Símablaðið - 01.01.1964, Blaðsíða 9
samningsréttinn eitt af þeim málum,
sem síðast voru afgreidd frá Alþingi vor-
ið 1962, en hinsvegar kveðið svo á um,
að kjarasamningar skyldu taka gildi
fyrsta júlí á þessu ári. Þurfti því að
hafa hraðann á um allt undirbúnings-
starf, óhemju vinna var framundan.
Stjórn B.S.R.B. lagði áherzlu á að
félögin hefðust þegar handa um tillögu-
gerð og launaflokkun hvert innan sinna
vébanda. Framkvæmdastjórn F.Í.S. boð-
aði þegar til félagsráðsfundar, þar sem
hún lagði fram eftirfarandi tillögu:
„Stjórn F.Í.S. leggur til, að nú þegar
verði hafið undirbúningsstarf að gerð
kjarasamninga fyrir starfsfólkið. Telur
stjórnin heppilegast, að sú leið verði
farin, að byrjað sé á því að hver deild
kjósi nefnd, sem vinni að eftirfarandi:
í fyrsta lagi að flokka saman þá starfs-
hópa, sem samstöðu eiga, í öðru lagi að
tilgreina hvers krafist er í sambandi
við menntun, sérmenntun, faglega þekk-
ingu og þess háttar. Einnig um mögu-
leika á hækkunarstöðum, þar sem um
sérþekkingu í starfi er að ræða. Stjórn-
in vill leggja áherzlu á, að þetta sé vel
unnið og skipulega, því gera má fast-
lega ráð fyrir að það verði grundvöllur,
sem byggt verður á, eða að minnsta
kosti hafður til hliðsjónar. Þessar nefnd-
ir skulu hafa lokið störfum fyrir fimm-
tánda maí.“
Einnig Var á sama fundi samþykkt
svohljóðandi tillaga:
„Stjórnin óskar eftir heimild félags-
ráðs til að skipa nefnd eða nefndir eftir
því sem þurfa þykir vegna hinna nýju
kjarasamninga, sem framundan eru.“
Lengri tími fór í þessa vinnu hjá deild-
unum en ætlast var til. Frá sumum
bárust mjög greinargóðar upplýsingar
og tillögur, en frá öðrum aftur lakari.
I samræmi við þær upplýsingar, sem
komu frá deildunum, vann fram-
kvæmdastjórnin að tillögum um launa-
flokkun og hafði um það fullkomið sam-
starf við deildarstjórnirnar. Einnig
sneri framkvæmdastjórnin sér til Póst-
og símamálastjóra og ræddi við hann
um hugsanlega samvinnu varðandf ým-
is atriði er að flokkuninni laut, þar á
meðal um ný starfsheiti, sem eðlilegt
væri að tekin yrðu upp í kjarasamning-
ana. Þær viðræður voru árangurslaus-
ar.
Tillögur voru svo sendar kjararáði
ásamt starfslýsingum. Kjararáð vann
síðan úr tillögum félaganna og undir-
bjó heildarröðun í launaflokka. Er ráð-
ið hafði lokið því, voru tillögurnar send-
ar félögunum til umsagna, sem algjört
trúnaðarmál. Það kom í ljós, að tillög-
um F.Í.S. hafði verið allmikið breytt í
meðferð kjararáðs, í mörgum tilfellum
til hækkunar, í öðrum til lækkunar.
Það vakti þegar eftirtekt, að nokkurs
ósamræmis gætti hjá kjararáði um
flokkun í starfshópa. T. d. voru menn
við hliðstæð störf flokkaðir misjafnlega,
og ýmsir vankantar virtust vera á til-
lögunum. Vakti það að vonum óánægju.
Framkvæmdastjórnin kallaði þegar
saman félagsráðsfund, þar sem tillog-
urnar voru ræddar. Voru þær mjög
gagnrýndar á fundinum. Ákveðið var,
að gera þegar breytingatillögur við til-
lögur kjararáðs. Framkvæmdastjórnin
og fulltrúar frá deildunum unnu svo
að því að semja breytingartillögurnar
ásamt nýjum starfslýsingum, þar sem
þurfa þótti. Gerður var samanburður á
flokkun hjá öðrum stofnunum, þar sem
um sambærileg störf var að ræða, en
misræmis gætti. Breytingartillögur
þessar voru í nýtján liðum. Það skal tek-
ið fram að kjararáð tók nokkrar af til-
lögum þessum til greina, en þó ekki
sem skyldi.
Það yrði of langt mál að rekja allan
þann málavafstur, fundarhöld og bréfa-
skriftir, sem áttu sér stað í þessu sam-
bandi. En óhætt er að fullyrða, að fram-
kvæmdastjórn, deildarstjórnir og full-
trúi okkar í kjararáði lágu ekki á liði
sínu um að knýja fram lagfæringar á
flokkuninni. Þess skal getið, að fram-
kvæmdastjórn og fulltrúar frá deildun-
um mættu á fundi hjá kjararáði, þar
sem þessi mál voru rædd og skírð.
5 í MAB LAÐ IÐ