Skátablaðið - 01.07.1948, Page 53

gengið illa með afbrigðum. Enginn ráðs-
mannanna ílengdist, og því varla von að
vel færi.
Engar horfur voru á, að úr raknaði með
bústjóra.
Meðalaldur nemenda hafði lækkað mjög
tvö síðustu sumurin, og þýddi það, að
minni afkasta mátti vænta til bústarfa. Var
því horfið að því ráði að leigja jörðina og
hætta búskap. Dagbjartur Hannesson tók
jörðina á leigu um óákveðinn tíma og
samningslaust fyrsta árið. Var sem þungu
fargi létti af okkur, sem með þessi mál höfð-
um farið, en þó blandið eftirsjá, því að
um sinn er að mestu horfinn sá möguleiki,
að skátaskólinn geti sinnt því hlutverki,
sem honum var í fyrstu ætlað, sem sé að
vera vinnuskóli fyrir framleiðslustörf og
skapa um leið þá aðstöðu, að skólanemend-
ur gætu að meira eða minna leyti lifað á
eigin framleiðslu, að nokkur hluti vinn-
unnar væri arðbær.
Aðsókn að skólanum var mikil og vart
hægt að sinna umsóknum, enda var skortur
a svefntjöldum. Meginhluti af nemendum
eru Ijósálfar og ylfingar. Alls munu dvelja
a skólanum um 40 telpur og 50 drengir.
Starfsfólk er flest það sama og í fyrra.
Rétt er að geta þess, að þegar þessar
hnur eru ritaðar, var ég að frétta að Magnús
Valdimarsson og kona hans hefðu um helg-
ina (26. og 27. júlí) farið austur með máln-
ingu og málað kvenskátaskálana. Hafi þau
þökk fyrir. Þess er getið, sem gert er.
starf og markmið.
Fastar reglur eru settar um, hvernig deg-
inum skuli varið. Strangt eftirlit er haft
með því, að þeirn reglum sé fylgt. A hverj-
um morgni eru nemendur vaktir klukkan
atta, látnir iðka nokkrar leikfimiæfingar og
þvo sér síðan upp úr ánni, er fram hjá
fellur. Flesta daga iðka þeir ýmis konar
skátablaðið
íþróttir. Nemendur eru vandir á stundvísi
og reglusemi. Þeir eru þjálfaðir og hertir.
Dag hvern eru skátarnir við skátanám.
Auk hinna venjulegu skátafræða, sem tími
er eigi til að rekja hér, læra þeir um flest,
sem að ferðalögum lýtur, læra um hjálp í
viðlögum, læra morsekerfið og flaggastaf-
rófið o. m. fl. Þeir eru þjálfaðir í lengri
gönguferðum og skemmri, kennt að þekkja
dýr og jurtir.
Markmið skátaskólans er því að kenna
skátunum að vera viðbúnir hverju því, sem
að höndum ber, að vera reglusamir í hví-
vetna, að vera stundvísir, að geta séð um
sig sjálfir og hjálpað öðrum. Það er reynt
að efla félagslyndi þeirra og félagskennd,
að þroska drenglund þeirra, sannleiksást
og réttsýni.
Á grundvelli skátalaganna og skátaheits-
ins leitast skólinn við að gera skátann að
góðum og nýtum þjóðfélagsborgara, sem
vinnur heill og óskiptur að hverju því verk-
eini, sem bíður hans í framtíðinni, gera
hann að sönnum íslendingi, sem ávallt er
reiðubúinn að leggja alla krafta sína fram
í þágu lands og þjóðar, gera hann að sönn-
um skáta, sem gerir það, sem í hans valdi
stendur til þess að gera skyldu sína við
guð og ættjörðina.
LOKAORD.
Það er ósk mín og trú, að skátaskólinn
á Úlfljótsvatni og ÚLFLJÓTSVATN eigi
um langa tíð að verða miðstöð skátastarf-
seminnar á landinu. Hvernig starfsemin á
að vera, er önnur saga. Aðalatriðið er, að
starfsemin sé svo rúm og óbundin, að hún
fullnægi þörfum hvers tímabils og leysi þan
vandamál, sem mest aðkallandi eru á hverj-
um tíma. Hættulegt er að binda stofnun
í of fastar skorður. Fjölbreytni og frjáls-
ræði er grundvöllur hins lifandi starfs,
undirstaða lýðræðis og menningar.
147