Skátinn - 01.02.1970, Page 16

Matur í
álpappír
Mat skal vel fram bera.
Þangað til þú hefur borðað mat, sem hef-
ur verið eldaður í álpappír, þá hefur þú
raunverulega ekki borðað. Reyndu það
næst þegar þú ferð í útilegu. Að elda mat í
álpapPír er hægur vandi og þetta lieita, ljúf-
fenga fæði, er ólýsanlega bragðgott.
Annað gott við það er, að ekki þarf að
þvo neina diska á eftir, ef borðað er beint
úr pappírnum. Langflestar matartegundir
getur þú vafið í pappír heima hjá þér, svo
að þú lendir ekki í tímahraki.
Það er hezt að hafa pappírinn tvöfaldan,
svo að hann rifni ekki. Undirbúðu og lag-
aðu matinn eins mikið og þú getur heima
hjá þér. Fyrir það sem þú getur ekki undir-
búið heima, þá skerðu mátulegt stykki af
álpappír og brýtur saman lauslega, taktu
ekki alla rúlluna með þér. Eldurinn er mjög
þýðingarmikill í sambandi við matreiðsl-
una. Allar eftirfarandi upPskriftir eiga að
vera eldaðar yfir glóð. Leyfðu eldinum að
brenna út svo að hann verði að glóðarfleti.
Yttu glóðunum frá miðjunni og settu svo
matinn sem vafinn er í álpappír í miðjuna
og ýttu glóðunum aftur yfir.
Fyrsta uppskriftin heitir Fyrirtaks steik.
Þú tekur beinlausan kjötbita, svona 1—2
cm. á þykkt. Tkur ferkantaðan álpappír og
setur smávegis smjör á miðjuna og eina
teskeið af pakka-lauksúpu og 1/4 teskeið
af rauðum pipar ef hægt er. Settu svo kjöt-
bitann yfir þetta. Breiddu svo aðra teskeið
af lauksúpu yfir og settu smávegis smjör
ofan á og stráðu svo salti og piPar yfir.
Helltu að lokum rjóma-sveppasúpu úr dós
yfir og lokaðu álpappírnum. Brjóttu end-
ana með tvöföldu broti, snúðu svo brotunum
upp, til þess að vökvinn renni ekki út. Gættu
þess vel, að öll fjögur hornin séu vel lokuð.
Eldað í 40—50 mínútur við hægan hita.