Skátablaðið - 01.01.1947, Qupperneq 32

cn mjög líklegt að þessi tilhögun verði höfð
á námskeiðunum. Nánar verður skýrt frá
þessu í næsta Skátablaði.
ÚLFLJÓTUR.
Von mun vera nýrra bóka frá Úlfljóti nú
alveg á næstunni, að því er fregnir herma.
Mun ný skátasöngbók vera í prentun, en
útgáfa Foringjahandbókarinnar getur dreg-
izt dálítið vegna þess að horfið hefir verið
að því ráði að prenta bókina, en ekki fjöl-
rita eins og fyrst var ætlunin.
Fyrir áramótin kornu út tvær bækur:
Skátarnir á Róbinsoneyjunni og Við varð-
eldinn, II. hefti, og hefir þeirra verið áður
getið.
Það er gleðilegt til þess að vita, að útgáfa
skátabókmennta skuli vera að aukast og
væri vonandi, að sú þróun héldist.
SKÁTAHEIMILIÐ í REYKJAVÍK.
Eins og sagt var frá í síðasta blaði, hafa
skátarnir í Reykjavík fengið til umráða
heilt skálahverfi.
Vinna skátanna við það hófst um mán-
aðamótin sept.—okt. og var unnið af kappi
í um mánaðartíma. Var þá lokið við að
hreinsa og mála skálana að utan, slá upp
skilrúmum o. fl. En síðan lagðist vinna að
miklu leyti niður í nóv. og des.-mánuðum.
Var það vegna þess, að það stóð á að fá
lagðar hita- og raflagnir, og var því lítt vinn-
andi fyrir kulda.
Um áramótin hófst vinna aftur við Skáta-
heimilið og er nú verið að ljúka við inn-
réttingu fyrir Skátabúðina. Ennfremur eru
llokks- og sveitarherbergin næsturn tilbúin.
Gert er ráð fyrir því, að Skátaheimilið ætti
að geta tekið til starfa í marzmánuði.
Allt þetta hefir mjög dregið úr hinu eig-
inlega skátastarfi höfuðstaðarskátanna, því
að ekki hefir verið hægt að halda uppi
reglulegu fundastarfi, nema að litlu leyti.
En þetta mun nú allt vera að komast í lag.
Vonandi getur Skátablaðið bráðlega skýrt
nánar frá Skátaheimilinu við Hringbraut
og birt myndir þaðan.
NÝTT SKÁTAFÉLAG.
í vetur var stofnað nýtt skátafélag á Laug-
arvatni. Stofnendur voru 17 og eru það allt
nemendur við skólana á Laugarvatni og
hafa verið starfandi skátar heima í byggðar-
lögum sínum. Félagsforingi er Þórir Þor-
geirsson, leikfimiskennari, en sveitarforingi
er Ingvar Guðmundsson frá Keflavík. Fé-
lagið hefir þegar tekið inn nokkra nýliða.
Þetta er merkileg tilraun með stofnun
skátafélags og mikill fengur fyrir skátahreyf-
inguna að fá öflugt skátafélag á slíkum
stað. Það er von og trú okkar, að félag
þetta eigi eftir að verða traust stoð æskulýð
staðarins, og til þess liefir það alla aðstöðu.
Skátablaðið óskar Laugarvatnsskátum til
hamingju með hið nýja félag sitt og býður
það velkomið til starfa fyrir hina upprenn-
andi æsku íslands.
]AMBOREE !
The Jamboree! The Jamboree!
What does it mean to you and me?
It means a vow, a pledge, a pact,
to love, to serve, to think, to act;
It rneans a lot of boys — and then
a. ivorldlike League of fullgrown men.
o o o
SKÁTAFÉLÖG!
Skátablaðinu væri mjög kærkomið
að fá myndir af stjórnum félaganna
og af félagsstarfinu inni og úti.
24
SKATABLAÐIÐ