Fréttabréf Ættfræðifélagsins - 01.01.2007, Blaðsíða 6

Fréttabréf Ættfræðifélagsins í janúar 2007
Guðfinnur Jón Björnsson
(1870-1942) bóndi
í Litla-Galtardal á
Fellsströnd. Fæddur á
KoIIsá í Strandasýslu.
Fluttist fjögurra ára á
Fellsströndina.
Ólafur Björnsson (1873-
1904) bóndi á Melum á
Skarðsströnd. Ólafur
þótti mjög líkur Birni
föður sínum.
Guðfinns, hafði heldur ekki farið troðnar slóðir.
Fyrri maður hennar var 33 árum eldri en hún. Sá hét
Finnur Finnsson og hafði verið lausamaður fram á
sjötugsaldur. Þau giftu sig og fóru að búa áLitla-Bakka
og áttu saman einn son sem var hálfbróðir Guðfinns.
Hann hét Finnur, oft kallaðu „Finnur gamli“ á Fitjum
og varfæddur 1813, þá var Steinunn 33 ára ogFinnur
maður hennar 67 ára. Finnur, maður Steinunnar, dó
76 ára þegar sonur þeirra var aðeins 9 ára. Þá var
hjá þeim vinnumaður að nafni Helgi Björnsson,
tíu árum yngri en Steinunn. Þau giftust og áttu tvo
syni, Guðfinn langalangafa og Gísla. Það munaði
því 43 árum á fæðingardögum eiginmanna hennar!!
Og Helgi blessaður, vinnumaðurinn góði, faðir
Guðfinns langalangafa, var nú aldeilis ekki við
eina fjölina felldur. Hann átti fimm börn með þrem
konum auk Steinunnar. Eitt fyrir hjónaband, tvö í
hjónabandinu framhjá og eitt í seinna hjónabandi
sínu, eftir að hann missti Steinunni. Hann átti son-
inn Jón, sama ár og hann átti Guðfinn, sá var líka
fæddur á Litla-Bakka aðeins þrem mánuðum á
undan Guðfinni. Svo koma synir þeirra Steinunnar;
Guðfinnur og Gísli. Síðan á hann tvo drengi með
Bóthildi nokkurri en hún var vinnukona á Litla-
Bakka hjá þeim Steinunni. Þeir hétu Jósafat og
Helgi báðir fæddir á Litla-Bakka. Ári eftir að
Steinunn deyr giftist Helgi aftur. Sú hét Guðrún
Guðmundsdóttir og var 34 árum yngri en hann. Þau
áttu einn son, Guðmund. Þá var Helgi um sextugt. En
aðeins tveim árum síðar deyr Helgi. Já, það hefur svo
sannarlega verið fjör í baðstofunum eða að húsabaki
hér áður fyrr.
Barna-Steinn
Ekki var ástandið betra hjá honum langalangalangafa
mínum honum Barna-Steini sem átti að minnsta
kosti 23 börn með átta konum. Jóhanna Hólmfríður,
langalangamma mín, kona Guðfinns Helgasonar,
var dóttir Barna-Steins Sigfússonar Bergmanns frá
Ægissíðu á Vatnsnesi. Hún þótti fjörug og mikil
myndarkona og geysilegur göngugarpur þótt hún
væri stutt og digur. Einar á Hróðnýjarstöðum átti
einhverju sinni að fylgja henni frá Svalhöfða í
Laxárdal og út að Vogi á Fellsströnd og átti hann
fullt í fangi með að hafa við henni. Hún lést 70 ára
að aldri 10. apríl 1899, fékk slag þar sem hún stóð í
eldhúsinu í Vogi hjá dótturdóttur sinni og nöfnu og
malaði kaffi.
Guðfinnur afi minn skrifar í dagbókina sína 10.
apríl 1899: „Amma mín dó í dag. Ég fann hana
þegar ég kom heim úr Hólminum og gaf henni kaffi,
sykur og rjól og var hún þá vel frísk og ánægð“.
Svo skrifar hann nokkrum dögum síðar: „Út að Vogi
og var þar við þegar amma sálaða var kistulögð“.
Björg Magnúsdóttir, ljósmóðir frá Túngarði, fóstra
móður minnar, var 11 ára þegar þetta gerðist. Hún
sagðist muna vel eftir því þegar hún gekk með
Soffíu mömmu sinni á ísnum fyrir framan Vog á leið
frá Arnarbæli að Kjarlakstöðum og mamma hennar
sagði að nú yrðu þær að tala lágt því Hólmfríður lægi
á líkbörunum. Björg hafði þá nýlega fylgt Hólmfríði
frá Arnarbæli og upp að Vogi, þá var hún mjög em
og hress en bogin og útslitin í ellinni.
Hver á sína sögu
Já, þannig átti hver af þessum nýju Breiðfirðingum
sína sögu af Norðurlandinu; Guðfinnur og Jóhanna
Hólmfríður, Olafur og Ingibjörg. Og öll áttu þau
það sameiginlegt að flytjast á eftir börnunum sínum
í nýjan landshluta í leit að betra lífi, fjarri ógnum
hafíss og kulda. Það átti ekki fyrir þeim Guðfinni
og Jóhönnu Hólmfríði að liggja að fara aftur norður
enda lítið þangað að sækja. Einkadóttirin Agnes
þurfti þeirra með, með öll sín börn, enda ekkja á
miðjum aldri, þá ófrísk að 15. barninu sínu. Og hún
og Björn maður hennar sýndu foreldrum sínum svo
sannarlega ræktarsemi og skírðu börnin sín í höfuðið
á þeim: Guðfinnur, Hólmfríður, Olafur og Ingibjörg.
Olafur kann að meta nöfnin og vefur þeim inn í
vísur til barna sinna og barnabama:
Um Ingibjörgu, sonardóttur sína, sem ber nafn
Ingibjargar konu hans, yrkir hann:
Gengur fjörg á gœfustig,
gœði mörg fram býður.
Augu förguð yndislig,
Ingibjörg Kristfríður.
http://www.vortex.is/aett
6
aett@vortex.is