Skátinn - 01.02.1970, Blaðsíða 5

álfaheitið, önnur með ljósálfalögin og sú
þriðja með kjörorð ljósálfa, það er að sjálf-
sögðu skipt um stúlkur á hverjum fundi í
þetta atriði.
Síðan er farið að kenna þeim söngva,
leiki og verkefnin úr ljósálfabókinni, einnig
er sungið og þær teikna líka oft eftir sögum,
sem við segjum þeim, farið er í spurninga-
keppni o. fl.
Slitin fara fram á þann hátt, að við syngj-
um saman Tendraðu lítið skátaljós og för-
um að lokum með Faðir vor.
Blm.: En hvernig með útifundi?
Þœr: Það fer nú fram á ýmsan hátt, t. d.
fórum við síðast niður að tjörn og gáfum
öndunum brauð, síðan fórum við upp í
Þjóðminjasafn og skoðuðum það og oft er
svo farið í leiki á eftir á sléttri flöt.
Blm.: Hvað með eitthvað nýstárlegt, sem
ekki er kannski algengt meðal skáta nú í
dag.
Þær: (Eftir dálilta umhugsun.) Kannski
þú teljir það nýstárlegt, að allir Ægisbúar
ætla að fara á skauta í Skautahöllinni nú
um helgina?
Blm.: Jú, ég tel þetta vissulega nýtt a. m.
k. fyrir þá, sem ekki hafa Skautahöll til að
fara í. En hvað um Landsmótið í sumar,
haldið þið að ljósálfarnir og ylfingarnir fái
að fara á það eða að heimsækja það ein-
hvern dag?
Þær: Við vitum það nú ekki enn, en telj-
um það sennilegt, þar sem að þau fengu að
heimsækja Landsmótið 1966 og á Botns-
dalsmótinu var leyft að ljósálfar og ylfing-
ar dveldu á því móti.
Blm.: Eg þakka ykkur kærlega fyrir, en
hadið þið að ég mætti tala við einar tvær,
þrjár stúlkur áður en ég fer?
Þœr: Þakka þér sömuleiðis, og það er al-
veg sjálfsagt, bíddu aðeins.
Og um leið hurfu þær úr augsýn þessar
blómarósir höfuðstaðarins, en ekki leið á
löngu þar til birtist ein rósin enn, hún var
töluvert yngri að sjá, en samt nokkuð snagg-
araleg og ákveðin á svip.
Blm.: Komdu nú sæl, viltu ekki segja mér
hvað þú heitir og livenær þú varðst ljós-
álfur?
Hún: Eg heiti Ruht Melsted og er 10 ára
gömul og á heima á Nesvegi 61.
Blm.: Finnst þér ekki reglulega gaman
að vera ljósálfur?
Rulit: Jú.
Blm.: Alveg viss.
Ruht: Já.
Blm.: Jæja, en hvað er það skennntileg-
asta sem þú manst eftir?
Hún: (Án þess að hika.) Það er lang
skemmtilegast að fara í skrúðgönguna á
Sumardaginn fyrsta.
Blm.: Hvaðan gangið þið og hvert farið
þið.
Hún: Við förum frá Hallgrímskirkju og
löbbum upp í Háskólabíó til að vera við
skátaguðsþjónustu.
Blm.: IJvernig gengur þér með verkefn-
in í ijósálfabókinni og hvað ertu komin
langt með þau?
Hún: Eg veit ekki, en ég er að verða bú-
in með II. stjörnu.
Blm.: Þá finnst mér þú bara vera dugleg,
og þakka þér nú vel fyrir.
Næsta kom strax á eftir.en nokkuð hik-
andi. Hún kvaðst heita Ingibjörg Öskars-
dóttir og vera 10 ára, bætti síðan við: Eg er
systir hennar Guðfinnu.
Blm.: Jæja, Ingibjörg, er ekki gaman að
vera ljósálfur?
Hún: Jú, og alveg sérstaklega gaman þeg-
ar við fáum að teikna.
Blm.: Er þá lang skemmtilegast að
teikna?
Hún: Já, og líka er gaman að spurninga-
keppnum.
Blm.: Þú veizt, að það er Landsmót í
sumar, langar þig ekki á það?
Hún: Jú, mig langar á það.
Blm.: Manstu ekki eftir einhverju
skemmtilegu, sem þið hafið útbúið á fund-
um?
Hún: Jú, við erum nú að búa til fiska-
SKÁTINN — 5