blaðið - 29.07.2005, Qupperneq 22

22 I VIÐTAL
FÖSTUDAGUR 29. JÚLÍ 2005 blaöið
Gísli Marteinn Baldursson um borgarmálin, R-listann, fjölmiðlastarfið ogeinkalífið
Bros i borgina
Gísli Marteinn Baldursson er
að undirbúa sig undir próf-
kjör hjá Sjálfstæðisflokkn-
um vegna borgarstjórnarkosninga á
næsta ári en hann hefur verið vara-
borgarfulltrúi flokksins á þessu kjör-
tímabili. „Það er langt síðan ég tók
þá ákvörðun að skipa mér í forystu-
sveit borgarstjórnarflokks Sjálfstæð-
isflokksins en það á eftir að koma í
ljós á hvaða sæti ég stefni. Ég mun
tilkynna það í sumarlok eða með
haustinu,“ segir Gísli Marteinn
össur Skarphéðinsson hefur sak-
að þig um hik og vandrœðagang í
sambandi viðþettaframboð.
„Ég hef gaman af össuri. Hann er
alltaf að spinna einhverjar kenning-
ar og henda út í umræðuna. Gallinn
er bara hversu erfitt er að taka mark
á þeim, því hann spinnur eitt í dag
og annað á morgun.Hann hefur
verið að stríða sjálfstæðismönnum
en mest hefur hann þó strítt R-list-
anum. Össur veit upp á hár að það
borgar sig ekki að tilkynna framboð
alltof snemma. Þegar kemur að kosn-
ingabaráttu treysti ég dómgreind
minni betur en hans, enda gæti Öss-
uri svosem alveg hafa gengið betur
í sínum kosningaslögum í gegnum
tíðina, með fullri virðingu," segir
Gísli Marteinn og brosir.
Þegar Gísli er beðinn um að meta
störf R-listans segir hann: „Árið
1994 kom R-listinn fram með ákveð-
inn kraft sem allir Reykvíkingar
urðu varir við. Sá kraftur er löngu
þorrinn. Og hafi R-listinn haft eitt-
hvert hlutverk í byrjun þá er því nú
lokið enda hefur hann ekki lengur
upp á neitt að bjóða. í samningavið-
ræðum sem hafa farið fram á milli
flokkanna undanfarið hefur ekki
einn einasti dagur farið í málefna-
vinnu enda eru menn einungis að
velta því fyrir sér hvernig þeir geta
haldið völdum. Um þetta eru flestir
að verða sammála, meira að segja
margir af helstu stuðningsmönnum
R-listans frá upphafi.
Það hefur verið undarlega hljótt
um borgarstjórann, Steinunni Vald-
ísi. Enginn hefur fjallað sérstaklega
um það að Stefán Jón Hafstein hafi
boðið sig fram gegn henni. Þetta er
í fyrsta sinn hér á landi sem farið er
fram gegn sitjandi borgarstjóra sem
er gríðarleg vantraustsyfirlýsing
á Steinunni Valdísi. Reyndar verð-
ur ekki annað séð en að Steinunn
Valdís hafi engin völd, allar ákvarð-
anir þarf að bera undir hinn þríhöfða
þurs sem R-listinn er. Ef maður vildi
reisa verslunarmiðstöð í Reykjavík
og leitaði svara við þeirri ósk sinni
hver gæti þá gefið honum það svar?
Ekki borgarstjórinn. Hugsanlega Al-
freð Þorsteinsson en þó er það ekki
víst. Það er óljóst hvar völdin liggja
því enginn leiðir R-listann.”
Borgarkerfið orðið að
uppeldismiðstöð
Hverju vildirþú breyta í borginni?
„Reykjavíkurborg á að vera þjón-
ustufyrirtæki fyrir Reykvíkinga.
Það hefur hún ekki verið undir R-
listanum. Völdin í borginni hafa
verið aðalatriðið en ekki þjónustan.
