Litli Bergþór - 01.06.2002, Blaðsíða 9

Hreppsnefndarfréttir
Upplýsingar frá Hagstofu íslands um mannfjölda á
Islandi 2001. Þar kemur m.a. fram að íbúum í
Biskupstungum hefur fjölgað verulega annað árið í röð.
Kynnt.
Fjárhagsáætlun Héraðsnefndar Árnesinga 2002.
Samkvæmt henni er hlutur Biskupstungnahrepps 4,64% eða
kr. 1.425.000. Héraðsnefnd rekur meðal annars héraðs-
bókasafn, byggðasafn, listasafn, skjalasafn og fleira
sameiginlegt í Ámessýslu.
Samningur Biskupstungnahrepps við Landsbanka
Islands um innheimtu LI á þjónustugjöldum sveitar-
félagsins. Samningurinn er sveitarfélaginu hagstæður og
kemur til vegna aukinna viðskipta sveitarfélagsins við LÍ.
Kynntur og samþykktur.
Upplýsingar frá félagsmálastjóra um rekstur og verk-
efni félagsþjónustu í uppsveitunum 2001, starfslýsingar,
neyðarlínu vegna bamaverndarmála og fleira. Kynnt.
Upplýsingar frá ráðgjafanefnd Jöfnunarsjóðs sveitar-
félaga um að þjónustuframlag til Biskupstungnahrepps auk-
ist. Samkvæmt því aukast þær tekjur 2001, um krónur
1.784.783 frá fjárhagsáætlun. í áætluninni var gert ráð fyrir
krónum 3.708.000 en verður krónur 5.492.783.
Bréf frá Ibúðarlánasjóði um að sveitarfélagið geti á
árinu 2002 veitt viðbótarlán til einstaklinga undir
ákveðnum tekjumörkum, vegna íbúðakaupa. Kynnt.
Fundargerðir Tónlistarskóla Árnesinga frá 6. desem-
ber 2001 og 3. janúar 2002 og fjárhagsáætlun skólans fyrir
árið 2002. Þar kemur fram að rekstrarkostnaður hækkar
um 38.8% á milli áranna 2001 og 2002 sem er hækkun
launakostnaðar. Kynnt.
Fundargerð byggingarnefndar uppsveita Árnessýslu
frá 4.12. 2001, en þar lágu fyrir 11 nýjar teikningar frá
Biskupstungnahreppi sem er óvenjulega mikið á þessum
árstíma.
Tilboð í nýtt hljóðkerfi fyrir Aratungu. í framhaldi af
gjöfum í nýtt hljóðkerfi fyrir félagsheimilið gerir hreppsráð
tillögu um að keypt verið nýtt hljóðkerfi fyrir Aratungu hið
fyrsta og að gengið verði frá fjárveitingu vegna þessa við
síðari umræðu fjárhagsáætlunar 30. janúar 2002.
Samþykkt.
Erindi til hreppsnefndar vegna fjárhagsáætlunar 2002
frá fjallskilanefnd um fjárbeiðni til viðgerða á
Tungnaréttum. Samþykkt að leggja til krónur 150.000.
Bréf frá nefnd sem sér um eftirlit með fjármálum
sveitarfélaga þar sem bent er á nauðsyn þess að lækka
skuldir sveitarfélagsins. Hreppsráð vill benda á að skuldir á
íbúa hafa verið að lækka þrátt fyrir athugasemdir nefn-
darinnar. Að öðru leiti er sveitarstjóra falið að svara
nefndinni.
Beiðni um styrk til dagskrárgerðar í Útvarpi
Suðurlands þar sem verið er að taka fyrir kynningu á byg-
gðalögunum á Suðurlandi. Samþykkt þátttaka að fjárhæð
krónur 12.500.
Samþykkt að fela sveitarstjóra að bjóða íbúum uppá
viðtalstíma til að hægt sé að koma með ábendingar vegna
fjárhagsáætlunar 2002. Sveitarstjóri mun auglýsa opinn
viðtalsdag 24. janúar n.k.
