Símablaðið - 01.01.1964, Blaðsíða 15

MARÍA BJ ARN ADÓTTIR
andaðist á Landakotsspítala 27. des sl.
Hún var fædd á ísafirði 13. júní 1901, dótt-
ir hjónanna Bjarna Kristjánssonar skip-
stjóra og bæjarfulltrúa og Sigríðar Lúð-
vígsdóttur. Föður sinn missti hún 3ja ára
gömul, en hann drukknaði 7. janúar 1905.
María ólst síðan upp með móður sinni,
og bjó jafnan með henni, fyrst á ísafirði
en síðan í Reykjavík.
María var skipuð talsímakona á ísafirði
1. ágúst 1919, og frá 1. maí 1927 í Reykja-
vík. Hún var skipuð kvensímritari 1. okt
1928, skrifari 2. fl- á skrifstofu ritsíma-
stjórans 1. nóv. 1931, og skrifari 1. fl. 1.
marz 1935.
Að Maríu er mikil eftirsjón í hópi
þeirra, er um áratugi hafa átt samleið
með henni. Hún var persónuleiki, sem setti
svip á stofnunina, hreinlynd og skapmikil,
mátti ekki vamm sitt vita. En hún gerði
um það sömu kröfu til annarra og átti
enga samleið með þeim, sem ábóta vant
var í þeim efnum.
Þeir mörgu, sem áttu samleið með henni
í þessari stofnun, kveðja hana með þökk
fyrir hennar falslausu vináttu og dagfars-
prúðu framkomu.
SVEINN ÞORLÁKSSON
26. ágúst 1914 var opnuð landssímastöð
í Vík í Mýrdal- Símastjóri var ráðinn
Sveinn Þorláksson. Síðan hefur hann sitið
þar við afgreiðsluborðið svo að segja dag-
lega þar til hann andaðist, 92 ára að aldri,
eftir næstum 50 ára starf í þjónustu lands-
simans, þó ekki væri hann símastjóri síð-
ustu árin, en við því starfi hafði dóttir
hans tekið.
Sveinn var fæddur að Þykkvabæ i Land-
broti, 9. ágúst 1872. Foreldrar hans voru
Þorlákur Sveinsson, bóndi þar og kona
hans, Steinunn Þorsteinsdóttir.
Frá 17 ára aldri vann hann fyrir sér, og
stundaði þá sjómennsku og sveitastörf.
Um aldamótin lauk hann prófi í skósmíði
og stundaði hana samhliða öðrum störf-
um æ síðan. Árið 1914, er landssímalína
var lögð til Víkur, varð Sveinn símastjóri
þar, og því stárfi gengdi hann fram yfir
áttræðisaldur, — er dóttir hans tók við því.
Kona Sveins var Guðrún Guðmunds-
dóttir frá ytri Dalbæ, og lifir hún enn í
hárri elli-
Sveinn var þekktur langt út fyrir hérað
sitt fyrir samvizkusemi í starfi sínu og öll-
um viðskiptum. Hann taldi aldrei vinnu-
stundirnar.
Minningin um þennan ágætis mann mun
lengi lifa austur þar.
SÍMABLAÐIÐ