Reykjavíkurborg hefur verið álitin
eitthvert púsl í stærra pólitísku sam-
hengi, og nálgist menn verkefni höf-
uðborgarinnar þannig er ekki nema
von að þarfir fólksins verði út und-
an. Fulltrúar R-listans líta á borgar-
kerfið sem uppeldismiðstöð fyrir
okkur hin. Þau vilja segja okkur
hvernig við eigum að lifa lífi okkar.
Það er grundvallarmisskilningur á
hlutverki borgarstjórnar. Borgarfull-
trúarnir eiga að gera Reykvíkingum
eins auðvelt fyrir að lifa lífi sínu og
mögulegt er. Bæta lífsgæði Reykvík-
inga.
Reykvíkingar hafa til dæmis
greinilega valið að eiga bíla, og vilja
geta keyrt þá greiðlega á milli borgar-
hluta til að aka börnum í tómstunda-
nám, eða hvaðeina. En borgarkerfið
lítur bílaeign hornauga. Götur eru
þrengdar og ekki gerð mislæg gatna-
mót þar sem þeirra er mest þörf.
Það er verið að þvinga okkur til að
fara út úr bílunum. Svipuð staða er
í menntakerfinu. Fólki er ekki veitt
frelsi til að velja sjálft í hvernig skóla
það sendir börnin sín í þvi borgin
neitar að borga sama fé til nemenda
í einkaskólum og í almennum skól-
um. Með þessu er Reykjavíkurborg
að segja okkur hvernig við eigum
að haga lífi okkar í stað þess að
vera þjónustufyrirtæki sem aðstoð-
ar borgarana við að lifa því lífi sem
þeir kjósa sér.
Lykilatriði fyrir vöxt og viðgang
borgarinnar er bygging nýrra hverfa
vestan Elliðaáa, um leið og við hlú-
um betur að þeim góðu hverfum
sem við höfum þegar byggt austan
þeirra. R-listinn talar sífellt um þétt-
ingu byggðar en á sama tíma er stefnt
að því að byggja risastórt hverfi í Úlf-
arsfelli. Þar á að rísa 20.000 manna
byggð, álíka stór og Kópavogur. Það
er staðreynd að til ársins 2045 mun
Reykvíkingum aðeins fjölga um
20.000 eða þar um bil. Ef byggja á
20.000 manna hverfi í Úlfarsfelli á
þeim tíma þá er augljóst að byggð
verður ekki þétt fyrir vestan Elliða-
ár því hver einasti nýr Reykvíkingur
fer upp í Úlfarsfell. Skynsamlegast
væri að endurskoða algerlega þessar
hugmyndir. Það ætti að færa flug-
völlinn úr Vatnsmýrinni og nýta
það svæði undir byggð og byggja í
Órfirisey og á Geldinganesi. Með
byggingu á þessum svæðum er hægt
að uppfylla þörf Reykjavíkur fyrir
nýjar lóðir næstu áratugina."
Eins og í fátækrahverfum
Nú hefur össur Skarphéðinsson bent
á að hugmyndir um eyjabyggð séu
vonlausar afþvíþœr taki 70 -100 ár.
Erþað ekki rétt hjá honum?
„Á framkvæmdahraða R- listans.
Já! Þá tæki þetta að minnsta kosti
100 ár. En össur má ekki miða allt
við þann framkvæmdafælna lista.
Á sínum tíma, á borgarstjórnarár-
um Davíðs Oddssonar, skipulögðu
menn og hófu byggð í Grafarvogin-
um á örfáum árum og Grafarvog-
urinn er eitt best heppnaða hverfi
borgarinnar, sem sýnir sig í ánægju
íbúanna. Á þeim tíma réði stórhug-
ur hér í borginni en ekki endalaust
valdapot og málamiðlanir milli hins
þríhöfða þurs. Flestar af hugmynd-
um okkar sjálfstæðismanna um
byggð við sundin er hægt að fram-
kvæma á fáum árum.
