blaðið - 17.08.2005, Qupperneq 10

10 I ERLENDAR FRÉTTIR
MIÐVIKUDAGUR 17. ÁGÚST 2005 biaöíö
Grátandi gyðingastúlkur í óeirðum landnema og öryggissveita í bænum Neve Dekalim á Gaza í gær.
Hörð átök öryggissveita
og landnema a Gaza
Skærur brutust út milli landnema
á Gaza-svæðinu og ísraelskra her-
manna þegar þeir síðarnefndu
bjuggu sig undir að flytja landnema
á brott þaðan með valdi. Kveiktir
voru eldar og mikið tjón varð á eig-
um í óeirðunum og voru fjölmargir
handteknir. Öryggissveitir þurftu
að brjóta sér leið gegnum hlið í suð-
urhluta Gaza þar sem landnemar
höfðu stillt sér upp til þess að hindra
inngöngu hermanna. Annað hljóð
er í Palestínumönnum þessa dagana
sem hafa fagnað brottförinni ákaft.
Fréttaskýrandi BBC greindi frá
því að mikil reiði og upplausn ríkti
á svæðinu og konur og börn, i bland
við fullvaxta karlmenn, ættu í hörð-
um bardögum við hermenn. Mót-
mælendur hafa hrópað fúkyrði að
óvopnuðum hermönnum og hafa
m.a. kallað trúbræður sína nasista.
Hafa landnemar ítrekað reynt að
sannfæra hermenn um að ganga í
lið með sér og óhlýðnast fyrirskipun-
um stjórnvalda.
Með góðu eða illu
Margir þeirra 8.500 gyðinga sem
bjuggu á Gaza-svæðinu hafa nú
þegar flust brott en þúsundir gyð-
inga hafa þó virt brottfararskipun-
ina, sem þeim var borin, að vettugi.
Landnemar höfðu frest til kl. 21 í gær-
kvöldi til þess að fara með góðu en
ísraelsk stjórnvöld höfðu sagt að þá
yrði gripið til aðgerða. Varnarmála-
ráðherra ísraels, Shaul Mofaz, hefur
gert það ljóst að hermenn muni sjá
til þess með góðu eða illu að gyðing-
ar yfirgefi Gaza-svæðið. Sagði hann
að brottfararferlið myndi að öllum
líkindum taka um mánaðartíma.
Óttast er að harðari og alvarlegri
átök muni eiga sér stað þegar ísra-
elskar öryggissveitir fara að beita
valdi við að flytja landnemana á
brott.Háttsettir menn innan hersins
hafa lýst því yfir að öryggissveitir
muni ganga fram af harðfylgi þeg-
ar lokafresturinn er runninn upp.
Þeir muni byrja á því að flytja brott
þær þúsundir gyðinga frá ísrael og
Vesturbakkanum sem staddir eru á
Gaza og hafa tekið höndum saman í
mótmælum með landnemum þar.
Brottförin besta leiðin
Israelar tóku sér land á Gaza-svæð-
inu árið 1967. Ariel Sharon, forsæt-
isráðherra landsins, sagði í sjón-
varpsyfirlýsingu á mánudag að
Israelar gætu ekki haldið svæðinu
að eilífu og brottförin nú væri besta
leiðin til að tryggja öryggi. Forseti
palestínsku heimastjórnarinnar,
Mahmoud Abbas, segir brottförina
vera sögulega en hefur einnig rætt
um að Israelar þurfi einnig að gefa
Palestínumönnum eftir Vesturbakk-
ann.í bænum Khan Yunis í Palest-
ínu hélt uppreisnarhópurinn Ham-
as fjöldafund þar sem brottförinni,
sem Hamas-liðar líta á sem mikinn
sigur, var fagnað. Hamas hafa heitið
því að leggja niður vopn og ráðast
ekki gegn landnemum og ísraelsk-
um hermönnum þegar þeir yfirgefa
Gaza. ■
bjombragi@vbl. is
160 látast
Enginn komst lífs af þegar kólumb-
ísk farþegaflugvél fórst í Venesúela í
gær en 152 farþegar voru um borð og
átta manna áhöfn. Vélin var af gerð-
inni MD-82 og var á leið frá Panama
til frönsku eyjunnar Martinique í
Karíbahafi. Talið er að allir farþeg-
arnir hafi verið frá Martinique en
áhöfnin var kólumbísk.
