Fylkir - 23.12.1999, Blaðsíða 21
FYLKIR jólin 1999
21
Arni Johnsen skrifar:
Skemmtilegt, fjörugt og
átakamikið líf í Eyjum
-spjalllota með Stefáni Runólfssyni
Fjölskylda Stefáns og Helgu. Aftari röð f.v. Guðný Stefanía, Sóley og maður hennar, Þorsteinn Helgi og Smári.
Fremri röð. Helga, Styrmir Logi sonur Sóleyjar og Þorsteins, Guðrún Jóna sambýliskona Smára og Stefán.
„Það er ótrúlega sterk minning
í huga sjö ára peyja að standa
á bryggjunni heima og horfa á
breska herinn stíga á land í
Vestmannaeyjum 1940,“ sagði
Stefán Runólfsson í spjalli
okkar fyrir Fylki.“ Það var
eitthvað svo óraunverulegt og
magnþrungið, en samt ævin-
týralegt að horfa á stóra her-
skipið leggjast á víkina og
eyjabátana flytja hermennina í
land.“
ÞEGAR BRESKI HERINN
STEIG Á LAND í EYJUM
„Þetta er ákaflega eftirminni-
legt, ekki síst þegar þeir stigu
á land og tóku sér síðan ból-
festu hér og þar í bænum. Sjö
ára peyi hafði aldrei séð neitt
svo spennandi. Ég man líka
vel eftir því þegar Bretarnir
skutu á þýsku herflugvélina.
Ég var þá að reka beljurnar
hennar Fríðar og Jóns Hjálm-
arssonar austan frá Sætúni og
vestur á Hamar á svæðið þar
sem golfskálinn er nú. Bret-
arnir skutu á vélina frá Höfð-
anum, en vélin slapp. Skömmu
síðar hrapaði hins vegar bresk
herflugvél í Helgafell, en flug-
maðurinn komst út í fallhlíf og
lenti í sjónum rétt vestan við
Hamarinn. Bræðurnir Torfi og
Jón Bryngeirsson björguðu
honum á bát sem þeir voru á
skammt undan.
SKÓLINN í STARFI OG
LEIK ÆSKUÁRANNA
Það er auðvitað af mörgu að
taka í umhverfi æskuáranna í
Eyjum,en það tíðkaðist líka í
talsverðum mæli að senda
krakka úr Eyjum í sveit og ég
fór í sveit undir Austur-Eyja-
fjöll. Það var 1943, sama árið
og hryggilega tréspíritusmálið
kom upp. Þá var ég 10 ára
gamall. Það var erfitt að skilja
þá óáran.
En allt hefur sinn gang og
það var ekki langt í það að
fótboltinn tæki stóran hlut af
lífsins leik á þessum árum. Ég
spilaði í 3. flokki. 2.flokki og
1. flokki, öllum á sama tíma,
því það var ekkert gefið eftir
og maður tók hverjum leik
eins og hann væri úrslitaleikur
í heimsmeistarakeppni. Strax
fermingarárið 1947 fór ég að
vinna á fullum krafti í sumar-
vinnu eins og aðrir krakkar,
fyrst í saltfiskinn, síðan í
frystinguna hjá Björgvin Páls-
syni. Þetta var hörku skóli og
svo lauk hefðbundna skól-
anum, Gagganum, 1950. Það
er hrikaleg minning frá 7.
janúar 1950 þegar Helgi fórst
og Hraðfrystistöðin brann. Það
var rosalegur skellur. Helgi
fórst um daginn í uppgangs-
veðri og um nóttina kviknaði í
gömlu Elífðinni vestan við
Framhúsið. Halldór Johnson
kennari var meðal þeirra sem
fórust með Helga. Hann var
nýfluttur heim frá Vesturheimi
og var vinsæll kennari okkar.
Bjó yfir mikilli frásagnargleði
og það var mikill söknuður að
honum. Ég gleymi aldrei
vangaveltunni um það þegar
menn vissu slysdaginn sem
Helgi fórst að tveir menn
hefðu komist upp á Faxa-
FISKIÐJAN
Úr Fiskiðjunni 1970, Stefán og Tryggvi Marteinsson.
MrmNmii
T*. ' 1
X' 'ÆL R Wm
Á góðri stund í Kaupmannahöfn 1956. Frá vinstri
Baldur Olafsson, Martin Tómasson, Björn Guðmunds-
son, Jón Guðleifur - Leifi í Laufási og Stefán.
í Kaupmannahöfn 1956, f.v. Stefán, Jón Guðleifur og
Bergþór Guðjónsson, Beggi á Skuldinni.