blaðið - 22.07.2005, Blaðsíða 21

blaöiö FÖSTUDAGUR 22. JÚLÍ 2005
KONUR I 21
í öðruvísi frí.“ Edda segir að konurn-
ar öðlist einmitt ákveðið sjálfstæði
og kjark „ekki vegna þess að við
erum að segja þeim að drífa sig og
gera allt sem þær hafa ekki þorað að
gera áður heldur vegna þess að við
erum að ræða þetta frá a til ö.“ Með
glettni í röddinni segist Helga Braga
einmitt sjá um kynlífsdeildina. „í
Berlín fórum við í kynlífsbúðir. Ég
er dóninn, ekki Edda.“ Edda tek-
ur undir það og segist vera ægileg
pempía. Helga heldur áfram og seg-
ir að: „Nokkrar höfðu aldrei farið í
kynlífsbúð og þetta var eins og stór-
markaður þarna í Berlín. Eins höfðu
sumar aldrei farið í neðanjarðarlest
og ýmislegt annað.“
Heillandi borgarferð framundan
Edda og Helga hlakka augsýnilega
mikið til ferðarinnar í ágúst og Edda
talar um að borgin sem farið verður
til sé mjög heillandi. „Við féllum
svo gjörsamlega fyrir henni að það
liggur við að við viljum alltaf fara
þangað í kvennaferðir. Við förum
nefnilega alltaf á undan og kynnum
okkur borgina. Konurnar eiga eftir
að fara yfir um af gleði.“ Helga tekur
undir þessi orð og segir að borgin sé
æði. „Við og Iceland Air undirbúum
þetta ofsalega vel. Og svo er þetta
svo ódýrt og kostar aðeins um 47
þúsund krónur. Það er ennþá laust
en núna bókast mjög hratt.“ Inni-
falið í verðinu er flug, hótel og rúta
fram og til baka af flugvelli. Helga
og Edda segja að það séu ákveðnar
konur sem koma alltaf aftur og aft-
ur og vilja ekki missa af neinni ferð.
Kvennaferðir hafa líka staðið fyrir
ferðum innanlands og segjast þær
stöllur einmitt vera að spjalla við
nokkra aðila um gististaði. Ferðirn-
ar innanlands snúast enn meira um
sjálfstyrkingu og slökun.
Konur eru konum verstar?
Blaðamanni leikur forvitni á að vita
hvað svona sjálfsöruggum og sterk-
um konum finnst um þann gamla
kveðskap að konur séu konum
verstar. Helga verður fyrir svörum
og segir: „Eg hef nú ekki upplifað
það. Við konur erum svo kröfuharð-
ar á sjálfar okkar og um leið aðrar
konur.“ Edda hefur líka sitthvað að
segja um þessi mál og fær því orðið.
„Þetta er misskilningur segi ég. Hjá
íslenskum konum er mikill inngró-
inn ótti og óöryggi en það er allt ann-
að yfirbragð yfir frönskum og ensk-
um konum. Þetta er eitthvað sem ég
tengi við skólakerfið. Við erum með
glatað skólakerfi að þessu leyti. Ég
er búin að vera með námskeið í tíu
ár inni í fyrirtækjum ogþað er alveg
sama hve hátt sett kona er, henni
finnst hún alltaf þurfa að standa
sig sérstaklega vel ef hún þarf að
standa upp fyrir framan hóp af fólki.
Þetta er svona ofboðslega djúpstæð-
ur ótti sem gerir það að verkum að
á ögurstundu þurfum við að bera
okkur saman hver við aðra og þá
koma gagnrýnisraddir. En þegar
við förum að tala saman af alvöru
og einlægni þá eru konur öðrum
konum svo langsamlega bestar. Ef
við bara kæmumst yfir þennan ótta
sem við myndum gera ef skólakerfið
byði upp á öðruvísi uppeldi. Okkur
vantar sjálfsstyrkingu og tilfinninga-
vinnu inn í skólakerfið. Ég er alltaf
að fá svona hópa þar sem það er einn
af tuttugu sem ekki þarf áfallahjálp
við að segja nafnið sitt.“
Kvennaáramótaskaup
Það er alltaf nóg um að vera hjá þess-
um þekktu konum. Edda hefur verið
á fullu að sýna Brillant skilnað. Sýn-
ingum er þó lokið núna en það verða
nokkrar sýningar næsta haust vegna
mikillar aðsóknar. Það má heyra í
Helgu og Steini Ármanni á Rás 2 í Út-
varpi Bolur alla virka daga kl. 17.10
þar sem þau ryðja út úr sér gríninu.