Borgin hefur setið eftir í þeirri
nútímavæðingu sem hefur orðið í
þjóðfélaginu á siðustu árum. Ég fór
um borgina um daginn og skoðaði
opin svæði og tók myndir af þeim.
Margar þessara mynda eru eins og
frá fátækrahverfum í Bandaríkjun-
um eða frá Austur-Evrópu eftir fall
múrsins. Allt er ryðgað, tæki liggja
á hvolfi, körfur hafa verið brotnar
á körfuboltavöllunum og leiktækin
eru ónýt og stórhættuleg börnum.
Þegar maður ber saman opin svæði
í Reykjavík og borga á hinum Norð-
urlöndunum þá kemur i ljós að þar
er allt önnur aðstaða. I þessum mál-
um þarf að gera byltingu. Við verð-
um að bjóða Reykvíkingum upp
á opin svæði sem eru örugg, hrein,
fjölbreytileg og yndisleg og ekki til
háborinnar skammar eins og nú er.
Sum opin svæði borgarinnar
gætu líka gengið í endurnýjun líf-
daga. Af hverju er Ingólfstorgið ekki
skautasvell á veturna? Af hverju er
ekki komið upp veitingaaðstöðu í
Hljómskálagarðinum? Bolli Krist-
insson fékkþá hugmynd að reisa fjöl-
skyldugarð við ylströndina, skapa
lítinn sælureit með tækjum og veit-
ingastöðum þar sem hægt væri að
halda tónleika á kvöldin. Sú ágæta
hugmynd er reyndar óliklegri núna,
því þarna á Háskólinn í Reykjavík
að rísa
Reykjavíkurborg verður að taka
hlutverk sitt sem þjónustufyrirtæki
alvarlega og keppa að því að veita
þjónustu sem er að minnsta kosti
ekki lakari en það sem við þekkjum
annars staðar frá. Eins og málum er
háttað nú þá fáum við miklu verri
þjónustu en við gætum fengið.“
Tvíeggjað sverð
Síðustu árin stýrði Gísli Marteinn
gríðarvinsœlum sjónvarpsþáttum,
Laugardagskvöld með Gísla Mar-
teini. Hann hefur því fremur haft á
sér ímynd skemmtikrafts en þunga-
viktarstjórnmálamanns. Telur hann
að þetta geti skaðað hann íprófkjöri
og kosningabáráttu?
„Ég held að það skaði mig ekki
en vinsældir þáttarins eru tvíeggj-
að sverð. Sjónvarpsferill minn
var nokkuð sem ég átti ekki von á
því ég hef alltaf haft meiri áhuga
á stjórnmálum. Sjálfsagt þekkja
flestir borgarbúar mig i gegnum
sjónvarpið og einhverjum kann að
þykja ég léttvægur af þeim sökum
en ég held reyndar að venjulegt fólk
í borginni skilji að þetta var atvinna
mín og að ég hef fleiri víddir upp á
að bjóða en sáust á skjánum. Hvern-
ig er annars þungaviktarstjórnmála-
maður? Verður hann að vera fúll og
ósamvinnuþýður? Ég held að fólk
geti alveg hugsað sér nýja kynslóð
stjórnmálafólks, sem er ekki ná-
kvæmlega eins og sú gamla. Þegar
kosningabaráttan hefst þá kemur í
minn hlut að sýna fólki að ég kunni
skil á málefnum, viti hvað ég er að
segja og gera og geti gert fleira en að
spyrja spurninga."
Áður en Gísli tók að sér umsjón
Laugardagskvölds var hann einn af
umsjónarmönnum Kastljóssins. „í
tengslum við þessi störf mín hef ég
talað við nokkur þúsund Islendinga,"
segir hann. „Eitt af því fróðlegasta
í Kastljóssþáttunum var að fylgjast
með stjórnmálamönnum hnakkríf-
ast í beinni útsendingu en sjá þá svo
gjörbreytast þegar slökkt hafði ver-
ið á vélunum og ákveða hvert þeir
ætluðu að fara saman í kvöldmat.
