Litli Bergþór - 01.06.2002, Blaðsíða 5
Hvað segirðu til?
Fréttir í þessum pistli eru frá byrjun jólaföstu og fram
í aprfl.
Skammdegisveðrið var hagstætt, hamlaði lítið ferðum
fólks og skildi ekki eftir sig jarðklaka. Febrúar var fremur
kaldur og fór frost nokkuð oft yfir 15° C, en snjór var lítill,
þó einn vondur byldagur væri og skafrenningur stundum til
óþæginda. Utmánuðimir voru fremur umhleypingasamir en
með sumarkomunni gerði nokkurt kuldakast með dálitlu
frosti um nætur og vindstrekkingi.
I mars og byrjun apríl var óstöðug veðurátta en aldrei
vont.
Menningarstarf á jólföstu var aðventusamkoma í Skál-
holtskirkju, þar sem Össur Skarphéðinsson, alþingismaður,
flutti ræðu og Skálholtskór og Barnakór Biskupstungna
sungu undir stjórn Hilmars Arnar Agnarssonar. Einnig voru
aðventukvöld í Torfastaðakirkju, þar sem sr. Sigurður
Sigurðarson, vígslubiskup, var ræðumaður og í Haukadals-
kirkju. Aðventutónleikar voru í Skálholtskirkju. Þar söng
Sönghópurinn Áttund, kennarar úr Tónlistarskóla Ámessýslu
og kórar bama og fullorðinna úr Gnúpverjahreppi, af
Skeiðum og úr Biskupstungum undir stjórn Hilmars Arnar og
Þorbjargar Jóhannsdóttur. Sophie Schoonjans lék á hörpu og
Páll Rósinkrans söng einsöng.
Messur um jól og áramót voru með hefðbundnum hætti,
þrjár voru í Skálholtskirkju frá því jólahelgin gekk í garð á
aðfangadagskvöld og fram á miðjan jóladag, hátíðarguðs-
þjónusta í Haukadalskirkju á annan jóladag og tvær slíkar á
nýársdag, á Torfastöðum og í Bræðratungukirkju og var þar
minnst 90 ára afmælis kirkjunnar. Síðan hafa verið nokkrar
bamaguðsþjónustur í Torfastaðakirkju, þar var bænastund að
kvöldi bænadags kvenna 1. mars og messur í Skálholtskirkju
flesta helga daga auk öskudagsmessu að kvöldi þess dags.
Páskamessur voru í öllum kirkjum með hefðbundnum hætti.
Síðla í janúar var haldinn svonefndur „Átaksdagur 2002 í
Biskupstungum“ í íþróttamiðstöðinni í Reykholti. Þar var
keppt í ýmsum fþróttagreinum og fengist við ýmsar þrautir,
sem Jón Arnar Magnússon, tugþrautarmaður, stjórnaði.
Þorrablót var að þessu sinni í umsjá Torfastaðasóknar. Það
var haldið að kvöldi bóndadags. Skemmtiatriði voru bæði
heimatilbúin og aðfengin og hljómsveit lék fyrir dansi. Til að
betur færi um gesti hafði verið smíðaður pallur fyrir
hljómsveit til hliðar í danssalnum en leiksvið nýtt fyrir borð á
meðan dansað var. Á samkomunni voru nær 300 manns.
I byrjun febrúar sýndu nemendur úr 8. 9. og 10. bekk
Reykhotsskóla í Aratungu kafla úr bandaríska söngleiknum
Grease. Þar léku þau, sungu, léku á hljóðfæri og dönsuðu
undir stjórn Björns Gunnlaugssonar, leikstjóra, Hilmars Arnar
Agnarssonar, tónlistarstjóra og Hólmfríðar Bjarnadóttur,
dansstjóra.
Búnaðarfélag Biskupstungna hélt árlega kvöldvöku á
Klettinum á miðjum þorra. Ásborg Arnþórsdóttir, ferðamála-
fulltrúi, sagði þar frá starfi sínu og fleiru varðandi fer-
ðaþjónustu í uppsveitum Árnessýslu og Anna Svavarsdóttir á
Drumboddsstöðum greindi frá fjallaklifri í Himalajafjöllum,
fljótasiglingum og fleiri ævintýraferðum í Nepal. Jóna Þ.
