Símablaðið - 01.01.1964, Blaðsíða 11

Jón Valdimarsson:
Fyrirtækið L. M. Ericsson
Þegar farið var þess á leit við mig, að
ég skrifaði fáeinar línur í Símablaðið um
Svíþjóð, eða eitthvað í sambandi við dvöi
mína þar, datt mér í hug, að ef til vill væri
ekki úr vegi að segja frá fyrirtækinu L. M.
Ericsson í Stokkhólmi, því varla er sá
maður starfandi hjá Landssíma íslands,
sem ekki hefur komizt í kynni við hluti
frá L. M. E., að meira eða minna leyti.
Lars Magnús Ericsson stofnaði fyrir
tæki sitt árið 1876, en það ár sótti Ameríku-
maðurinn Alexander G. Bell um einka-
leyfi fyrir símatæki sínu.
Lars Magnús frétti um þetta tæki Bells,
og var þá þegar ákveðinn í að snúa sér
að framleiðslu símatækja, þar sem hann
sá þar framtíðarmöguleika.
Fyrirtæki Lars Magnúsar var ekki stórt
í sniðum í byrjun, lítil verksmiðjukompa
mitt í Stokkhólmsborg, og starfsfólkið voru
tveir menn, Lars Magnús og 12 ára dreng-
ur.
Fátæklega var þetta verkstæði búið tækj-
um, aðeins einn fótstiginn rennibekkur
auk nokkurra handverkfæra.
Árið 1878 hafði Lars Magnus smíðað og
formað sitt fyrsta símatæki, sem var mjög
vel nothæft, og síðar eftirsótt.
Aðeins nokkrum mánuðum eftir að
símatækið kom fram, hafði Lars Magnus
svo mikið að gera við smíði slíkra tækja,
að stærra húspláss var nauðsynlegt.
Sex árum eftir að hann byrjaði, hafði
framleiðslan aukizt svo að þá þurfti 50
menn til starfa á verkstæðinu.
Árin liðu nú, og aðeins átta árum eftir
stofnunina varð draumur Lars Magnusar
að veruleika, en sá draumur var að vita
fyrirtæki sitt í eigin húsnæði, og í því
húsnæði starfaði síðan Hlutafélagið L. M.
E. í 58 ár.
Árið 1941 stóð tilbúin til notkunar nú-
verandi verksmiðjubygging L. M. E., sú
verksmiðja er staðsett í einu af úthverfum
Stokkhólms, geysistór og tíguleg bygging.
Nú í dag er L. M. E. eitt af stærstu fyrir-
tækjum Svíþjóðar, og eitt með stærstu fyr-
irtækjum sinnar tegundar í heiminum, t.
d. rekur L. M. E. um 20 verksmiðjur víðs-
vegar í Svíþjóð, auk þess sem fyrirtækið
rekur verksmiðjur í 8 öðrum löndum, og'
hefur umboðsmenn í 80 löndum i öllum
heimsálfum.
Aðal framleiðsluvörur L. M. E. eru
sjálfvirkar og handvirkar símstöðvar,
skiptiborð og símatæki.
Eins má geta þess að L. M. E hefur fram-
leitt sjálfvirkar símstöðvar fyrir 5 milljón
línur. Mest þekktu L. M. E. sjálfvirku
stöðvar eru þær með 500 lína veljurum,
þær voru fyrst teknar í notkun árið 1923
og árið 1959 hafði verið framleitt af þess-
um stöðvum kerfi fyrir 3 milljónir lína.
Þetta 500 lína veljarakerfi hefur að
mestu verið notað í hið sjálfvirka síma-
kerfi Svíþjóðar auk margra annara landa.
Það er véldrifið og stýrist af s. k. ráðum.
Á síðustu árum hefur L. M. E. komið
fram með sjálfvirkar stöðvar með s. k.
koordinat veljara gerð-
Prinsípið fyrir þessum stöðvum er nú
eiginlega frá árinu 1918, en gafst ekki vel
af ýmsum ástæðum, en nú hefur L. M. E.
tekið upp þráðinn, þar sem frá var horfið
þá, og fengið fram stöðvar, sem bera af,
hvað snertir flýti, litlar truflanir, öryggi
og auk þess lítið viðhald.
Þessar stöðvar hafa náð mjög miklum
vinsældum hjá hinum ýmsu viðskiptavin-
um, m. a. Landssíma fslands.
L. M. E. hefur sett upp og fengið pant-
anir á Koordinatveljarastöðvum frá fjölda
landa í öllum heimsálfum, og má geta þess,
SÍMABLAÐIÐ