Eina skiptið sem menn voru raun-
verulega eins og hundur og köttur
og töluðust ekki við eftir þáttinn
var þegar tveir næringarfræðingar
rifust um það hversu óhollur sykur
væri og í hversu miklu magni.
Þegar ég hóf vinnu við Laugardags-
þáttinn lagði ég aldrei upp með það
að sýna fyrirfram ákveðna mynd af
fólkinu. Ég vildi sýna sem flestar
hliðar og gefa sem réttasta mynd af
viðmælandanum. Spurningarmínar
miðuðu alltaf að því að láta gestina
njóta sín og láta þá njóta sannmælis,
alveg óháð því hvernig mér líkaði
sjálfum við þá.
Það var fróðlegt að kynnast þvi
hvernig menn virka undir álagi.
Sumir voru svo stressaðir að ég
hélt að það myndi líða yfir þá. Aðr-
ir voru ekki stressaðir en virkuðu
þannig, eins og Halldór Ásgrímsson.
Hann sagði mér rétt áður en við fór-
um í útsendingu að það hefði reynst
sér verulega stór pólitískur galli að
svitna á efri vörinni í sjónvarpsvið-
tölum sem gerir að verkum að svo
virðist sem honum líði illa. Honum
líður hins vegar mjög vel í viðtölum
og svarar skýrt og vel. En áhorfand-
inn í stofunni sér að hann svitnar á
vörinni og hugsar með sér að Hall-
dór sé stressaður.
Kári og Eminem
I fyrsta laugardagsþætti Gísla voru
viðmælendur Guðni Ágústsson,
Birgitta Haukdal og Örn Árnason.
„Á þeim tíma geisaði magakveisa og
þegar við mættum í upptöku kom í
ljós að við Guðni vorum báðir með
þessa magakveisu. Örn Árnason var
sömuleiðis veikur og Birgitta Hauk-
dal var þegjandi hás. Þetta var ekki
beinlínis óskastaða í fyrsta þættin-
um en kom þó ekki að sök,“ segir
Gísli. „Guðni er með skemmtileg-
ustu viðmælendum sem maður fær
af því að hann er hreinskilinn og fús
að ræða um sjálfan sig og tilfinning-
ar sínar. Svo er hann þægilegur mað-
ur og gott að eiga við hann.
Reyndar hafa nær allir viðmæl-
endur verið þægilegir viðfangs.
Sumir halda að Kári Stefánsson
sé með erfiðustu mönnum en ég
átti góð kynni af honum, reyndar
nokkuð sérstæð. Þegar ég var að
undirbúa mig fyrir viðtalið hitti
ég hann á vinnustað hans. Við
sátum þar í smástund og þá sagði
hann skyndilega: Heyrðu, við nenn-
um ekki að vera hér inni. Komum
út.“ Við fórum út og settumst upp
í bil hans og um leið og Kári ræsti
bilinn hljómaði á hæsta styrk rapp
frá Eminem. Kári keyrði um allan
bæ með Eminem glymjandi í bíln-
um og sagði tónlist rapparans vera
eins og íslensku rímurnar, Eminem
væri góður að yrkja. Á þessum tíma
var Kári að innrétta hús sitt á Hávalla-
! s \ Magann í fínu formi allt frjið
99.70/? ^ ómissandí í ferðalagið
*; m hreinn safi \ - / ■■Ær *ÍL..
/u. SííLj**
al?c#41

ðloc ver.i
•. */
tksiæt
im ciui uiaiuu.
Hafðu magann i flnu formi allt friið
Eitt hylki eða 2 matsk. safi á dag.
r
Fæst í apótekum
99...................................................
Ég fór um borgina um daginn og skoðaði opin svæði og tók myndir
afþeim. Margar þessara mynda eru eins og frá fátækrahverfum
í Bandaríkjunum eða frá Austur-Evrópu eftir fali múrsins "