Auk kvennaferða og annarra verk-
efna munu Helga og Edda sjá um ára-
mótaskaupið í ár. „Það var haft sam-
band við mig og Eddu núna í vor og
beðið um kvennaskaup. Við erum
með skaupið og Kristín Pálsdóttir er
framleiðandi. Við fengum bara vin-
konur okkar með í þetta. Við erum
langt komnar í undirbúningnum og
stefnum á tökur í nóvember." Edda
segir að þær séu nú bara búnar að
hafa samband við konur en ef strák-
arnir verði góðir við þær þá megi
þeir líka vera með.
Hlátur er lífsafstaða
Að lokum vill blaðamaður endilega
fá að vita af hverju íslenskar konur
ættu að skella sér í kvennaferð. Helga
verður fyrir svörum og segir að kon-
ur eigi endilega að koma til að hafa
gaman af og opna fyrir skemmtilega
hluti hjá sjálfum sér auk þess að fá
gleði í líf sitt. Edda tekur undir það
og segir að yfirskriftin á námskeið-
unum, hlæjum saman, sé meira lífs-
afstaða heldur en þær séu allar alltaf
að reyta af sér brandara. „Á íslandi
er svo margt til að hafa áhyggjur
af, það reynist okkur oft svo erfitt“,
segir Edda. Helga gripur orðið og
segir einmitt að öll vandamál kosti
eitthvað en ef þú hefur stanslausar
áhyggjur þá borgarðu margfalt.
AUGLÝSING UM FORVAL TIL ÚTBOÐS
Með lögum nr. 68/2005 var landbúnaðarráðherra heimilað að selja allar eignir og
semja um yfirtöku skulda Lánasjóðs landbúnaðarins. Framkvæmdanefnd um einka-
væðingu hefur verið falið að hefja undirbúning að sölu á útlánasafni sjóðsins og
yfirtöku helstu skulda hans.
Salan er háð eftirfarandi skilyrðum:
1. Tilboðsgjafi skal yfirtaka allar skuldbindingar Lánasjóðsins sem eru í langflestum
tilfellum með ríkisábyrgð.
2. Tilboðsgjafi skal hafa trausta fjárhagsstöðu og alþjóðlegt lánshæfismat.
3. Tilboðsgjafi skal vera fjármálafyrirtæki í skilningi 4. gr., 1 .-3. tl. laga nr. 161/2002.
4. Tilboðsgjafi skal fallast á það skilyrði að standa við lánsloforð sem stjórn Lána-
sjóðsins hefur þegar veitt að uppfylltum skilyrðum.
5. Tilboðsgjafi skal lýsa því yfir með því að leggja inn tilboð um kaup á umræddum
skuldabréfum, að hann muni ekki hækka vexti né breyta kjörum skuldabréfanna
til hins verra fyrir skuldara, umfram það sem stjórn Lánasjóðs landbúnaðarins
hefur samþykkt við yfirtöku lána.
6. Tilboðsgjafi skal lýsa því yfir að ákvæði skuldabréfanna um uppgreiðsluheimild
skuldara haldist.
7. Tilboðsgjafi skal lýsa því yfir að hann muni kappkosta að veita landbúnaðinum
öllum fjármálaþjónustu á viðskiptalegum grundvelli.
8. Tilboðsgjafi skal lýsa því yfir að hann mun leggja sig fram um að starfsfólk Lána-
sjóðsins haldi störfum sínum eða fái sambærileg störf hjá tilboðsgjafa.
Samkvæmt endurskoðuðum ársreikningi ársins 2004 námu innlán (lántaka) Lána-
sjóðs landbúnaðarins hinn 31. desember 2004 um 15,2 milljörðum króna en útlán í
formi skuldabréfalána um 15,6 milljörðum króna. Þá námu sjóður og kröfur á lána-
stofnanir um 2,9 milljörðum króna.
Þeir aðilar sem hafa áhuga á að taka þátt í forvali til útboðs um kaup á útlánasafni og
yfirtöku á skuldum sjóðsins skulu gefa sig fram við framkvæmdanefnd um einka-
væðingu. Einungis þeir aðilar sem uppfylla skilyrði 1-8 að framan koma til greina við
forval.
Erindi frá áhugasömum aðilum skulu berast fyrir kl. 16.00 föstudaginn 5. ágúst
2005 rituð á: '
Framkvæmdanefnd um einkavæðingu,
Fjármálaráðuneytið, Arnarhváli,
150 Reykjavík
b.t. Stefáns Jóns Friðrikssonar / Jörundar Valtýssonar