Freyr - 01.12.1984, Síða 15
Hér eru þœr systurnar Sigurbjörg, til vinstri, og Kolbrún Sigfúsdóttir að prjóna í
versluninni „Carson, Pirie, Scott" í Chicago. Pað var í þessari ferð sem Kolbrún setti
met. Hún lauk við peysu á 6 klukkustundum, 34 mínútum og 50 sekúndum og voru þá
ekki dregin frá malar- og kaffihlé.
an er öll framleiðsluvaran hönnuð
þar af íslenskum og erlendum
hönnuðum. Er óhætt að segja að
sú alúð sem fyrirtækið leggur við
þennan þátt starfseminnar hafi
skilað sér vel, því að vörurnar hafa
fengið það orð á sig hjá erlendum
kaupendum að á þeim sé sérstak-
ur heildarsvipur sem gefi til kynna
vönduð vinnubrögð. Lengst af var
eingöngu boðið upp á flíkur í
sauðalitunum, og hélst það vel í
hendur við aukinn áhuga manna á
því sem er náttúrulegt og eðlilegt.
Þetta, og hin óspillta íslenska nátt-
úra, hafa raunar verið mikilsverð
atriði í kynningu á íslenskum ullar-
vörum erlendis.
Fljótlega gerðu forráðamenn
Hildu hf. sér grein fyrir því að
gæði fatnaðarins skipta höfuð-
máli, og komu því á reglubundnu
eftirliti með framleiðslunni. Þetta
gæðaeftirlit er nú sérstök deild í
útflutningsdeild fyrirtækisins.
Söluferðir Hildu hf.
Óhætt er að fullyrða að sjálfar
aðferðir Hildu hf. við sölu og
kynningu á framleiðslunni eigi
mikinn þátt í velgengni fyrirtækis-
ins. Þessar aðferðir mótuðust
strax á fyrstu árunum, þegar Tom-
as Holton gekk milli stórverslana
og bauð íslenskar lopapeysur til
sölu. Æ síðan hefur sölumennskan
byggst á persónulegu sambandi
við kaupendur og reynt efur verið
að fá þá til beinnar aðildar að
vöruþróuninni. Hilda hf. selur
ekki vöru sína í gegnum umboðs-
mannakerfi, heldur sinnir fyrir-
tækið viðskiptamönnum sínum
sjálft. Áður en framleiðsla næsta
árs er fullmótuð, eru bestu við-
skiptavinirnir fengnir á fund með
hönnuðum og sölumönnum. Þeim
er kynnt „lína“, og reynt að kom-
ast að því hvort þeim líkar það
sem boðið er upp á og hvort þeir
hafi einhverjar hugmyndir eða
óskir um breytingar fram að færa.
Það er svo ekki fyrr en síðar,
þegar starfsmönnum hönnunar-
deildar hefur gefist færi á að ljúka
fullnaðarfrágangi, að viðskipta-
vinir sjá endanlega útfærslu fat-
anna og gera pantanir. Enn síðar,
þegar aðalsölutímabilið er runnið
upp, er fylgst náið með sölunni í
hverri verslun frá aðalstöðvum
Hildu hf. í Reykjavík, og hringt í
hverja búð vikulega. í raun er það
svo, að allir starfsmenn Hildu hf.
eru „sölumenn", í þeim skilningi
að þeir hafa meira og minna beint
samband við viðskiptavini og
reyna að uppfylla óskir þeirra.
Þegar talað er um viðskiptavini,
er rétt að taka fram að Hilda hf.
velur þá af kostgæfni. Það er alls
ekki svo, að hver sem er geti
gengið inn til Hildu hf. og keypt
flíkur til þess að selja erlendis.
Yfirleitt eru viðskiptavinir Hildu
hf. meðal þekktustu og virtustu
verslunarfyrirtækja á hverjum
stað, og þess er gætt þegar Hilda
hf. velur viðskiptavini sína, að
aðeins einn aðili sé á hverju svæði.
Úr auglýsingabceklingi frá Hildi hf., húfur, vetllingar og sokkar.
FREYR —- 935