Ólafsdóttir og Sigurður Erlendsson á Vatnsleysu 3 hlutu
afrekshorn Búnaðarfélagsins fyrir snyrtimennsku á býli sínu
og félagsstörf.
Leikdeild Ungmennafélags Biskupstungna hóf í lok
febrúar í Aratungu sýningar á Deleríum búbónis, sem er
leikrit með söngvum eftir Jónas og Jón Múla Árnasyni.
Leikstjóri er Björn Gunnlaugsson.
Við lok fyrstu viku í mars kom Sinfóníuhljómsveit Islands
í heimsókn í Reykholt. Síðdegis var tónlistardagskrá fyrir
börn en um kvöldið fyrir alla. Með hljómsveitinni sungu ein-
söngvararnir Katrín Sigurðardóttir og Loftur Erlingsson og
Kirkjukór Hrunaprestakalls, Kirkjukór Stóranúps-og Ólafs-
vallasóknar, Skálholtskór, Skólakór Flúðaskóla, Barna- og
kammerkór Biskupstungna og barnakór úr Gnúpverja- og
Brautarholtsskóla. Stjórnendur þessara kóra eru Edit Molnár,
Þorbjörg Jóhannsdóttir og Hilmar Öm Agnarsson, en söng-
varar eru nær 200. Tónleikamir voru haldnir í íþróttahúsinu í
Reykholti og er talið að um kvöldið hafi verið þar rúmlega
500 gestir. Alls gætu því hafa verið nær 800 manns í húsinu.
Biskupstungur land og saga — Átthagafræði í ellefu hun-
druð ár- heitir námskeið á vegum Fræðslunets Suðurlands,
sem haldið er í Reykholtsskóla og hófst í byrjun febrúar og
er öll fimmtudagskvöld fram til 11. apríl. Þar er fjallað um
landnám, landafræði, jarðfræði, atvinnulíf, uppruna,
ættartengsl, merka einstaklinga, kirkjusögu, menningu og
sögu, þjóðsögur og sagnir, minjar, mannvistarleifar, nútíma
og framtíðarsýn í Biskupstungum. Fyrirlesarar eru 14, bæði
heimamenn og aðkomnir og um 40 nemendur.
Helstu framkvæmdir hér í sveit í vetur er endurbygging
Gullfossvegar. Hann hefur verið breikkaður mikið og væn-
tanlega verður hann klæddur olíumöl áður en langt líður á
sumar. Stöðugt er unnið að byggingu íbúðarhúsa í norðan-
verðu Reykholtshverfi.
Ekki hefur frést af neinu útigöngufé upp á síðkastið, og er
talið að Fellsfjall hafi verið hrein smalað milli jóla og nýárs.
Tvær kindur fundust milli skógræktargirðingarinnar í
Hrauntúni og Andalækjar á góu, önnur þeirra var frá
Austurhlíð en hin úr Grímsnesi og um svipað leyti komu
fjórar kindur úr Tungunum utan úr Laugardal. Þrjár kindur
fundust í Spóastaðahögum í febrúar. Þar var ær með tvo
hrúta og litu þau öll vel út.
Tófur hafa verið mikið á ferðinni um sveitina í vetur og
skilið eftir sig brautir víða þegar sporrækt hefur verið. Síðast
þegar fréttist höfðu 12 fallið við skothús fyrir ofan
Austurhlíð.
Anna Margrét Sigurðardóttir (f. 1990) í Rauðaskógi fórst í
bflslysi snemma í mars. Útför hennar fór fram í Skálholts-
kirkju, en hún var jarðsett í Bræðratungu. Halldór Ellert
Jónsson (f. 1928) bóndi í Stekkholti andaðist síðla í mars.
Útför hans fór fram frá Skálholtskirkju, en hann var jarðset-
tur á Torfastöðum.
Stefán Árnason (f. 1911) fyrrum garðyrkjubóndi á Syðri-
Reykjum II. lést í apríl. Hann hefur verið búsettur í Garðabæ
síðustu ár og var hann jarðsettur syðra.
Sigríður Lovísa Sigtryggsdóttir (f. 1918), húsmóðir í
Hjarðarlandi, lést í apríl. Útför hennar fór fram í Skálholts-
kirkju, en hún var jarðsett í Haukadal.
A. K.
Litli Bergþór 5