Erindi frá Sigríði Jónsdóttur og Sævari Bjarnhéðins-
syni frá 31. desember 2001 um að tekin verði landsspilda
úr landbúnaðarnotkun. Hreppsráð leggur til við hrepps-
nefnd að spilda 1.687,5 m2 undir íbúðarhús verð tekin úr
landbúnaðarnotkun og skilgreind sem íbúðarhúsalóð og
verði nefnt Gýgjarhólskot III.
Fundargerð fræðslunefndar frá 10.12. 2001, kynnt og
samþykkt. Samþykkt að ráða stuðningsfulltrúa að
skólanum fyrir vorönn 2002 og verður kostnaður vegna
þess settur inní fjárhagsáætlun 2002.
Hreppsráðsfundur 23. j’anúar 2002.
Farið yflr fjárhagsáætlun 2002 vegna síðari umræðu
sem verður í hreppsnefnd 30. janúar 2002. Gerðar voru
nokkrar breytingar á fyrirliggjandi drögum. Drögin verða
send út með gögnum til hreppsnefndar. Stefnt er að því að
leggja fram fjárhagsáætlun næstu þriggja ára 2003-2005 á
fundi hreppsnefndar.
Lagðir fram minnispunktar vegna heimsóknar
umdæmisstjóra og rekstrarstjóra Vegagerðarinnar á Selfossi
22. janúar 2002. Kynnt.
Hreppsnefndarfundur 30. janúar 2002.
Fjárhagsáætlun Biskupstungnahrepps 2002, síðari
umræða. Fjárhagsáætlun Biskupstungnahrepps fyrir árið
2002 hefur verið unnin í samvinnu og samráði við
forstöðumenn og stjórnendur sveitarfélagsins. íbúum var
boðið að koma tillögum og athugasemdum til hrepps-
nefndar vegna fjárhagsáætlunar þann 24. janúar s.l.
Samkvæmt fjárhagsáætluninni verða skatttekjur
Biskupstungnahrepps 2002, krónur 146.569.000. eða rúm-
lega 11% hærri en rauntölur ársins 2001. Álagningarhlutfall
útsvars verður 12,96%. Fjölgun fasteigna og tæp 10 %
fjölgun íbúa í sveitarfélaginu á árinu 2001 er hluti
skýringar á tekjuaukningu á milli ára. Útgjöld við rekstur
málaflokka eru áætluð um 79% skatttekna eða krónur
115.218.000. Þar af fara í rekstur grunnskóla krónur
68.332.000 eða um 47% skatttekna. Til afborgunar skulda
fara krónur 20.000.000 og í vexti og verðbætur krónur
8.997.000. Fjárfestingar á árinu 2002 verða krónur
15.674.000.
Gert er ráð fyrir endurgreiðslu vegna vatnsveitufram-
kvæmda frá árinu 2001 krónur 16.000.000.
Fjárhagsáætlun fyrir árið 2002 var samþykkt samhljóða
og undirrituð af hreppsnefndarmönnum.
Ákvörðun um sameiningu sveitarfélaga,
Biskupstungnahrepps, Laugardalshrepps og Þingvalla-
hrepps. Hreppsnefnd samþykkir sameiningu Biskups-
tungnahrepps við þau tvö sveitarfélög sem einnig sam-
þykktu sameiningu viðkomandi sveitarfélaga í almennri
kosningu, 17. nóvember 2001 í samræmi við 91. gr.
sveitarstjórnarlaga nr. 45/1998. Hreppsnefnd telur að með
sameiningu sveitarfélaganna verði til ný sóknarfæri með
sterkari stjórnsýslu í stærri heild. Möguleikar aukast á betri
nýtingu fjármuna og uppbyggingar í nýju sveitarfélagi.
Það samstarf sem verið hefur á milli viðkomandi sveitar-
félaga er staðfest með sameiningunni. í ljósi vaxandi
rekstrarkostnaðar sveitarfélaga verða þau að leita leiða til
hagræðingar m.a. með aukinni samvinnu. Framundan eru
Litli Bergþór 9