Flugmaður vélarinnar hafði til-
kynnt um bilun í hreyfli og beðið
um leyfi fyrir nauðlendingu. Bað
hann um að fá að fljúga inn í flug-
helgi Venesúela og hugðist lenda á
Maracaibo-flugvellinum þar í landi.
Flugmaðurinn tilkynnti skömmu
síðar um að hinn hreyfill vélarinnar
hefði bilað og flugvélin hefði hrapað
um nokkur þúsund fet á afar skömm-
um tíma. Flugumferðarstjórn missti
samband við vélina stuttu siðar. Vél-
in skall í fjalllendi nærri borginni
Machique og kváðust ibúar þar hafa
í flugslysi
MD-82 flugvél, samskonar þeirri sem
fórst f Venesúela í gær.
heyrt háa sprengingu. Mikil rigning
á svæðinu gerði neyðarliðum afar
erfitt að nálgast vélina og reyna að
bjarga fólkinu.
Flugvélin var frá West Caribbean
Airways sem er lággjaldaflugfélag
sem flýgur til fjölmargra áfanga-
staða í Suður- og Mið-Ameríku. Er
þetta annað flugslysið á árinu þar
sem vél frá félaginu á í hlut en í mars
brotlenti vél með þeim afleiðingum
að átta manns létu lífið. ■
Oflugur jarð-
skjálfti í Japan
Snarpur jarðskjálfti sem mældist
7,2 á Richter skók norðausturströnd
Japans aðfaranótt þriðjudags. Tugir
særðust í skjálftanum en ekki er tal-
ið að mannfall hafi orðið. Gefin var
út flóðbylgjuviðvörun á svæðinu
en hún var afturkölluð skömmu síð-
ar eftir að tvær minniháttar öldur
lentu á strandlínunni. Flestir þeirra
er slösuðust voru staddir í sund-
laug í borginni Sendai þar sem þak
hrundi yfir gesti. Fjölmiðlar greindu
frá því að minnst 80 manns hefðu
slasast og hlotið áverka. Aðeins
einn var sagður alvarlega slasaður.
Byggingar í höfuðborginni Tókýó,
sem staðsett er 300 kílómetra frá
skjálftastaðnum, skulfu hressilega
eftir jarðskjálftann. Rafmagn fór af
yfir 17.000 byggingum og lestarferð-
ir á svæðinu lágu niðri i gær. Þremur
kjarnorkuverum var lokað til þess
að gera öryggisprófanir og þá var
Haneda-flugvellinum i Tókýó lokað
um stundarsakir af varúðarráðstöf-
unum.
Japanir eru ákaflega vel undirbún-
ir fyrir jarðskjálfta og sams konar
skjálfti annars staðar í heiminum
hefði að öllum líkindum valdið
dauðsföllum, samkvæmt sérfræð-
ingum. I síðastliðnum mánuði
skók jarðskjálfti, sem mældist 6,0
á Richter, höfuðborgina Tókýó og
særðust þá 18. manns. Mannskæð-
asti jarðskjálfti landsins á seinni
árum er hins vegar frá árinu 1995
þegar 6.400 manns létust í hörðum
jarðskjálfta í borginni Kobe. Mann-
skæðasti jarðskjálfti Japans á 20. öld-
inni átti sér hins vegar stað árið 1923
þegar jarðskjálfti varð yfir 100.000
manns að bana ■
www.icelandair.is/kaupmannahofn
Flug og gisting í tvær nætur
Verð á mann í tvíb/li á Hótel Selandia
15.-17. okt., 12.-14. nóv., 14.-16. jan., 28.-30. jan. og 4.-6. mars.
Innifalið: Flug, gisting, morgunverður, flugvallarskattar og þjónustugjöld.
Hafið samband við söluskrifstofur lcelandair eða við Fjarsölu lcelandair í síma 50 50 100
(svarað mánud. - föstud. kl. 9-17, laugard. kl. 9-17 og á sunnudögum kl. 10-16).
