blaðið - 05.01.2006, Blaðsíða 22

22 I VIÐTAL
FIMMTUDAGUR 5. JANÚAR 2006 blaöiö
• OQ
o®
uoo
BlaðiÖ/SteinarHugi
Senuþjóíurínn
Björgvin Franz um skaupið, leiklistina, ástina og lífið í viðtali við Halldóru Þorsteinsdóttur
Leikarann Björgvin Franz
Gíslason þekkja orðið flestir
landsmenn en þessi ungi og
skemmtilegi leikari kom, sá
og sigraði í Áramótaskaupinu
síðastliðið gamlárskvöld. Það
má með sanni segja að Björgvin
hafi verið senuþjófur skaupsins,
en hann fékk ófáan íslendinginn
til að hlæja sig máttlausan með
fjölbreyttum og vægast sagt fróð-
legum eftirhermum.
Eftir ítrekaðar tilraunir náðist í
Björgvin þar sem hann var móður
og másandi í stuttu matarhléi á
æfingu í Þjóðleikhúsinu. Það er
greinilega í mörgu að snúast hjá
leikaranum þessa dagana, en hann
gaf sér þó tíma til þess að spjalla við
blaðakonu um leiklistina, lífið og
hið margrómaða Áramótaskaup.
„Ég hef varla haft undan að svara
símtölum frá fjölmiðlum síðustu
daga vegna skaupsins, en fólk er
greinilega svona áhugasamt og það
er auðvitað bara æðislegt. Það er al-
gjörlega frábært að fólk vilji vita eitt-
hvað um mann og sýna því áhuga
sem ég er að að gera. Ég er eiginlega
bara snortinn yfir þessu öllu saman,
þó svo að ég vilji ekki vera of væ-
minn,“ sagði Björgvin um eftirmála
Áramótaskaupsins. Hann segist
mjög ánægður með skaupið og það
að hafa fengið að taka þátt í því.
Björgvin Franz er 28 ára gamall
en hann hefur leikið og skemmt
fólki síðan hann útskrifaðist úr leik-
listardeild Listaháskóla fslands árið
2001.
„Fyrsta verkefnið mitt, eða út-
skriftarverkefni, var sýningin Hed-
wig. Þar lék ég kynskipting og hafði
mjög gaman af. Þarna voru mörg
skemmtileg lög og annað sem lá
ágætlega fyrir mér!“
Varstu ekkert tregur við að taka að
þér hlutverk kynskiptings svona
nýr í bransanum og skriðinn úr
skólanum?
„Maður var kannski svolítið taug-
astrekktur þar sem þetta er auðvitað
svolítið sérstakt hlutverk en ég lét
það ekki á mig fá. Þetta var algjör-
lega geðveikt í alla staði og alveg
frábært að fá þetta tækifæri. f raun
var þetta bara svona „dream coming
true“ að fá þetta hlutverk."
Skemmtikraftur og galdra-
maðurtil margra ára
Björgvin hefur verið iðinn í skemmt-
anabransanum síðastliðin ár, en
auk þess að hafa tekið þátt í hinum
ýmsu leikritum hefur bann starfað
sem skemmtikraftur á eigin vegum
auk þess að sýna listir sem galdra-
maður. Hann segir það skemmtifegt
aukastarf enda séu hlutverkin ekki
alltaf á hverju strái og því stundum
nauðsynlegt að sinna öðru með.
„Fyrstu árin eftir útskrift var ekk-
ert mikið að gera fyrir utan Hedwig
og ég var eiginlega mjög lítið að leika
í leikhúsum. Það er nú bara mjög
misjafnt hvað er að gera hjá manni í
leiklistinni og stundum þarf maður
virkilega að leita sér að verkefnum,
nú eða taka að sér verkefni sem
maður hefði annars ekki valið. Þetta
er bara svona og maður tekur því
- maður hoppar svona í eitt og annað
á meðan. Ég hef starfað mikið sem
skemmtikraftur og verið t.d. með
eftirhermur eins og ég gerði í skaup-
inu. Það er eiginlega það sem hefur
mikið haldið mér lifandi. Það er al-
veg rosalega gaman að stíga sjálfur
á stokk í veislum eða við önnur til-
efni og tjá sig að vild í hinum ýmsu
gervum. Svo er ég iíka að syngja
með henni Kristjönu leikkonu í grin-
söngdúettnum Geiri og Villa, en það
hefur verið mjög vinsælt síðan árið
1999 og við höfum komið fram víða,“
segir Björgvin sem segir þó dúettinn
hafa sungið sitt síðasta. „Við eigum
6 ára afmæli núna, en þó er farið
að síga á seinni hlutann hjá okkur
- þetta fer að verða komið gott. Búið
að vera æðislega gaman.“
Hvað er annars ígangi hjá þér núna
í listalífinu?
„Ég er búinn að vera að sýna í
sýningunni Klaufar og kóngsdætur
í Þjóðleikhúsinu, en þar er á ferð-
inni ekta ævintýraheimur H.C.
Andersen með miklum húmor og
skemmtilegum lögum. Þetta er í
raun barnasýning og þess má geta
að við unnum Grímuna núna síðast
fyrirbarnaleiksýningu ársins. Engu
að síður höfðar sýningin til allra
aldurshópa, fullorðnir hafa ekki
síður gaman af. Svo er ég líka að
fara að leika í leikritinu Virkjunin,
sem er eftir Nóbelsverðlaunahafann
Elfriede jelinek, en ég er ekki búinn
að fá sérstakt hlutverk enn,“ segir
Björgvin, en hann hefur verið laus-
ráðinn í Þjóðleikhúsinu um nokkurt
skeið.
„Þar sem maður er ekki fastráðinn
er þetta svolítið klippt og skorið. En
ég bíð alltaf spenntur eftir verkefn-
unum enda alltaf spennandi að sjá
hvað maður fær. Líf leikarans getur
verið svolítið upp og niður varðandi
hlutverk eins og gefur að skilja. Svo
er ég auðvitað alltaf að vinna á Stöð
tvö með afa (Erni Árnasyni). Það er
alveg frábært og mikill heiður að
vinna með honum.“
Athyglissjúkurfrá
blautu barnsbeini
Eins og fram hefur komið sló Björg-
vin rækilega í gegn með tilþrifum
sínum í Áramótaskaupinu sem
móðir hans Edda Björgvinsdóttir
leikstýrði. Hann segir viðbrögð
fólks við skaupinu afar góð og vel
hafi tekist til við undirbúning.
„Þetta var ofboðslega vel undir-
búið og alveg eins og þetta átti að
vera. Bæði skaupið í heild sinni og
auðvitað undirbúningurinn tók-
ust mjög vel. Tónlistarlega, söng-
lega, danslega og gervalega var allt
saman þaulæft og farið var rækilega
í öll smáatriði. Eg hef fengið mjög
góð viðbrögð frá fólki og er alveg
rosalega ánægður með þetta, enda
alveg frábært að fá tækifæri til að
taka þátt í þessu. Þetta er með því
skemmtilegasta sem ég hef gert.“
En er ekkert leiðinlegt að gera svona
grín að þjóðþekktum einstaklingum
eins og venja er í skaupinu?
„Nei nei, þetta er náttúrulega allt í
léttu gríni. Ég var einmitt að hlæja
að því um daginn að einhvern tím-
ann sem krakki var maður skamm-
aður fyrir að herma eftir öðrum
- það var alveg bannað. En nú fæ ég
að leika mér svona með því að gera
grín að öðrum og fæ pening fyrir
það! Ekki slæmt það! Annars held ég