Neytendablaðið - 01.10.2001, Blaðsíða 24

Fróðleiksmolar um
umhverfismerki
Aðalmarkmiðið með umhverfismerkjum er að auðvelda neytend-
um að velja umhverfisvænar vörur. Segja má að umhverfis-
merki séu tæki í umhverfisstefnu sem aðhæfð er markaðskerf-
inu. í þeim fléttast saman samkeppnis- og umhverfissjónarmið.
Umhverfismerkin eru ,mjúk‘ eða jákvæð verkfæri í umhverfis-
stefnunni, þar sem þau byggjast ekki á boðum eða bönnum hins
opinbera heldur er framleiðendum í sjálfsvald sett hvort þeir
merkja vöru sína, rétt eins og neytendum er frjálst hvort þeir
taka umhverfisvænar vörur fram yfir aðrar. Til þess að um-
hverfismerkingar séu trúverðugar og neytendur geti treyst því
að þær þjóni sínum tilgangi eru þær í umsjá opinberra stofnana
sem geta vottað að gerðar séu strangar kröfúr um umhverfisálag
vörunnar og sjá um að aðeins þeir sem standast þessar kröfur
fái að bera viðkomandi umhverfismerki. Hér á eftir eru þau um-
hverfismerki sem helst má búast við að finna á vörum hér á
landi.
Umhverfismerkið
Svanurinn
Umhverfismerkið Svanurinn er sam-
vinnuverkefni Norðurlanda, og Norræna
ráðherranefndin kom því á fót 1989. Hér
á landi fást ýmsar vörutegundir sem bera
merkið, t.d. einnota batterí frá Duracell,
Tudor og Varta, hleðslubatterí frá GP
Mobicell, Champion og fleirum, eldhús-
og salemispappír, sláttuvélar frá sænska
fyrirtækinu Stiga, prentpappír og margt
fleira. I næsta Neytendablaði verður ýtar-
legri kynning á þeim vörum sem em með
Svaninn, norræna umhverfismerkið.
Blái engillinn
(DerBlaue Engel)
Þjóðverjar byrjuðu með þetta umhverfis-
merki árið 1978, og er það á vegum um-
hverfisráðuneytisins þar í landi. Alls eru
um ljögur þúsund vörutegundir merktar
með bláa englinum og eru þær vörur sem
merkið bera mjög fjölbreytilegar. Þar má
nefna ýmsar vömr úr endumnnum papp-
ír, gleri (byggingarefni) og plasti, sólar-
sellur, kvikasilfursfría hitamæla, slökkvi-
tæki og margt fleira. Ekki fæst nema lít-
ill hluti þessara vara hér á landi, en þó
má finna möppur frá Leitz merktar engl-
inum í íslenskum verslunum, sem og sal-
emis- og eldhúspappír og prentpappír.
Bra Miljöval
Bra Miljöval er umhverfismerki á vegum
sænsku umhverfisvemdarsamtakanna
Naturskyddsforeningen. Hér á landi fást
margar vömr merktar með Bra miljöval,
aðallega þó þvottaefni og uppþvotta- og
hreingemingarlegir.
Evrópublómið
Blómið er umhverf-
ismerki Evrópusam-
bandsins. Hér á
landi fæst ein tegund
málningar með
Blóminu.
Heimasíða Neytendasamtakanna
Á heimasíóu Neytendasamtakanna, www.ns.is, er aó finna margan mikilvægan fróóLeik
fyrir neytendur. Þar eru meðal annars uppLýsingar sem skipta máLi í vióskiptum neytenda
við seLjendur vöru og þjónustu, um rétt neytenda og Leiðbeiningar um hvernig þeir ná
þeim rétti. Auk þess er þar aó finna fróðLeik um fjöLmargt annaó sem getur hjáLpaó okk-
ur bæói við vaL á vörum og þjónustu og í samningum vió seLjendur.