blaðið - 19.10.2005, Blaðsíða 8

8 I ERLENDAR FRÉTTIR
MIÐVIKUDAGUR 19. OKTÓBER 2005 blaðiö
Töfá að úrslitþjóðaratkvceðagreiðslu liggifyrir:
Grunur um svindl
íraskir embættismenn sögðu í gær
að töf yrði á því að opinber úrslit
þjóðaratkvæðagreiðslu um stjórn-
arskrá landsins yrðu gerð opinber
vegna ásakana um kosningasvindl.
Þeir sögðu að óvenjugóð þátttaka
hefði verið í atkvæðagreiðslunni á
sumum svæðum og því þyrfti að at-
huga kjörseðla á ný.
Óeðlileg vinnubrögð
Stjórnmálamenn úr röðum súnni-ar-
aha hafa gefið i skyn að óeðlilegum
vinnubrögðum hafi verið beitt í því
skyni að tryggja samþykki stjórnar-
skrárdraganna. Eftirlitsmenn Sam-
einuðu þjóðanna segja aftur á móti
að atkvæðagreiðslan hafi gengið
vel fyrir sig og að flestir hafi getað
greitt atkvæði.
Sjálfstæð kjörnefnd í frak sagði að
hún þyrfti fáeina daga til viðbótar
til að ljúka talningu atkvæða eftir
að í Ijós kom að tölur frá sumum hér-
uðum voru of háar. Á sumum svæð-
um greiddu nær allir kjósenda með
skránni en á öðrum svæðum var því
þveröfugt farið. Talning atkvæða
tefst einnig vegna þess að sandrok
í miðhluta landsins kom í veg fyrir
það að hægt væri að fljúga með kjör-
seðla til Bagdad þar sem talning fer
fram.
Hafnað í tveimur héruðum
Upphaflega var gert ráð fyrir að
úrslit lægju fyrir síðar í vikunni en
kjörnefndin áætlar nú að það kunni
að tefjast um fáeina daga. Óstaðfest-
ar niðurstöður sem hafa lekið til fjöl-
miðla herma að stjórnarskrárdrögin
hafi verið samþykkt. Samkvæmt
þeim voru þau samþykkt með mikl-
um meirihluta í héruðum sjítamús-
lima og kúrda en í tveimur héruðum
landsins var þeim hafnað. Sé drög-
unum hafnað í að minnsta kosti
þremur héruðum landsins verður
stjórnarskráin ekki samþykkt.

frösk kona virðir fyrir sér veggspjald vegna þjóðaratkvæðagreiðslu um stjórnarskrá landsins sem fram fór um helgina.
Þú færö nýjan Opel Astra frá aöeins 1.695.000 kr. eöa 19.772 kr. á mánuði.
Ingvar Helgason
Sævartiöfða 2, stmi 525 8000, www.ih.is
Opiö: Mán - fös kl. 9-18 og lau kl. 12-16
Friðrik krónprins Danmerkur og Mary krónprinsessa ásamt nýfæddum syni sínum á
Ríkissjúkrahúsinu í Kaupmannahöfn í gær. Þetta var í fyrsta sinn sem prinsinn ungi
fékk að baða sig í kastljósi fjölmiðla en án efa ekki í það síðasta. Hann lét athyglina þó
ekki slá sig út af laginu og svaf sem fastast enda afar skapgóður að sögn móðurinnar
nýbökuðu.
Ráðherra fær
köku í höfuðið
Kristin Halvorsen, nýr fjármálaráð-
herra Noregs, fékk óblíðar móttök-
ur á fyrsta degi sínum í nýju starfi
þegar köku var hent í höfuð hennar.
Halvorsen, sem er 45 ára og leiðtogi
SSsíalíska vinstriflokksins, sakaði
ekki við árásina en vildi ekki tjá
sig um hana. Rune Henden, fulltrúi
lögreglunnar í Ósló, sagði að árásar-
maðurinn hefði verið handsamaður
en gaf ekki upp nafn hans eða hvaða
ástæða kunni að hafa legið að baki
árásinni. „Það er verið að yfirheyra
hann,“ sagði Henden og bætti við að
hann mætti eiga von á ákæru í fram-
haldinu. Maðurinn, sem er á þrítugs-
aldri, sagði fréttamönnum sem voru
á staðnum að ástæða verknaðarins
væri sú að hann væri mótfallinn því
að Halvorsen væri fjármálaráðherra.
Maðurinn gaf sig á tal við Halvorsen
þegar hún mætti í ráðuneytið í gær.
Hann sagðist vilja færa henni köku
en þegar Halvorsen áttaði sig á því
sem var að gerast fékk hún kökuna
í hnakkann.
Taugatitringur í Hvíta húsinu:
Rove hugsanlega
ákærður
Stjórnvöld í Bandaríkjunum bíða
nú óþreyjufull eftir að alríkissak-
sóknari taki ákvörðun um hvort
hann leggi fram ákæru á hendur
Karl Rove, einum helsta ráðgjafa
George Bush, forseta. Rove er ásamt
Lewis Libby, starfsmannastjóra
Dick Cheney, grunaður um að hafa
upplýst blaðamann New York Tim-
es um að Valerie Plame væri einn
af starfsmönnum bandarísku leyni-
þjónustunnar CIA. Eiginmaður
Plame, sem vinnur í bandaríska
utanríkisráðuneytinu, gagnrýndi á
sínum tima gögn sem áttu að sýna
fram á að írakar byggju yfir gereyð-
ingavopnum og voru meðal annars
notuð til að réttlæta árás í landið.
Vilja sumir fréttaskýrendur meina
að með því að gefa upp nafn Plame
hafi Libby og Rove viljað refsa eigin-
manni hennar fyrir gagnrýnina og
ekki skeytt um að með því hafi þeir
brotið landslög. Ólöglegt er að gefa
upp nöfn starfsmanna bandarísku
leyniþjónustunnar. Patrick Fitzger-
ald, sérskipaður saksóknari, hefur
rannsakað hver lak nafni Plame síð-
an 2003 og er ekki vitað hvort og þá
hvenær ákæru er að vænta í málinu.
Áfall fyrir Bush
Ef Rove verður ákærður mun hann
neyðast til að segja af störfum fyrir
Bush og yrði það enn eitt áfallið fyr-
ir forsetann á skömmum tíma. Bush
hefur sjaldan verið jafnóvinsæll og
nú, ekki aðeins meðal kjósenda held-
ur einnig meðal félaga sinna í Repú-
blikanaflokknum. Vinsældir hans
dvínuðu mjög í kjölfar slælegra við-
bragða við fellibylnum Katrínu en
einnig hefur mikið mannfall í Irak
og umdeild tilnefning á hæstaréttar-
dómara þar áhrif á.
Karl Rove, einn helsti ráðgjafi George Bush Bandaríkjaforseta, verður hugsanlega ákærð-
ur fyrir að hafa lekið nafni starfsmanns bandarísku leyniþjónustunnar til fjölmiðla.