Neytendablaðið - 01.03.2004, Blaðsíða 11

flfM?forfiiðáMU
Islendingar hafa verið snöggir að tileinka
sér rafrænan greiðslumáta, enda er hann
mjög þægilegur kostur. Debetkortin eru
vinsæll greiðslumáti en helsti gallinn við
þau eru færslugjöld við hverja færslu.
Reyndar hefur KB banki lækkað færslu-
gjöld um helming og er það vel, og eins
er ókeypis að taka út úr hraðbönkum og
ættu neytendur að notfæra sér það.
IHvað kreditkortin varðar felst kostnaður
neytandans nær eingöngu í árgjaldinu
sem er mishátt eftir eiginleikum korts-
ins. Margir hafa fundið kreditkortunum
helst til foráttu að þau ýti undir neyslu
og skuldasöfnun. Aðrir benda á að þetta
sé fyrst og fremst spurning um að hafa
stjórn á fjármálunum og það sé ekki
greiðslumátinn sem slíkur sem ýti und-
ir skuldir. Fylgismenn kreditkorta benda
enn fremur á að kreditkortaúttektir séu.
í raun vaxtalaust lán, því vara sem keypt
er í dag er ekki greidd fyrr en um næstu
eða þar næstu mánaðamót. Forsendan
fyrir því er þó að viðkomandi eigi pen-
inga sem hægt er að ávaxta þar til reikn-
ingurinn kemur.
Kreditkort meö innistæöu
Hvað sem öðru líður eru rafræn viðskipti
komin til að vera og nú hefur enn ein
kortategundin bæst í hópinn. Það eru
svokölluð plúskort sem eru kreditkort
með innistæðu. Kortið virkar þannig að
korthafi leggur inn ákveðna upphæð
sem síðan dregst frá kortinu þegar það
er notað. Korthafi verður því að eiga
fyrir kaupunum ólíkt því þegar notað er
almennt kreditkort.
Korthafi getur lagt inn á kortið í heima-
banka eða í banka og ræður sjálfur
hversu háar upphæðirnar eru. Korthafi
fær síðan sent yfirlit í lok hvers mánaðar.
MasterCard-Kreditkort hf. senda yfirlit
til korthafa honum að kostnaðarlausu
en Visa ísland tekur 95 krónur í útskrift-
argjald.
Öruggur greiÖslumáti á netinu
Þegar MasterCard-Kreditkort hf. hóf út-
gáfu á plúskortum í október 2002 var
hugmyndin á bak við þau meðal annars
sú að koma til móts við fólk sem vegna
vanskila eða annarra ástæðna nýtur ekki
lánstrausts. Oft þarf fólk að gefa upp
kreditkortanúmer eins og á bíialeigum
og við bókun gistingar, og við þannig að-
stæður er hægt að nota plúskortin enda
eru þau að nær öllu leyti eins og hin al-
mennu kreditkort.
Netverjar gripu þessa nýjung á lofti enda
komust þeir fljótlega að því að plúskortin
eru tilvalinn greiðslumáti þegar verslað
er á netinu. Með því að leggja einungis
þá upphæð sem verslað er fyrir inn á
kortið er engin hætta á að kortið verði
misnotað. Eins er vaxandi hópur fólks
sem er illa við að skulda en vill gjarnan
nota rafrænan greiðslumáta án þess að
borga fyrir hverja færslu.
Bæði MasterCard-Kreditkort hf. og Visa
ísland bjóða upp á plúskort í dag og að
sögn fyrirtækjanna hafa viðtökur verið
góðar, sérstaklega miðað við það að kort-
in hafa lítið verið auglýst.
SMS-þjónusta
MasterCard-Kreditkort hf. bjóða plús-
kortshöfum ókeypis SMS-þjónustu sem
felst í því að korthafi getur fengið skila-
boð um leið og innlögn berst á kortið
sem og upplýsingar um heildarstöðuna.
Eins geta korthafar fengið SMS-skeyti
þegar verslað er án segulrandar sem þýð-
ir að kortið sjálft er ekki straujað heldur
fer greiðsla fram símleiðis eða á netinu.
Þannig getur korthafi fylgst með því að
ekki sé verið að misnota kortið.
Á heimasíðu MasterCard-Kreditkort hf.
segir að SMS-þjónustan sé ókeypis fyrir
korthafa til að byrja með. Það er alltaf
ánægjulegt þegar bankar og fjármála-
fyrirtæki sleppa viðskiptavinum sínum
við þjónustugjöld og vonandi að þessi
þjónusta verði ókeypis sem lengst. Eins
erástæða til að hrósa MasterCard-Kredit-
kort hf. fyrir að senda ókeypis yfirlit til
viðskiptavina sinna. Það er varla hægt að
finna það fyrirtæki í dag sem rukkar ekki
viðskiptavinina fyrir að senda reikning
eða yfirlit. Seðilgjaldið á hverjum reikn-
ingi er kannski ekki hátt, en safnast þeg-
ar saman kemur.
Ekkjumaður dregur
L'Oréal fyrir dóm
Narinder Devi frá Birmingham lést stuttu
eftir að hún hafði litað hár sitt. „Við telj-
um okkur nú geta sannað beint samband
milli notkunar á hárlitnum og dauða
konunnar," segir lögmaður fjölskyldunn-
ar. Hún lést 25. ágúst 2000 fyrir augum
þriggja barna sinna. Nú hefur eiginmað-
urinn stefnt L'Oréal og krafist u.þ.b. 80
milljóna fyrir hönd barna sinna. Ónæm-
isfræðingurinn, dr. Richard Pomphrey á
St. Mary sjúkrahúsinu í Birmingham, sem
rannsakaði dauðdaga konunnar, fullyrðir
að það sé „ákaflega sennilegt" að konan
hafi látist af anafylaktískum viðbrögðum
við hárlitnum. Það sem vegur þyngst við
þetta mál er að geta staðfest ábyrgð fram-
leiðanda hárlitarins og gera hann skaða-
bótaskyldan. L'Oréal hefur nú þegar
greitt fjölskyldunni u.þ.b. 20 milljónir en
tekur fram að það sé ekki viðurkenning á
ábyrgð á dauðsfallinu.
NEYTENDABLAÐIÐ 1.TBL. 2004 11