Árbók VFÍ/TFÍ - 01.06.2006, Page 196

Eftir langan útboðsferil, þar sem endurtaka varð útboðið í hinu erfiða umhverfi á
Balkanskaga, var samið um ofannefndar framkvæmdir við fyrirtækið Granit frá
Makedóníu sem hefur langa reynslu á þessu sviði og hefur verktakinn staðið sig vel það
sem af er verktíma.
Helstu upplýsingar:
Jarðvegsskipti:
Malbik:
Kostnaður:
Verktími:
65.000 rúmmetrar
120.000 tonn
16 millj. evrur
júní 2006 til ágúst 2008
Gerð 11 km vegar og girðingar umhverfis flugvöllinn
Til að uppfylla kröfur um flugvernd skal alþjóðlegur flugvöllur girtur mannheldri 2,4 m
hárri girðingu. A Pristinaflugvelli verður girðingin 11 km að lengd umhverfis flugvallar-
svæðið. Girðingin verður einnig að vera þannig gerð að ferfætlingar eins og úlfar og
lausir hundar, sem eru algengir í Kosovo, geti ekki skriðið undir hana. Girðingin er því
hönnuð þannig að 50 sm af neðsta hluta hennar eru beygðir lárétt innan girðingar og
jarðvegur settur yfir.
Hluti af 11 km langri girðingu og eftirlitsvegi
umhverfis flugvallarsvæðið.Vegstæðið er að
verða tilbúið undir malbikun.
í verkinu verður gerður vegur innan og meðfram
girðingunni fyrir eftirlitsbifreiðar sem farið er á
reglulega umhverfis flugvöllinn af öryggisástæðum.
Það eru einkum þjófnaður og skemmdarverk sem
hafa átt sér stað. Eftirlitsveginum er einnig ætlað að
geta borið þungar slökkvibifreiðar til björgunar, ef
flugslys verður við flugvöllinn. Vestan megin flug-
vallar er vegurinn 8,5 m breiður og malbikaður og
þjónar hann einnig sem almennur tengivegur milli
bygginga. Austan megin er vegurinn 4 m breiður
malarvegur.
FMS tók við umsjón með verkinu af UNMIK, þegar
það var komið í framkvæmd. Hönnunargögn og
samningur reyndist gallaður og sömuleiðis verk-
takinn sem hafði verið valinn. Svo fór að farið var
eftir tilmælum FMS, þannig að verktakasamn-
ingnum var rift og verkið boðið út aftur með
endurskoðuðum hönnunargögnum. Gerður var
samningur við verktaka frá Kosovo sem sá um
uppsetningu girðingarinnar og gekk verkið mjög vel
og var afhent í nóvember 2006. Makedónska
fyrirtækið Granit vinnur að þeim vegahluta sem
verður malbikaður og gengur það verk einnig
ágætlega. Malarvegurinn verður boðinn út um
áramótin. Heildarkostnaður verksins er 3,5 milljón
evrur og verktími er áætlaður frá júlí 2006 til maí
2007.
194, Árbók VFl/TFl 2006