kunnugt er.
Að sjálfsögðu er ekki æfinlega hægt
að verða við óskum hvers einstaklings,
því að taka verður tillit til stéttarinn-
ar í heild og kemur þá til félagsins kasta
að velja og hafna, eftir því sem efni
standa til og veita síðan þeim málum
brautargengi, er það telur sanngjörn
og á rökum reist.
Þetta er ekki æfinlega þakklátt starf,
því að sitt sýnist hverjum eins og
gengur, en yfirleitt hygg ég þó, að
þetta hafi tekizt þannig, að Fís geti
nú á fertugsafmælinu litið yfir heilla-
ríkan starfsferil.
Þá skal einnig minnzt á annað mál,
sem Fís átti frumkvæði að, en það er
reglugerðarbreyting sú, er gefin var út
20. ágúst 1953 um stofnun starfsmanna-
ráðs. Er það skoðun margra, að hún
eigi eftir að marka eigi ómerkari tíma-
mót í félagsmálum símamanna en
starfsmannareglurnar gerðu á sínum
tíma.
Eins og kunnugt er eiga sæti í starfs-
mannaráði 2 fulltrúar frá Fís ásamt
4 fulltrúum frá stjórn landssímans.
Tók ráðið til starfa 31. ágúst 1953 og
hefur nú haldið 30—40 fundi.
Þetta ráðsfyrirkomulag er algert ný-
mæli hér á landi og hefur ems og kunn-
ugt er vakið nokkra athygli út fyrir
stofnunina.
Ráðinu er fyrst og fremst ætlað að
taka afstöðu til allra mála, er varða
hagsmuni stéttarinnar eða einstakra
starfsmanna, en það hefur einnig það
hlutverk að örfa áhuga starfsmanna
fyrir umbótum, hver á sínu starfssviði,
og hvetja þá til þess að kynna sér hag
og rekstur stofnunarinnar og senda ráð-
inu tdlögur sínar um þessi mál.
Bak við þetta ákvæði liggur sú hugs-
un, að stofnuninni sé gagnlegt að kynn-
ast sjónarmiðum starfsfólksins í hin-
um ýmsu starfsgreinum og taka tillit
til tillagna þess varðandi úrbætur og
nýmæli eftir því sem fært þykir, og
þá ekki síður hitt að hvetja starfsmenn-
ina til þess að láta sig meiru skipta en
áður heildarrekstur stofnunarinnar í
því trausti, að aukin þekking á því
sviði skapi lífrænni og traustari tengsl
milli stofnunarinnar og starfsfólksms
til hagsbóta fyrir báða aðilja.
Er hér stefnt að því að vinna bug á
þeim allt of algenga hugsunarhætti, að
starfsmaðurinn sé aðeins hjól í stórri