Freyr - 15.05.1994, Blaðsíða 39

FRAMLEIÐNISJÓÐUR LANDBÚNAÐARINS
Efling atvinnu í dreifbýli
Framleiðnisjóði landbúnaðarins er samkvæmt samningi ríkis og bænda frá 11. mars 1991
meðal annars ætlað að ráðstafa fé til að efla atvinnustarfsemi í sveitum.
Stjórn sjóðsins hefur ákveðið eftirfarandi meginreglur um stuðning við fjárfestingu í
atvinnurekstri:
I. Framlög til framkvæmda á lögbýlum
1. Atvinnurekstur sem stofnað er til á lögbýlum getur notið famlags. Þeir bændur skulu að
öðru jöfnu sitja fyrir framlögum sem hafa innan við 500 ærgilda greiðslumark eða eru
frumbýlingar. Þá sitja þeirfyrirframlögum að öðru jöfnu sem hafa aflað sér starfsmenntunar
í hinni fyrirhuguðu atvinnugrein.
— Við ákvörðun um stuðning verður höfð hliðsjón af umfangi búrekstrar, fjarlægð frá
þéttbýli og fjölda vinnufærra manna sem eiga lögheimili á býlinu.
2. Framlag getur numið 30% af framkvæmdakostnaði (án virðisaukaskatts), þó að hámarki
kr. 1.200.000 miðað við byggingarvísitölu 189,6 og breytist samkvæmt henni.
— Ákvörðun um upphæð framlags tekur mið af tekjum umsækjenda utan bús og umfangs
þess rekstrar sem sótt er um stuðning til.
II. Framlög til að stofna eða efla félög um atvinnurekstur í dreifbýli
Framleiðnisjóður mun leitast við að styðja bændur og samtök þeirra (búnaðarfélög,
veiðifélög o.fl.) til þátttöku í nýjum atvinnurekstri með fjárframlögum.
Við ákvörðun um stuðning þennan verður m.a. höfð hliðsjón af stöðu hefðbundinna
búgreina á viðkomandi svæði og þess hvort hinn nýi atvinnurekstur er líklegurtil að auka atvinnu
og efla byggð.
Þá verður tekið mið af eða krafist mótframlags þeirra aðila sem óska eftir stuðningi.
Styrkþegum er skylt að veita sjóðnum upplýsingar um framvindu verkefna og rekstur þeirra
fyrirtækja sem framlag er veitt til þegar stjórn sjóðsins óskar.
Upplýsingar og umsóknareyðublöð fást á skrifstofu Framleiðnisjóðs land-
búnaðarins, Laugavegi 120, 105 Reykjavík, sími/fax 91-25444/25556 og hjá
formanni stjórnar sjóðsins sími/fax 95-24287.