blaðið - 05.01.2006, Blaðsíða 8
8 I ERLENDAR FRÉTTIR
FIMMTUDAGUR 5. JANÚAR 2006 blaðið
Samkomulag næst í gasdeilu
Stjórnmálaskýrendur segja bœði ríki mega vel við una. Bein hœkkun á gasverði verður
ekki jafnhá og upphaflega stóð til. Samkomulagið œtti einnig að tryggja stöðugt gasflœði
til ríkja vestar í Evrópu.
Rússar og Úkraínumenn komust
í gær að samkomulagi í gasdeilu
sem hefur haft áhrif á gasflutninga
til Evrópu undanfarna daga. Sam-
komulagið náðist aðeins örfáum
klukkustundum áður en boðaður
neyðarfundur Evrópusambandsins
vegna málsins átti að hefjast.
Samkvæmt samkomulaginu
munu Úkraínumenn kaupa gas frá
rússnesk/svissneska fyrirtækinu
Rosukrenergo fyrir 95 Bandaríkja-
dali á 1000 kúbikmetra.
Gazprom selur Rosukrenergo gas
á 230 dali á 1000 kúbikmetra en
útvegar jafnframt mun ódýrara gas
frá Túrkmenistan. Að auki mun
þóknun til Úkraínumanna vegna
flutnings á gasi til Evrópu hækka
um 47%. Aður þurftu Úkraínu-
menn aðeins að greiða 50 dali á 1000
kúbikmetra sem var langt undir
markaðsverði.
Báðir mega vel við una
Stjórnmálaskýrendur segja að báðar
þjóðir megi vel una við samning-
inn. Með samkomulaginu slaknar
aðeins á spennu milli nágrannaríkj-
anna sem náði hámarki á nýársdag
þegar Gazprom, hið ríkisrekna gas-
fyrirtæki Rússa, skrúfaði fyrir gas-
flutning til Úkraínu. Það ætti enn-
fremur að veita neytendum í Evrópu
tryggingu fyrir nægu gasstreymi en
Rússar sjá þeim fyrir um fjórðungi
þess gass sem þeir þurfa á að halda.
Evrópusambandið fagnaði sam-
komulaginu og sagðist Martin
Bartenstein, fjármálaráðherra Aust-
urríkis, sem fer með forsæti í sam-
bandinu, vonast til að það tryggði
gasflutninga til Evrópusambands-
ins til lengri tíma.
Stjórnmálaskýrendur í Moskvu
og Kíev segja að Rússar hafi brugð-
ist of harkalega við í deilunni, stig-
magnað hana óþarflega mikið og
valdið taugatitringi á Vesturlöndum.
„Það er ljóst að Rússland stendur
sterkar að vígi en Úkraína, það á auð-
lindirnar og Úkraína er ekki sjálfri
sér næg í orkumálum, en Rússlandi
tókst samt ekki að fá sínu framgengt,“
segir úkraínski stjórnmálaskýrand-
inn Oleksander Dergachev.
1 Evrópu og Bandaríkjunum hafa
menn áhyggjur af því að Rússar noti
gasveitu sína í pólitískum tilgangi og
til að refsa Júsjenkó, forseta Ukrainu,
sem vill að landið gangi í Evrópusam-
bandið og Atlantshafsbandalagið.
Tilrœðismaður verður rúmlega 30 manns að bana:
Sprengdi sig í loft upp í jarðarför
36fórustogtugirsærðustþegarmaður
sprengdi sig í loft upp við jarðar-
för í bænum Baquba í Irak í gær.
Dagurinn var einn sá mannskæð-
asti í írak í langan tíma en meira en
50 manns fórust í nokkrum árásum
víðs vegar í landinu.
Ofbeldisaldan reið yfir um líkt
leyti og þrjú stærstu kosninga-
bandalög landsins voru við það að
ná samkomulagi um myndun sam-
steypustjórnar sem sjítar, súnnítar
og kúrdar munu eiga aðild að.
Rúmlega 100 syrgjendur voru í
grafreitnum þegar sprengjan sprakk
en þar var borinn til grafar frændi
Ahmed al-Bakka, stjórnmálamanns
úr Dawa-flokki Ibrahim al-Jaafari,
forsætisráðherra. Al-Bakka lifði af
morðtilraun á þriðjudag sem varð
frænda hans að bana. Líkamshlutar
lágu á víð og dreif í grafreitnum
eftir ódæðisverkið og blóð slettist á
legsteina.
