Árbók VFÍ/TFÍ - 01.06.2006, Side 28

Rýni2005
TFI hefur undanfarin sjö ár skipulagt námsferðir erlendis fyrir tæknifræðinga og verk-
fræðinga undir nafninu Rýnisferðir. Rýni 2005 var farin 13.-18. september 2005 til
Bretlands. Þátttakendur í ferðinni voru 48 og eru þá makar taldir með. Flogið var til
Glasgow og gist í Edenborg. Síðan var ekið til Liverpool með viðkomu í Newcastle,
Millennium Bridge og The Angel skoðuð. Daginn eftir var fyrirtækið Alumac heimsótt og
farið á alþjóðlega vörusýningu. Frá Liverpool var haldið til London með viðkomu í
Birmingham. I London var ýmislegt skoðað en markverðastar teljast þó flóðlokurnar.
Þreyttir en ánægðir eftir enn eina vel heppnaða Rýnisferð komu ferðalangar heim að
kvöldi 18. september.
Viðurkenningar TFÍ til nemenda HR
Tæknifræðingafélag íslands veitti í janúar 2006 eins og undanfarin ár viðurkenningu fyrir
lokaverkefni tæknifræðinema sem þykja skara fram úr fræðilega og í framsetningu.
Dómnefndin er skipuð formanni og varaformanni félagsins ásamt formanni menntunar-
nefndar TFÍ. Við mat á lokaverkefnum nemenda eru höfð að leiðarljósi nokkuð aðrar
áherslur en þær sem lagðar eru til grundvallar við mat skólans á þeim. Þau atriði sem
dómnefndin leggur áherslu á eru:
1. Verkefnið taki mið af íslensku þjóðfélagi og staðháttum og að lausn verkefnisins sýni
að viðkomandi búi yfir umtalsverðri verkþekkingu.
2. Lausn verkefnisins sýni að viðkomandi nemandi hafi náð tökum á hinum fræðilega
hluta námsins.
3. Lausn verkefnisins sé sett fram skipulega og greinilega.
4. Nýmæli við lausn verkefnisins.
Að þessu sinni voru það 39 lokaverkefni sem lögð voru fram. Ljóst er að mikil og skipu-
lögð vinna liggur að baki hvers verkefnis svo erfitt var að gera upp á milli þeirra. Það var
álit nefndarinnar að veita skyldi fimm verkefnum sérstaka viðurkenningu að þessu sinni.
Öll verkefnin báru glöggt vitni um kosti tæknifræðinámsins, þar sem nemendum er gefið
svigrúm til frjálsrar sköpunar sem leiðir til hagkvæmari og einfaldari lausna, sem síðan
eru útfærðar með stærðfræði og teikningum þar til endanleg niðurstaða fæst. Þessar
vinnuaðferðir leiða oft til byltingakenndrar nýsköpunar sem eykur hagræði í vinnu-
ferlum, gæði vörunnar og hagnað fyrirtækja.
Veittar voru eftirtaldar viðurkenningar
Verkefni Ólafs nefnist „Forsteyptar veggeiningar - Notkun á trefjum í veðrunarkápu".
Það fjallar um aðferðir til að styrkja útveggeiningar með trefjum og minnka þannig
járnabindingu þeirra ásamt því að hægt er að þynna eininguna og nota þannig minni
steypu.
Verkefni Guðbjarts Jóns Gunnarssonar nefnist „Um notkun trefja í burðarkerfi
veðrunarkápu forsteyptra útveggjaeininga". Það fjallar um ákvörðun á trefjamagni í
stað hefðbundinnar járnabindingar í veðrunarkápu eininganna.
Verkefni Björgvins Óskars Sigurjónssonar nefnist „Léttar útveggjaeiningar úr stáli".
Það fjallar um notkun stálprófíla í léttum útveggjaeiningum.
Verkefni Halldórs Gunnars Daðasonar nefnist „Geca einingahús - Hönnun -
Burðarþol og byggingafræðilegar lausnir". Það fjallar um hönnun einbýlishúss úr
sementsbundnum Geca einingum. Það sem er sameiginlegt með þessum fjórum verk-
2 6 | Á r b ó k VFl/TFl 2 0 0 6