Foreldrablaðið - 01.01.1968, Page 40

Fyrir þrjátíu árum
Framhald af bls. 12
un. Ekki orðakunnátta, heldur geta í
verki.
---------Nýju skólastefnunni er það
ljóst, að börnin eru verur í sköpun,
mótun, vexti, að þau búa yfir miklum
hæfileikum, óljósum og blundandi, og
þessa hæfileika þarf að finna, vekja og
veita þeim tækifæri og hvöt til stæl-
ingar. Hlutverk skólastarfsins er líkt og
hliðstætt þeim æfingum, sem íþrótta-
maður iðkar til að verða fær í íþrótt
sinni. Við æfinguna stælast vöðvar hans,
og hann æfist í að beita réttum vöðvum
til hverrar hreyfingar, en með því nær
hann valdi yfir líkama sínum og eykur
afkastagetu hans. Slíkar æfingar fyrir
anda og líkama nemandans og alls hæfi-
leika hans telur nýja skólastefnan skóla-
starfið eiga að vera. Af því leiðir, að
nemandinn verður sjálfur að vera að
verki en ekki aðgerðalítill viðtakandi
þess, sem í hann er troðið. íþróttamað-
urinn stælist ekki af því að heyra um
íþróttatækni né að sjá hana, heldur af
því, sem hann gerir sjálfur — sjálfri
áreynslunni
Nýja skólastefnan leitast við að veita
nemendum sem fjölþættust tækifæri til
starfs í skólanum. Hún vill láta huga
og hönd vinna saman að því að brjóta
til mergjar viðfangsefnin í tilverunni
kringum barnið. Nýju skólarnir láta
börnin fá efni til rannsóknar, og þá
gjarna efni, sem draga að sér hugi
þeirra og áhuga. Börnin fá að nota bæk-
ur og önnur tæki til rannsóknarinnar.
Og ávöxtur rannsóknarinnar kemur sýni-
lega í ljós í teikningum, ýmiss konar
handavinnu og rituðu máli, sem börnin
afkasta.
Börnin eru þarna að verki, sem hefur
tilgang og takmark í sjálfu sér eins og
hvert annað starf. Þau njóta vinnugleði,
áhuga og sköpunargleði við að framleiða
sýnilega hluti. Þeim festist ósjálfrátt í
minni það, sem minninu þykir vert að
geyma og gerist í eðlilegu hversdagslífi,
og er að því leyti engu glatað af kostum
lexíunámsíns. En þau fá að auki amn-
ingu og leikni í að leita og finna, rann-
saka og vinna, vega og meta staðreyndir,
greina aðalatriði frá aukaatriðum, nota
bækur og beita kunnáttu sinni í lestri,
skrift og reikningi í lifandi lífi. Slík
leikni er hverjum nútímamanni megin-
nauðsyn.“
— Um orðið „móðir“ leikur að vísu
alltaf mikil og fögur birta. En um orðin
„móðir mín“ andar ,,sá hlýi blær, sem
til hjartans nær“, sem ekki er unnt að
lýsa fyrir óviðkomandi mönnum, held-
ur aðeins að finna í sjálfs sín sál, muna,
geyrr.a og þakka.
-----Hins vegar er mér að verða það
æ ljósara, eftir því sem árin færast yfir,
hvílík höfuðnauðsyn það er, bæði líkam-
legri og andlegri heilsu og þroska, að
eiga hljóðar stundir í einveru, næði og
kyrrð. Það grær sjaldan mikið í stormi,
og hraðinn er ekki einhlítur til þess að
ná settu marki. Og í hávaðanum og
glaumnum er maðurinn tíðum á hröð-
um flótta frá sjálfum sér.
Sveinn Víkingur: Myndir daganna I.
RÁÐNING á myndagátu, bls. 27:
Umferðaskólinn ungir vegfarendur.
38 FORELDRABLAÐIÐ