Ætlað að sundra þjóðinni
Hópar öfgafullra súnnimúslima
hafa staðið fyrir fjölda árása, meðal
annars á sjítamúslima í írak. Nassir
al-Ani, háttsettur félagi í stærsta
kosningabandalagi súnnímúslima,
fordæmdi árásina sem hann sagði
að ætlað væri að sundra þjóðinni.
„Tilræðismennirnir vilja valda sundr-
ungu og koma í veg fyrir pólitíska
framþróun í írak en þeim mun
mistakast það og við munum koma
á ríkisstjórn sem stendur fyrir sam-
einingu þjóðarinnar,“ sagði hann.
Lfk eins þeirra sem fórust í tilræðinu liggur fyrir utan sjúkrahús í Baquba.
Viltu hætta að reykja? Reyksíminn
Ókeypis aðstoð 800 6030
Skóli fyrir þig?
Ertu strakur eða stelpa á aldrinum 16-25?
Langar þig að stunda skemmtilegt ndm:
• í heimavistarskóla?
• í góðum félagsskap?
• í fögru umhverfi?
Vegna forfalla getu
við nemendum á
önn sem
9, janúa*"
hef
Rannsókn
beinist að þing-
mönnum
Dómsmálaráðuneyti Bandarikj-
anna segist ætla að hafa uppi á
háttsettum stjórnmálamönnum
sem grunaðir eru um að hafa þegið
mútur frá Jack Abramoff, áhrifa-
miklum fulltrúa þrýstihópa í banda-
rískum stjórnmálum. Abramoff
hefur lýst yfir sekt sinni af ákærum
um fjársvik, samsæri og skattsvik.
Abramoff hefur tengsl við háttsetta
félaga í Repúblikanaflokknum en
einnig eru einhverjir demókratar
flæktir í málið. Honum er meðal
annars gefið að sök að hafa reynt að
hafa áhrif á stjórnmálamenn með
því að gera vel við þá á ýmsan hátt,
boðið þeim til útlanda og í dýrindis
mat auk þess að bera á þá fé.
Justin Webb, fréttaritari breska
ríkisútvarpsins í Washington, segir
að málið sé sem tifandi tímasprengja
í báðum deildum Bandaríkjaþings.
PeteTownshend kennir notkun
heyrnartóla um slæma heyrn sfna.
Varar við notkun
spilastokka
Gítarleikarinn góðkunni Pete
Townshend hefur varað notendur
spilastokka á borð við iPod við að
heyrn þeirra geti skaðast varanlega
nema þeir lækki hljóðstyrk tón-
listarinnar sem þeir hlusta á með
heyrnartólum. Townshend, sem
leikur á gítar í hinni fornfrægu rokk-
hljómsveit The Who, segist hafa
borið varanlegan heyrnarskaða af
notkun hljóðversheyrnartóla og
nú verði hann að taka hvíld í einn
og hálfan sólarhring á milli upp-
tökulota til að eyrun geti jafnað sig.
„Gallinn er sá að á tölvunum okkar
notum við nánast alltaf heyrnartól
til að fá næði, af tillitssemi við fjöl-
skyldu og starfsfélaga eða til þæg-
inda,“ segir Townshend. Þrátt fyrir
að The Who hafi á tímabili verið
háværasta rokkhljómsveit heims
kennir Townshend heyrnartóla-
notkun í hljóðveri um slæma heyrn
sína.
Kveikti í sér
í réttarsal
Suður-Kóreumaður er i lífshættu
eftir að hafa kveikt i sér i réttarsal í
gær. Maðurinn hafði verið dæmdur
til greiðslu sektar fyrir ólæti á
almannafæri en hann hafði látið
ófriðlega í farsímaverslun þegar
hann vildi skipta um símanúmer.
Maðurinn gekk úr salnum eftir
að dómurinn hafði verið kveðinn
upp, hellti oliu yfir sig og kveikti í
sér þegar hann sneri til baka. Hann
hlaut þriðja stigs bruna um allan lík-
amann og var í skyndingu fluttur á
neyðarmóttöku. Læknir sem annað-
ist manninn sagði að líf hans væri í
hættu. Ekki slösuðust fleiri í réttar-
salnum við atvikið.