Litli Bergþór - 01.12.1991, Blaðsíða 4

Formannsspjall
U.M.F.B
Komið þið marg blessuð, lesendur góðir!
Ég vona að ykkur finnist eins skemmtilegt og
mér að fá nýtt blað af Litla-Bergþóri í
hendurnar. Um leið og ég frétti aðverið sé að
vinna að nýju blaði fer ég að fylgjast með
hvernig gangi. Ég hvetfólktil aðskrifa íblaðið
því ég hef grun um að margir vilji segja frá
einhverju sem okkur öllum kemur við, en vel
gekk víst að fá efni í þetta blað svo að ég fékk
leyfi til að hafa mína grein stutta.
Það er alltaf eitthvað um að vera hjá okkur í
Ungmennafélaginu þó svo að allir verði ekki
varir við það. Þing U.M.F.Í. var haldið á
Húnavöllun í lok október og fór Áslaug
Sveinbjörnsdóttir héðan ásamt fleirum frá
Héraðssambandinu Skarphéðni. Á þessu
þingi vartalað um aðfresta Landsmóti um eitt
ár eða til 1994 og stefna að því að halda það
á Laugarvatni. Við megum búast við því að
mikil vinna verði við undirbúning að svo stóru
móti og þá verði leitað til félaga á svæði
H.S.K. Semsagtviðbyrjumaðsafnakröftum
til að geta staðið í því og höfum rúm tvö ár til
stefnu.
Þessa dagana er verið að spila félagsvist
bæði fyrir óvana og vana og hefur þar verið
fámennt en góðmennt og held ég að þeir sem
mætt hafa hafi haft gaman af.
Nú erum við loksins að innheimta árgjöld
alsherjardeildar eða hjá þeim sem ekki eru í
hinum deildunum en íþróttadeild hefur nú
þegar innheimt sín árgjöld og þá eiga
skógræktar-og leikdeildin eftir að innheimta
fyrir sig.
Við biðjum þá sem ekki skilja þetta
fyrirkomulag að tala við okkur í stjórn því að
ég hef orðið vör við að sumir skilja þetta ekki,
en svo eru aðrir sem eiga mjög auðvelt að
vinna með því.
Við látum þetta duga að sinni og sendum
ykkur öllum bestu kveðjur.
Umf. Bisk.
Margrét Sverrisdóttir
Allar tryggingar GLEÐILEG
á einum stað - í traustu félagi JÓL
þökkum
w viðskiptin
VÁTRYGG11\ GAFÉIAG ÍSLANDS HF a / •
SVÆÐISSKRIFSTOFA, AUSTURVEGI 10 800 SELFOSS, SÍMI 22266 armu
Litli - Bergþór 4