blaðið - 10.10.2005, Page 20

20 I JÓLAUNDIRBÚNINGUR
MÁNUDAGUR 10. OKTÓBER 2005 blaöiö
Hist árlega í 48 ár
KR 56 stefnir á jólahlaðborð í ár
Það er ekki oft sem fólk heldur
sambandi og hittist árlega í 48 ár
en það hefur KR 56 gert. KR 56 er
félagsskapur stráka sem léku sam-
an í þriðja flokki KR árið 1956.
Einu sinni á ári heldur KR 56
aðalfund þar sem þeir fara út að
borða saman og njóta félagsskap-
ar hvers annars. í ár er förinni
heitið á jólahlaðborð um miðjan
nóvember og eins og jafnan er
mikil tilhlökkun.
Gunnar Felixson er æviráðinn
formaður KR 56 og Örn Steinsen er
æviráðinn stallari. Örn segist vera
hefðbundinn stallari. „Vaninn er sá
að stallarinn sér um alla hluti, pant-
ar borð og finnur tíma. Síðan kalla
ég á formanninn og við skoðum að-
stæður. Hann leggur siðan blessun
sína yfir þetta. Það er ekkert gert
fyrr en formaðurinn hefur skoðað
veitingastaðinn og matseðilinn og
lagt blessun sína yfir það. Það eru
skemmtilegar hefðir í kringum
þetta.“ Gunnar segir að þjálfararnir
séu líka með í félagsskapnum. „Við
byrjuðum að hittast 1957. Yfirleitt
hafa allir mætt sem geta mætt. Við
hittumst yfirleitt á haustin og þá er
farið út að borða saman.“
Rólegra þegar konurnar eru með
Örn segir að það sé alltaf mjög gam-
an að hittast. „Það er stórkostlegt
að hafa haldið hópinn eftir öll þessi
ár og það er alltaf mjög gaman þeg-
ar við komum saman. Við vorum í
mörg ár einir og konur máttu ekki
koma. Svo var ákveðið að betri
helmingurinn kæmi inn í þetta og
þá varð þetta öðruvisi en skemmti-
legra. Þetta varð rólegra en við för-
um ekkert nánar út í það,“ segir Örn
og hlær. „Það varð svona meiri kúl-
túr.“ Samkvæmt Gunnari var hópur-
inn upphaflega 12 manns en þau séu
svona um 20 manns með mökum.
Björgólfur ekki náð yfirtökum enn
Aðspurður að þvi hvort þeir ætli
ekki að halda áfram að hittast um
ókomna tíð segir Örn að þeir ætli
að gera það. „Svo lengi sem hægt er.
Við erum núbúnir að missa tvo, Þór-
ólf Beck og Ólaf Stefánsson en þeir
eru látnir.“ {KR 56 eru nokkrir þjóð-
þekktir einstaklingar og sem dæmi
má nefna Björgólf Guðmundsson,
Kristinn Jónsson og fyrrverandi
formann KR. Örn segir að Björgólf-
ur muni ekki ná yfirtökum í KR
56. „Þetta er eina félagið sem Björg-
ólfur getur ekki náð yfirtökunum.
Hann hefur reynt mikið í öll þessi
ár. Hvern einasta fund reynir hann
mikið en það tekst ekki,“ segir Örn
og hlær glettnislega. Að endingu
viðurkennir Örn að þeir séu allir
harðir KR aðdáendur ennþá. „Við
erum allir grjótharðir KR-ingar.
Við höldum tryggð við gamla liðið
og stöndum vel saman.“ ■
svanhvit@vbl.is
‘ V eitinaastaÖurinn
éKESSUBRUNNUR
XpnungCegur staður ífaðmi ísíensCrajjaCCa. OCjar vinsæCu jóCaCiCaðCorð, CjCœsiCeg, góð og veCútiCátin
OKKAR VINSÆLU JÓLAHLAÐBORÐ SEINNI PART NÓVEMBER OG í DESEMBER.
VERÐ ER 3.900 Á MANN.
VERÐ FYRIR HÓPA ER 3.500 Á MANN
ERUM BYRJUÐ AÐ BÓKA. UPPLÝSINGAR '
SÍMA: 861-3976 OG
SKESSUBRUNNUR@SIMNET.IS

-
1
PANTIÐ TIMANLEGA. ÞEGAR ER ORÐIÐ UPPSELT A VISSUM DOGUM
UPPL. OG PANTANIR í SÍMUM: 861-3976, 433-8956 OG 433-8976