Fylkir - 23.12.1999, Qupperneq 3

FYLKIR jólin 1999
3
Bára Friðriksdóttir safnaðarprestur
Frestum ekki
boðskap jólanna
Jólin nálgast. Jólaundirbúningur löngu hafinn,
Myrkrið að færast yfír heiðar en ljósin að prýða
glugga og þakskegg. Jólaljósin sem minna á
ljósið hans. Minna á að ljós Guðs náðar kom inn
í myrkan mannheim til að lýsa upp. Gefa ljós og
von í myrkum aðstæðum. Tvöþúsund ámm síðar
er þessi staðreynd enn jafn gild. En við getum
aðeins tekið við henni í trú. Það gerum við meðal
annars með því að tendra ljós í glugga, prýða
hýbýlin, leggja á hátíðarborð og bjóða góða gesti
velkomna. Hér er ytri undir-
búningurinn en nauðsynlegt
er einnig að stilla hug og
sinni eftir boðskap jólanna.
Láta anda þeirra og áhrif
verka á sig. Guð kemur inn í
jólin með gjöf. Guð gaf
mönnum Jesú. Guð gefur
okkur enn í dag Jesú Krist,
anda hans og blessun. í
boðskapnum felst að gefa.
Eðlileg verkun jólanna er því
löngun til að gefa, deila sínu
með öðrum. Þar er ekki gert
ráð fyrir að við deilum meiru
en við eigum þó að ytri þrýstingur leiði stundum
til þess. Við eigum að deila af okkar. Ástvinir fá
fallega skreytta pakka en það er ekki allt sem við
getum gefið. Við eigum til góðvild, samúð, hrós
og bros. Við erum misjafnlega spör á þessa og
fleiri jákvæðu þætti en í undirbúningi jóla er
okkur nauðsyn að draga þessa þætti fram og
leyfa öðmm að njóta af nægtum okkar. Því ef við
lokum hjarta okkar fyrir neyð náungans þá
lokum við hjarta okkar fyrir Guði. Þar með er
allur jólaundirbúningur til ónýtis.
Heimskt er heimaalið bam segir máltækið.
Orðið heimska er meira að segja dregið af orðinu
heima og hugsuninni heimaalinn. I merkingunni
felst að sá sem aðeins hefur uppfræðst heima hjá
sér hafi minni víðsýni en sá sem hefur farið víða
og kynnst öðru en heimahögunum. Islendingar
hafa löngum þurft að sækja lærdóm til útlanda og
dregið til landsins margar nýjungar með þeim
hætti. Margt gott, annað miður. Með því að vera
fjarri heimahögunum kynnist fólk nýjum við-
horfum. Sér að margt má gera á annan hátt,
jafnvel með betri verkun. En um leið sjást vel
kostir þess að vera íslendingur og njóta þess að
búa á íslandi.
Nýlega dvöldum við hjónin stutta stund á
Kúbu. Kynntumst þar lifnaðarháttum gjörólíkum
okkar. Margt vakti furðu, sumt aðdáun en annað
óhug. Að koma í land þar sem er skortur á
lífsgæðum sem við teljum nauðsynleg ýtir við
manni. Nýtni þeirra og útsjónarsemi vekur til
umhugsunar. Kallar fram endurmat á ofneyslu
okkar. Ofgnóttin sem við búum við rýrir oft
verðgildi hlutanna. Það sem eitt sinn var verð-
mætt verður fljótt verðlaust
skran í endalausri neyslu vest-
ræns samfélags.
Auglýsingaflóðið fyrir jólin
fær mig oft til að hugsa um
hvort við séum á réttri leið.
Hvort við ætlum virkilega að
kaupa hamingju okkar í
fagurlega innpakkaðri jóla-
gjöf? Stjórnarhættir Kastrós
opnuðu augu mín einnig fyrir
dýrmæti íslenskrar menn-
ingar. Kastró með sinn
kommúnisma frestaði nefni-
lega jólunum eitt árið á Kúbu.
Þeim var slegið á frest allt þar til tuttugu árum
síðar að Páfinn heimsótti landið og bað Kastró
vinsamlegast að leyfa fólkinu að halda jól einn
dag á ári. Kastró lét þetta eftir og um síðustu jól
fengu Kúbverjar að vera heima á jóladag. Allt í
einu sá ég í nýju Ijósi hvað við íslendingar eigum
gotl. Við búum við sterkan kristinn arf sem hefur
mótað þjóðarvitund okkar í gegnum aldimar. Ef
jólin væru tekin af okkur fyrir tilskipun einhvers
þjóðhöfðingja held ég að myndi syngja duglega í
einhverjum. Jafnvel þeir sem ekkert segjast trúa
yrðu sjálfsagt æfir.
Við undirbúum jól, hvert með sínu hand-
bragðinu. En við undirbúum jól þar sem við
væntum birtu Guðs inn í myrkan mannheim.
Birta Guðs sem upplýsir hvem mann tilheyrir
jólum. Birtu frelsarans sem kom til að frelsa
hvern mann frá eigin myrkri. Þegar birta frels-
arans skín við okkur verður hugurinn bjartur og
fullur tilhlökkunar. Með þá birtu göngum við út í
aðventuna, út til náunga okkar og til móts við
jólin.
Guð gefí öllum landsmönnum nær og fjær
gleðilegajólahátíð.
Forsíðumynd: I forgrunni er listaverkið „Eyrað á
Eiðinu“ eftir Berte Norheim. Myndina tók Ómar
Garðarsson ritstjóri á Fréttum nú í byrjun desember.
Bls 3 Jólahugvekja
eftir sr. Báru Friðriksdóttur, safnaðarprest.
Bls 5 Fylkir 50 ára
eftir Arnar Sigurmundsson
Bls 7 Eyverjar FUS 70 ára
eftir Skafta Örn Ólafsson
Bls I I Kossar, Pisco og sólin í norðri
eftir Grím Gíslason
Bls 17 Hafnargarðarnir og konungdæmið
eftir Helga Bernódusson frá Borgarhól
Bls 21 Stefán Runólfsson á léttu nótunum
í samtali við Árnajohnsen alþm.
Bls. 25 Lúðrasveit Vestmannaeyja 60 ára
eftir Magnúsjónasson frá Grundarbrekku
Bls. 27 Maður er manns gaman
Jóhann Friðfinnsson segir frá dvöl sinni í Japan
Bls. 30 Látnir kvaddir
Myndir af fólki sem búið hefur í Vestmannaeyjum
í lengri eða skemmri tíma og lést á árinu.
Bls. 34 Helgihald á jólum og um áramót
ÚTGEFANDI:
RITNEFND:
PRENTVINNA:
UPPLAG:
Eyjaprent hf. fýrirhönd
Sjálfstæðisfélaganna í Vestmannaeyjum
Grímur Gíslason, ábm., Arnar Sigurmundsson, Magnús Jónasson,
Sigurður Einarsson og Skafti Örn Ólafsson.
Eyjaprent hf. Vestmannaeyjum
2400 eintök
BLAÐINU ER DREIFT í ÖLL HÚS í VESTMANNAEYJUM OGAUK ÞESS SELT ÁSKRIFENDUM VÍÐA UM LAND
OG í LAUSASÖLU í VESTMANNAEYJUM OG REYKJAVÍK