Nú geta handhafar Vildarkorts Visa og | v« <>*<,«»*««.
Icelandair notað 10.000 Vildarpunkta P . , 2222*?
sem 5.500 kr. greiöslu upp í fargjaldið. ----------
út í heim
ICELANDAIR
Irakar framlengja
stjórnarskrárfrest
Frestur Iraka til að samþykkja drög
að nýrri stjórnarskrá hefur verið
framlengdur um viku eftir að upp-
runalegur frestur rann út á miðnætti
á mánudagskvöld. Bandaríkjamenn
hafa ítrekað þrýst á íraka að ganga
frá stjórnarskránni fyrir tilsettan
tíma en hrósuðu hins vegar írökum
fyrir ákvörðunina og sögðu þar vera
lýðræði að verki. Helstu ágreinings-
efnin sem öftruðu því að gengið
væri frá stjórnarskránni fyrir mánu-
dagskvöld voru hvert hlutverk ís-
lams ætti að vera í henni, sambands-
stjórnarstefna landsins, réttindi
kvenna og dreifing olíuauðs. Margir
vilja meina að mikill sandbylur sem
geisaði um landið fyrir örfáum dög-
um hafi einnig átt stóran þátt í því
að ekki var hægt að ljúka við stjórn-
arskrána á réttum tíma.
„Ég dáist að hetjulegri viðleitni
írakskra samningamanna og kann
vel að meta vinnu þeirra við að leysa
eftirstandandi ágreiningsefni með
áframhaldandi viðræðum", sagði
George Bush Bandaríkjaforseti.
.Viðleitni þeirra er virðing við lýð-
ræði og sýnir okkur að erfið vanda-
mál geta verið leyst á friðsamlegan
hátt með umræðum, samningum
og málamiðlunum.“ Utanríkisráð-
herra Bandaríkjanna, Condoleezza
Rice, tók í sama streng og Bush og
sagðist bjartsýn á að Irökum tækist
að ganga vel frá málinu. 28 mánuðir
eru síðan innrásarher undir stjórn
Bandaríkjamanna hernam Irak.
Yfirmaður íröksku stjórnarskrárnefndar-
innar, Humam Hamoudi, ræðir við leið-
toga sjíta-múslima, Sami al-Majoun.
Stjórnarskráin gegnsýrð
áhrifum frá Bush
Irakskur blaðamaður og rithöfund-
ur, Nazar al-Samarraei , sagði í
samtali við Aljazeera-fréttastofuna
að enn væri afar óljóst hvert inn-
tak stjórnarskrárinnar ætti að vera.
Vildi hann meina að Bandaríkja-
menn væru raunverulegir höfund-
ar stjórnarskrárinnar sem smíðuð
væri eftir bandarískum hugsjónum.
Sagði hann bjartsýni bandarískra og
írakskra ráðamanna tilhæfulausa
og uppgerða. „George Bush hefur
troðið uppá íraka því hugarástandi
sem er samrýmanlegt hans eigin
stjórnmálaskoðunum og bandarísk-
um gildum, án tillits til siðvenja
Iraka og hefða“, sagði al-Samarraei
ennfremur.
Eftir langar og strangar viðræð-
ur voru samningamenn orðnir ör-
magna þegar ákveðið var að fram-
lengja frestinn. Var ákveðið að hlé á
viðræðum yrði í gær en þær munu
hefjast að nýju í dag. „Við verðum
að klára þetta núna. Ef við náum
þvi ekki fyrir næsta lokadag þarf að
leysa upp þjóðþingið, ríkisstjórnin
fellur og halda þarf nýjar kosning-
ar“, sagði fulltrúi Kúrda, Munther
al-Fadhal. Látið hefur verið í veðri
vaka að ekki verði hægt að ná sátt
allra málsaðila áður en lokið verður
við stjórnarskrána. Stjórnarskráin
mun gangast undir þjóðaratkvæða-
greiðslu um miðjan október næst-
komandi og í kjölfarið verða haldnar
kosningar í landinu. ■